Ephesu 2:12 - Lacid Common Language Bible

¹² Hau" ayo, moo nanu" gi Khristu yo' gang: go" jo, boem ago- nanu" gi tungbau byumyu" yi nghoid nyid wigi Mangsoo khyen: yu da" byumyu" moo aboo bang: nghoid nyid boem nya: byumyu" yi ri byid: to" da" Mangso dang: theing khoin" yo' sen: da" dang: soo" khoin" moo akhang mo nanu" gi abo tho' moo agoo"- mougmyid moo ce" nheig byu jang: we' ayoo"- Mangsoo we' ayo" khyo" nyid lid lo boem abye: go.

Ephesu 2:12 ပူးပေါင်းရင်းမြစ်များ

APOEM AYANG: 15:18

Hau: ayo, moo Aseing gi Abram yo' thang" cab dang: theing too" bye:. Nyang: gi «Ngoo gi re" da" amyed ashen yiri Egutu mung" mougkyoo" mo Uphrad gyid lang moo ju" sho' he: mougmyid dangain" byid: bye: khyoo: dang: soo" byid: bye:.

2 KHOKHAM MHOOMYID: 15:3

Israela byumyu" yigi ayo, myang" sho' deungmain" da" Mangsoo aboo loo:- nyangnu" ri jhoug" shid wa khainjung yi aboo loo:- tarha" aboo loo: nyid lo ago".

EZRA 4:3

Zerubabela Yoshua yo' akung: ako' vhujhung: yigi nyangnu" ri «Ngoonu" Aseing Mangso da" Noku Yhoem: Moo" koid wa shid re" nanu" bo pang" wa ziri ngoonu" avoo:. Persi khosen Kuru ngoonu" ri amyeing" byid: ziyo' dakhyoo" ti" he: ziri ngoonu" nyang: ngoonu" koid wa nghoid» ga: doem tid bye:.

THU' LO" MOUGSOUG" 12:45

Daso' dadam re" theing: su: yo' vhoo" kung: yigi hau: ziri age zoo: wa nghoid.

ESAIA 14:1

Aseing gi nya: byumyu" Israela ri dalheing: doem nheig khyeug byid: lho: nya: byumyu" khyo" nyangnu" ri doem khyen: yu loo wa. Nyangnu" nya: mung" moo nyangnu" ri doem nyid nhang: wa. Tungbau byu yigi ju" re" lho: houg moo nyangnu" yo' dage" re" nyid boem wa.

ESAIA 44:6

Israela ri vhoebkhang" wigi goem loem byid: da" Aseing myhang: thang Aseing tid zigi «Ngoo gi xang: shi" su: yo' lo" thang mo su: dayug kyeing" da" Mangsoo- ngoo mo lid wigi yu phara" gootu: anyid.

ESAIA 45:20

Aseing tid zigi «Khosen mungdain: gyoo" lo" byug uri nyid deing bang: dangain" nghoid da" byumyu" yi we"- zeing: lo boem ge'. Tarha" joeb yu" khyo" nanu" nya: gung ri yhe: ci: shug byid: we'. Byu yigi seig wigi koid da" nyangnu" yu phara" soolhoo: joem yo' jen shug yen" lho: nyangnu" ri ayo" khyoid yu da" yu phara" joem ri akyu" mho' ago". Hau: byu yigi ci: we' asi' goo" nghoid da:.

ESAIA 61:5

Nga" byumyu" yi we"- tungbau byumyu" yigi nanu" ri dei byid: loo goo" wa. Nyangnu" gi nanu" da" yang yo' coidbaid kyung joem ri yu" coung: lho: Nanu" khyam: yoo moo khyam: koid ziyo' nanu" zabyid khyam: joem ri yu" coung: byid: loo wa.

YEREMIA 14:8

Nang gi Israela da" dakhaid kyeing" da" myidbyu khyoo: nghoid da:. Nang gi ngoonu" ri byo, yoin" lo" jang" mo khyoid yu su: nghoid da:. Nang gi ciwim yoomo ngoonu" da" mougmyid mo being" voo yo" bui" wa la". Ciwim yoomo damyen kyeing" yhoeb lid: lo" da" gyung: soo" su: yhang: ti" yo" bui" wa la".

