Ephesu 2:3 - Lacid Common Language Bible

³ Gyeung" nyang: ngoonu" dangain" bang: we' nyangnu" yhang: ti" ngoonu" nya: da" gung sho" aco' ajhoid da" khyoo: moo cang lo" lho: gung shoo" vho: ngei da" khyoo: yo' nheigloem: da" khyoo: ri cang zei: lo yu" boem bye. Ngoonu" da" nyid yab, khyoo: gi gootu: byu yi yo' dakhyoo" ti"- Mangsoo nheig khoo" yo: da" dam shau" moin: mo, nghoid nyid.

Ephesu 2:3 ပူးပေါင်းရင်းမြစ်များ

APOEM AYANG: 5:3

Adam gi 130 zain ju" uri nyang: gi nyang: yo' du da" Shed ga: da" yuggi zoo: dayug doem yoo" bye:.

APOEM AYANG: 6:5

Mougmyid tho' mo byu yugkhang" moo" gi khanham we' gye" akhyeing" da" ziyo' gye" ashoeb da" nyangnu" myid soin: khyoo: ri Aseing myang uri

APOEM AYANG: 8:21

Ngei" to' byid: da" nam pyo: xoin" shoem: ri Aseing gi nheugshid: ziyo' nya: gung nyang: «Xangsu: byu yi da" shoid vhang: khyoo: gang mo ngoo gi mougmyid ri nheing" khoin" khanham we' shoug" nhang: loo wa zi anghoid. Nyang: gi ngi shi" mo nyang: nya: da" myid soin' khyoo: gi nheig akhyeing" ziri ngoo si' bye:. Ngoo gi akhid" lheing: koid yhang: te" da" dei moodei ri said mhoin' pyam khyoo: ri khanham we' ngoo doem koid loo wa anghoid.

YOBA 14:4

Byu yhang: ti" ayung" gyeing" su: mo yung" gyeing" zi daja: we' alhung yo" thu loo nghoid da:.

YOBA 25:4

Mangso shidkhoin" moo khayug gi deingmain" wigi yo" gyeung" shang: su: nghoid la.

COUNG" NGHEI 51:5

Ngoo khu: re" da" bidnyid mo wigi ngoo gi akhyeing" ashoeb ziyo' nga" myhi' ung: khoug: mo nyang:- ngoo moo: yooboo dab, gu nghoid bye:.

ESAIA 53:6

Ngoonu" dangain gi yang yhang: ti" byug lo" boem bye:. Ngoonu" yugkhang" moo" gi nyang: yug nyang: vho: da" khyoo: khyoo: lo" boem abye:. Nghoid loug we' Aseing gi ngoonu" dangain" bang: kham zoo: moin: da" yooboo ri nya: adang moo gyo" zang" nhang: bye:.

MARKU 4:19

He: moug myid byu nyid yo, boin: shid re" myid myoo: ung: loug zi ngei sheing: jo, nu" amyung ashoo" yoo" jo, nau: ziyo' gootu: aja: ja: ri myo, no, vhoo" byed da" ze wigi hau: mungdang: ri foeb pyam lho: ashi" ayo" zei: loo nghoid ago".

YOHAN 1:13

Houg: bang: gi byu da" nya phoo mo khu: lo da" nya: zoo yi nghoid nyid wigi xangsu: suid shoo" khyo" Mangso: nya: zoo: yi yo" bue" lo zi anghoid. Mangsoo nyang- nyangnu da nya: phoo nghoid nyid.

YOHAN 8:44

Nanu" gi nya: phoo yu satan da" nya: zoo: nghoid yoomo nanu" nya: phoo vho: da" khyoo: moo cang koid; nyid boem. satan gi xang: shid" mo nyang: byu said da" sarhi' nyang: nghoid. Nyang: moo deingmain" zi ci" we' aboo nghoid yoomo deung main" ziri asi- se' mhau' fain" su: nghoid. Nyang: gi mhoug mo, dangain" da" nya: phoo nghoid yoomo nya: void voo: yo' dakhyoo" ti" mhoug nyid.

ACTS 14:16

Lai loo" bye: da" apyaid' moo Mangsoo gi xang: su: byu dangain" ri nyangnu" nyang: vho: khyoo" koid wa da" akhang" byid: too" bye.

Roma 1:24

Hau: khyoo: yoomo Myangsoo: gi xangsu: byu yi ri - nyang: nya: myonhoo: ze" shoem: pyam' lho: nyang: nya: nheigloem: nya yo: phoin: khyoo: cang loo" wa shid' re" nyanu" nyang: ri she: pyam' too" bye.

Roma 11:30

Tungbau byumyu" ein: da" nanu" gi - daleing: ri Mangso: da" dang: ri atam" gyo: boem nghoid loug we' akhid" uri Mangso: da' nheig khyeug zi nanu" shau" kham zoo: nyid zi gi Yuda byumyu" yi gi Mangso: da" dang: atam" gyo: boem yoomo nghoid.