YEREMIA 17:13

Aseing we"- nang gi Israela da" myid byu jang: nghoid da:. Nang ri she: pyam boem da" bang: gi sho' phu" loo goo" wa. Nyangnu" gi pheilhoug: boem" moo lhid" to" da" myeing joem yhang: ti" bei: byug wa. Ciwim gari nyangnu" gi gyid sain' gyid bug nghoid da" nang Aseing ri she: pyam pyam yoomo nghoid.

EZEKIEL 13:9

Ngoo gi yoeb myang joem agyeing" anghoid ziyo' khyoo: vhang: shu" vhang: da" lapi: pe: bang: lapi: nanu" ri yooboo dam byid: wa za: danghoid lo:. Nga" byumyu" yi phung: foem: lho: moo" she: myid phyed lo" uri houg: moo nanu" anyid goo" wa. Nanu" da" myeing joem gi Israela byumyu" yi da" zhayhen" moo aboo wa. Nanu" gi nanu" nya: mougmyid khyoo: khanham we' adoem tau" loo wa. Houg: lang" nanu" gi ngoo yoem: moo" bo Aseing nghoid ziri se' loo wa.

EZEKIEL 37:26

Ngoo gi apyaid atoo: moo nyangnu" goem loem wa khyoo: dang: theing daloem: ri nyangnu" yo' koid too" wa. Ngoo gi nyangnu" ri nyhid: to" lho: myo: lug je: loo nhang: wa. Houg: lho: nyangnu" da" mougmyid moo apyaid atoo: jo, jo, wa shid re" nga" da" Noku Yhoem: Moo" ri to" too" byid: wa.

EZEKIEL 47:22

Hau: zigi nanu" da" apyaid atoo: mo agyid asoo: mougmyid nghoid da:. Hau: ziri nanu" kho' gam go" uri nanu" da" phung: gung moo nyid wigi hid moo: zooshang: khu: da" tungbau byu yi we' nyangnu" da" gamboem yo" yu ca" da:. Nyangnu" we' Israela mung" byu seing: yhang: ti" nyang: zoem" khoug: ca" wigi nyangnu" gi Israela byumyu" kung: yi yo' dage" mougmyid kho' gam wa shid re" me" bo yo" lab ca" da:.

HOSEA 3:4

Israela byumyu" yi we' hid: yo' dakhyo" nyang: ayo, myang" sho' khokham we' ayoo"- vhu" shi: bang: we' anyid- xoin" we' angei" byid:- gyeung" shang: lug zeingboung: joem we' ajo,- boid phyed wa yu phara" soolhoo: joem yo' gung du: soolhoo: joem we' ajo, loo: yo" nyid re" goo" wa.

GYUNG: SOO" 18:19

«Israela byu yi wigi ngoo ri shugbyid: go" da" gooki lid alu: jhungshug dangain" ri nang yo' re" yuggi zoo: myiyi: zoo: yiri ju" loo wa da" ayo, dangain" moo ngoo byid:. He: zigi nang yo' re" amyed ashen yi yo' ngoo to" to" da" ayo" byo, yoin" da" dang: theing nghoid da» ga: tid.

LUKA 1:72

Ngoonu" da" phoug" phyid" yi da" tho' moo nheig khyeig wa ziyo'- dang: theing" khoin" ri myed boin: wa shid' re" tid too" bye.

YOHAN 10:16

He: da" yang khyam: moo abo da" yang- gootu: we' ngoo yoo" shi" Hau: yang joem ri we' nga" yang khyam: khoug: moo shu" vang loo ca" shi. Nyangnu" gi nga" thui: ri tam" gyoo: goo" wa houg: yoomo yang Phung: daphung: za: yang zung" su: dayug za: bue" loo wa nghoid.

YOHAN 15:5

Ngoo gi zabyidd" nei yang: nghoid. Nanu" gi akung: ako'' joem nghoid. Ngoo moo xo' wigi ngoo we nanu" yo' xo' to" ri gi na nu" ashi" myo" sho' yo" zei: loo wa khasu" wim gari ngoo yo' gang go" loo" lang" nanu" ci" we' ayo" koid loo.

YOHAN 4:22

Nanu" Samari yi gi nyang: tu: nyang: ase' da" Mangsoo ri Noku ago". Ngoo nu" gi ngoonu" nyang: si' bye: da" Mangsoo ri da noku boem. Khasu" wim gari Khyoid yu khyoo: gi Yuda byumyu" mo wigi ju" loo yoomo nghoid nyid.