Roma 13:14

Hau: tho' moo Aseing Yesu Khristu ri gyi byi: gyimi su" void ci: ge'. Gung shoo" vho: da" nheig shid: said' nau khyoo: moo cang wa asoin' anyheing nyid goo.

Roma 2:14

Tungbau byumyu" yi gi -hau: da tarha" ri ashau" kham: yu boem. Nghoidloug we' - tarha" moo tid to" zi ri nyang: tu: nyang: myid vho: khyo" cang lo" da" uri tarha" ri shau" kham: yu mo bue" lo.

Roma 5:10

ngoonu" gi Mangso: gyivoo nghoid nyid loug we' nya: zoo: ri shid: kham: nhang: khyo" ngoonu" ri bidnoem bui" nhang: bye. Akhid" ngoonu" gi Mangso: da" bidnoem bui" loo bye: yoomo dei nyid da" Khristu khyo" wigi khyoid' yu khyoo: shau" yu wa zi deing bye.

Roma 5:9

ngoonu" gi Khristu shid: kham da" khyoo: khyo" Mangso: da" shid' khoin" moo deingbyeing" mo khyo" yo" vang loo" wa nghoid bye: yoomo Mangsoo: nheig yo: nyid jang" mo nyang khyo" yo" loid byoin loo" wa zi deing" deing nghoid nyid bye.

Roma 6:12

Houg: yoomo nanu" gi nanu" nya: da" gung sho" nheigloem: ri acang loo" wa shid' re" yooboo yougnoo gi shid" loo" se' da" nanu" gungdu: ri thang: phang" khanham we' vhoeb khang" loo: wa anghoid.

Roma 7:18

Xangsu: byu nghoid da" ngoo moo ge da" moo" ri yo" zei: wa da" yoem: so' abo zi ngoo se'. Khasu" wim ga ri ngoo moo ge da" moo" ri zei wa da" amyeing" boo nghoid loug we' yo" zei: wa yoem: so' aboo.

Roma 9:22

Mangsoo: we' - houg: yo" dakhyoo" ti" koid. Mangsoo: gi - yo: phoin: myo nhoo: toin" shid' lho: nya yoem vhoo" phung" ri se' lo boem wa shid' re" - vho: ngei nyid. Nghoidloug we' nheig yo: zi thoung" shau" lho: byo yoin" shid: joem: loo" moin: mo ri gye kham zeing: yau: nyid.

1Korinthians 4:7

Kha: youg wigi: nang ri- sube" tho' moo: je nghoid ga: tid nyid la" nanu" yo" da" zi dangain" gi Mangsoo byid: to" zi anghoid goo" la" Hougsu" nghoid ri nanu" yo" yu to" da" zi dangain" gi jeju" jhung: shug anghoid yhang: ti" nanu" phau: khuang nghoid boin: khyoo: gi ce: noem' yoomo koid nyid go" lha"

2~KORINTHU 7:1

Jheddab da" bidnoem yi we"- he: da" dang: soo" khoin" yi dangain" gi nyhang" ri byid: to" zi nghoid. Hougsu" nghoid yoomo nyhang" gi gung shoo" yo' Venyi ri anhyoin: athung" byui" nhang: da" aco' ajhoid khyoo: dangain" mo nyang: tu: nya: gungdu: ced" yung" ced" lhoo, nhang: lho: wigi Mangsoo ri gyoug phau" myang: zoo re" gyeungshang: thang khyo" kangso' dei nyid shang.

GALATI 3:22

Nghoid loug we' mougmyid gyab goin" gi hau: youg: noo yoobo wigi nghoeb, boem" pyam' bye, ga: wigi jhoem: mougsoug" moo tid nyid hougsu" nghoid yoomo Yesu Khristu ri loem" jeung khyo" wigi byid: wa ga: da" dang: soo" jeju" agyid asoo: ri loem" jeing" bang: ri byid: nyid.

Ephesu 2:2

Hau: da" ayo, moo nanu" gi mougmyid da" akhyeing" ashoeb khyoo: moo za: cang lo" boem wigi akhui" Mangsoo ri aphoug" akhyoid koid nyid da" byu yi ri vhoeb khang" nyid da" venyi gi moug: laid moug di ri vhoeb khang" lho: yoem: so' bo da" venyi joem jhang khyoo: nanu" cang lo" boem abye: go".

Ephesu 4:22

Hougsu" nghoid nyid yoomo nanu" gi shid phyang" nanu" nyang: cang lo yu" bye: da" kangso' dei khyoo: mo byu xoug" ri we' mougmyid pyo: khyoo: ri vhoo: boo myo, no, yoomo mhoug zoo: fain" zoo: nau da" nheugloem: yoomo byo, yoin" loo" bye: da" byuxoug" ri she: pyam loo ge'.

KOLOSE 1:21

Nanu" we' shid' phyang" dalheing: gi nanu" nyang: koid da" akhyeing" ashoeb moozoo" yo' - myid soin' khyoo: yoomo Mangsoo yo' ve: gang: lo" wigi nya: da" gyivoo jeom bue" yu" boem bye.

1THESALONI 4:13

Ngoonu" da" mang nhung" yi we' nheig byu jang: ayoo" lo: da" byu gooji yi yhang: ti"- nanu" koug shu: zi ashug" goo" baja" nyhang" gi shid: loo" bang: yo' sen: lho: wigi hau: deingmain" da" khyoo: nanu" ri se' gyoo: nhang: nau.

1THESALONI 5:6

Houg: su" nghoid yoomo ngoonu" gi byu gooji yi yhang: ti" ayhoeb, myhed jo, boem loo: za: gyeung: boin: zoore"- gyeing gyeing: koid lho: lhed' zed" nyid boem shang.

1 TIMOTHI 6:9

Nghoid loug we' yoo" noug di noug mo, gi mhoid" jhu, phyo' da" zi shau" boem ziyo' akoo" afang: koid boem ziyo' shid: gyoin, noogyoin, ze" bui" nhang: da" vhoo: boo myo, no, da" khyo: myoo" sho' ja: mo joem: duang: khuang" moo gyoo" loo" se' boem ago". Hau: zigi nyangnu" ri byo, yoin" soem" lo" joem: duang: khyoo: she: vang lo" boem abye: go.

TITU 3:3

Khasu" wim gari shid' phyang" gi ngoonu" nyang: we' myid fang: boem- atam" gyo: ziyo' shoid vhang: khyoo: dam: dam: bang: nghoid nyid boem. ngoonu" gi aco' ajhoid ziyo' mougmyid pyo: da" khyoo: aja: ja: ri cang lo yu" boem bye. Hau: khyoo: mo join, we' nghoid nyid boem bye. Ngoonu" moo khanham we' anoug angei go" ziyo' noo" goo" zoo go" ziza: bo nyid boem- gootu: byu yi ngoonu" ri anoug angei ziyo' dakhyoo" ti"- ngoonu" we' subi" ri anoug angei bang: nghoid.

1PETERU 1:14

Mangsoo ri tam" gyoo: ge' - shid' phyang" aboin: asi shi' da" ayo, moo nanu' cang lo yu" bye: da" vhoo: boo myo, no, kangso' dei khyoo: akoid loo: za:.

2PETRU 2:14

Nyangnu" gi gootu: ce" ja: riwe'- ayu" noug nghoid ago". Akyang" byo, ci: da" myiyi: yi riza:- date: yu" nau ago". Nyangnu" yooboo koid lho: yo" shau" kham: yu da" myo' no, khyoo: gi atho' thang nghoid ago". Nyangnu" gi loem khau: khyoo: moo yoem: nu: bang: ri nyangnu" da" lhid' moo myhi" sho' yo" mhe' yu ago". Nyangnu" da" nheugloem: e" myid joem ri aco' ajhoid khyoo: moo vhoo: boo myono loo wa shid re:- zei: zhang: nhang: nyid boem.Nyangnu" ri gi Mangso tarha" dang: phyed' nheung" khoin" zang" nyid boem abye: go".

2PETRU 2:18

Nyangnu" gi shoid vang: khyoo: dam: dam: lo" byu phung: khoug: mo aseig shi" daloid thu' loo bang: ri ce: akyu" abo da" nghoid boin: dang: tid lho gungshoo" aco' ajhoid da" nheig" loem: yo' lhoem: tau, yu lho: khyoo shu" vhang: lo" boem.

1YOHAN 2:16

Moug: myid' yo' sen: da" ziyoo jo, moo jo,- gung shoo" moo nyam, da" nheigloem: joem- byu myojid" mo myang lho: myo, no, vhoo: boo loug gyi: lo ja:- he: mougmyid byu yi da" nghoid boin: phau: khuang da" khyoo: joem yo' ngeig go" phoug tu" go" da" khyoo: khaid khang" moo" gi kha: zi we' Mangso jang" mo thu' lo zi anghoid- hau: khyoo: dangain" gi mougmyid mo thu' lo da" khyoo: joem za: danghoid nyid.

1YOHAN 2:8

Nghoid loug we' akhid" ngoo nanu" jhang khyoo: lhid" kaid' da" amyeing" tarha" gi dashoid khyo" tid shang ein: rigi aseig nghoid. Hau: tarha" aseig nghoid khyoo: deung zigi Khristu da" kangso' dei lo khyoo: moo we' nanu" thoung" shau" yu" loo bye: da" khyoo: mo we' yo" myang yu boem bye. Khasu" wim gari he: da" moug coid' gi bei: lo" byug lho: hau: deingmain" da" bidbang gi akhid" nyang: lang" doug bang jo, bye.