ACTS 2:39

Khasu" wimgari- Mangso dang: soo" khoin" gi nanu" shid mo we' nanu" da" nya: myed: nya: zoo: yi shid mo we' ngoonu" da" Mangsoo Aseing: nyang- khe: yu bye: yoomo vi: moo nyid mo, dangain" bang: shid re" we' byid: too" bye.

ACTS 28:20

Houg: yoomo ngoo gi nanu" yo' shau" doem, goo" wa shid mo khe: yu zi nghoid. Gyeing" nyang: ga: rigi ngoo hidsu" jang coo" doem, wigi tei" zi dashau" rigi Israela byumyu" yi myid byu nyid su: gang mo nghoid da- ga: tid.

ACTS 3:25

Hau" lapi: yi da" nhoid dang: thui: khyo" byid: to" da" Mangso dang: soo" khoin" joem gi nanu" shid re" nghoid nyid. Mangsoo gi nanu" phoug" phyid" yo' koid to" da- dang: theing khoin" moo boo mo, nanu" we' boo bye. Mangsoo gi Abraham ri Ngoo gi re" myed: re" zoo: yi khyo" wigi moug: myed xangsu: byu yi dangain" ri main kaid' byid: wa ga: tid to.

Roma 9:8

Dakhyo" doem ein: rigi xangsu: gungshoo" khyo" khu: loo mo dangain" gi Mangsoo: nya: zoo yi anghoid. Mangsoo: dang: theing to" khyo" khu: loo mo za: Mangso: da" nya: zoo: agyeing" yi nghoid.

GALATI 4:8

Lai loo" bye: da" ayo, moo nanu" gi Mangsoo ri ase' boem shi" yoomo adeung amain" da" phara" yi da" join, yi bue" nyid boem bye.

Ephesu 2:19

Hougsu" nghoid yoomo akhid" nanu" gi tungbau byumyu" hougsu" anghoid lang" gi nghi: zain' byumyu" yi anghoid boem loo- akhid" nanu" gi Mangso byumyu" yi moo bo da" moug: seung: byumyu" yi nyang: nghoid wigi Mangso da" ikoin deungkhu: byu yi nyang: nghoid bye.

Ephesu 4:18

Nyang: nu" da" se' yeug nyain: phajhi" gi moug: coid nghoid nyid wigi bain sho' nyang: akoo" afang: nghoid nyid nheigloem: thain: nyid boem yoomo Mangsoo byid: da" kangso' gam boem' moo nyangnu" gi aboo bang: nghoid nyid ago".

KOLOSE 1:21

Nanu" we' shid' phyang" dalheing: gi nanu" nyang: koid da" akhyeing" ashoeb moozoo" yo' - myid soin' khyoo: yoomo Mangsoo yo' ve: gang: lo" wigi nya: da" gyivoo jeom bue" yu" boem bye.

KOLOSE 1:27

Mangsoo nyheung soin' to" khyoo: gi byumyu" bain' sho' bang: shid re" nyang: yo" jo, da" myo: tham: phung" yoeb myonhoo: bo da" yhoem" shoung: to" da" phajhi" ri nya: da" byu yi jhang moo-pang shug byid: da" khyoo: nghoid- hougsu" yhoem" to" da" phajhi" gi nyangnu" da" nheigloem: ung: khoug: moo vang jo, bye: ein: da" khyoo: nghoid- hau: da" dangkang: gi nanu" Mangsoo yo' dage" hau: phung" yoeb, ri coem kham: yu da" khyoo: nghoid.

KOLOSE 1:5

Hau: deingmain" mungdang: ein: da" ngei bu: lu dang: nanu" jang" moo xang: shed" ju" lo da" uri hau: ngei bu: lu dang: wigi byid: lo da" nheig byu joyoo ri shau" gyo: yu" boem bye- (Hougsu" nghoid yoo mo nanu" da" loem" jeung" khyoo: yo' jheddab da" nheigloem: gi moug: khung: moo nanu" shid re" shoung: too" byid: ziri shau" kham: yu wa da" khyoo: nanu" nheig byu joyoo ayang: zug jo.

1THESALONI 4:13

Ngoonu" da" mang nhung" yi we' nheig byu jang: ayoo" lo: da" byu gooji yi yhang: ti"- nanu" koug shu: zi ashug" goo" baja" nyhang" gi shid: loo" bang: yo' sen: lho: wigi hau: deingmain" da" khyoo: nanu" ri se' gyoo: nhang: nau.

1THESALONI 4:5

Mangsoo ri ase' da" tungbau byumyu" yi yhang: ti"- nyam, mhain: da" nheigloem: age boo.

2 THESALONI 2:16

Yha" da" Aseing Yesu Khristu nyang: yo' ngoonu" jheddab nyid da" phoo Mangsoo gi nya: jeju yo' ngoonu" ri geung: teung da" yoem: vhoo" khyo" ge, lho, da" nheig byu joyoo byid: too" bye.

1 TIMOTHI 1:1

Ngoonu" ri khyoid khyi: yu da" Mangsoo yo' ngoonu" da" nheig byu jang: nghoid nyid da" Aseing Yesu da" khyoo: yoomo lagyoo: nghoid nyid da" ngoo Polu gi

HEBRE 11:34

Gye" thain: nge" da" myi: so' ri we' yo" said' pyam boem wigi sube" sham: soo" mo we' yo" loid byoin, lo" boem bye. Nyang: nu" gi yoem: nu: boem nghoid loug we' yoem: foin, byid: zi yo" yu boem yoomo gyi zain: jang: moosa" rhi, yo" koid boem ziyo' tungbau gyiphung: joem ri yo" zain: oung: lo" boem.

HEBRE 6:18

Mangsoo gi mhoug su: anghoid- houg: yoomo nya: da" dang: soo" khoin" yo' nya: jham, tang: khyoo: eig khaid gi khanham we' athid' loo"- ashai" lo" da" dang: eig khoin" nghoid nyid. Hougsu" nghoid yoomo nyang: moo nghe: khau: lho: goem, loem khyoo: yo" yu mo, ein: da" ngoonu" gi ngoonu" ri byid: to" da" nheig byu joyoo ri geing: geing: zei: lho: pu" lhang" too" wa shid mo yoem: lung: byid: zi shau" boem bye.

HEBRE 8:6

Nghoid loug we' akhid" koem gi hau: khainjung yi yo" da" aya: dangain" tho' mo je gyi: da" khainjung moozoo" aya: gi Yesu ri byid: too" bye.Mangsoo yo' byu yi da" agyoo: moo- Yesu nyheing byid: to" da" dang: theung thang" cab, gi je" ge da" dang: theung thang" cab, nghoid bye. Khasu" wim gari hau: dang: theung thang" cab, gi xang: shed" mo dang: theung to" da" thang" cab, tho' moo je" ge da" thang" cab, ayang: qei" to" zi nghoid bye.

1PETERU 1:21

Nyang: mo wigi nanu" Mangsoo ri loem, khau: loo bye- Mangsoo gi Yesu ri shid: jang" mo doem dei to'' loo nhang: wigi myonhoo: phung" yoeb, thu loo nhang: bye- Yesu khyo" wigi nanu" hougsu" loem" jeung loem khau: nheig byu khyoo: gi Mangsoo moo zoug jo, wa zi nghoid.

1PETERU 1:3

Ngoonu" gi ngoonu" Aseing Yesu da" nya: phoo Mangsoo ri jeju" boin: nyid boem shang- khasu" wim gari Mangsoo gi atho' tid da" nheig khyeig shoo" myen: si su: nghoid yoomo Aseing Yesu Khristu ri shid: jang" mo doem dei to'' loo nhang: khyo" wigi ngoonu" ri kangso' aseig byid: bye- houg: yoomo ngoonu" moo dei nyid wa da" nheig byu joyoo ri yo" yu boem bye.

1PETERU 3:15

Nanu" da" nheigloem: khoug: moo Khristu ri phau" myang: lho: wigi Aseing: gi yhoem: seing: khyo" nyang:- coung" nghei kham: yu nyid ge'- nanu" yo" kham: yu bye: da" nheig byu joyoo da" khyoo: ri myid: phoid: sho: loo su: ri kha: uringhoid loug we' tid phoid: sho' kyoo" wa shid re" jen" jen" koid too" ge'.

1YOHAN 3:3

Khristu moo hau: nheig byu jang: yoo" bang: gi Khristu nyang: gyeungshang: nyid ziyo' dakhyoo" ti"- nyang: tu: nya: gung ri we' cid" yung" cid" shang: to" abye: go.