DANIELA 9:26 - Lacid Common Language Bible

²⁶ Houg: lho: hau: ayo, thang loo" yo, ri Mangso wigi khyen: to" da" vhu" shi: su: ri atarha" da" khyo" said pyam loo goo" wa. Voomoo" yo' Noku Yhoem: Moo" ri yoem: so' gyi: da" moug: jhen" gyizoug: dayug mo phyo' shoin' pyam loo wa. Lo" thang ayo, gi dagyid je: re" yhang: ti" ju" lo lho: Mangso soin' to" da" meing: zain pui" yo' phyo' shoin' ziri bue" thu ri" nhang: wa.

DANIELA 9:26 ပူးပေါင်းရင်းမြစ်များ

2 SAMUELA 21:5

Nyangnu" gi «Sholu gi ngoonu" ri Israela mungdain: khyi khang" moo" moo kangso' dei ziyo' anyid nhang: noug wigi ngoonu" ri phyo' shoin' pyam nau zi nghoid.

COUNG" NGHEI 22:15

Nga" da" khyung" kang: gi myidzhoo" phei" yhang: ti" kyoug jo, lho: nga" da" yhoo: we' vhoo: moo: dab, byug bye:. Nang gi ngoo ri shid: wa shid re pheilhoug: boem" moo: she: pyam, too" bye:.

ESAIA 28:2

Aseing gi nyangnu" ri gyi zain: wa shid re" jen" jen" nghoid da" yoem: bo wigi yoem: so' gyi: da" byu dayug yo" da:. Hau: yug gi leug voo yhang: ti"- moug: moo" yu: yhang: ti" gyid khyoid khyoid nhe' lo yhang: ti" ju" re" wigi mungdain: ri oung: nghoeb pyam wa.

ESAIA 28:22

Nanu" ri ngoo tid poin" byid: nyid ziri ayi juang" pyam goo". Nanu" hougsu" koid boem nghoid rigi nanu" phang: loid wa je wigi yau: loo wa. Myhang: thang Aseing gi mungdain: goin" ri phyo' shoin' pyam wa myid phyed da" khyoo: ri ngoo shau" gyo: too" bye:.

ESAIA 53:8

Nyang: gi myheig yu shau" wigi dang: phyed lho: shid: wa jang" khyoo: shu" thu lo" ago". Nya: da" vhu" pi: lo, kyo' ri hang" we' ayo" myang byid: nghoid da:. Ngoonu" byumyu" yi da" yooboo shid re" nyang: said pyam zi shau" da:.

ESAIA 8:7

Ngoo Aseing gi Asuri khosen yo' nya: gyidab joem dangain" ri Yuda mung" ri khaid zain: wa shid re" shu" loo wa. Nyangnu" gi hau: gyid yam dangain" ri yau nhe' pyam da" Uphrad gyid khyoid lang yhang: ti" ju" loo goo" wa.

YEREMIA 46:7

Nila gyid gyung: yhang: ti" do, re" wigi dung" bung ri nhoeb pyam da" gyid gyung: yhang: te" su: gi hang" nghoid boem la".

YEREMIA 51:42

Panglai: gi Babelon adang moo nhe' pyam wigi myeing da" being: lhung" joem wigi hau: ziri nhe' pyam ago".

DANIELA 11:10

«Suri khokham da" yuggi zoo: yigi gyi: zain wa soin' lho: gyidab zeing daloem: khe: zheing" yu loo wa. Nyangnu" mo dayug gi dagyid yhang: ti" je: nghoeb lo lho: gyivoo daphung da" gyikhoug: zung ri khaid zain wa.

DANIELA 11:17

Suri khokham gi nya: gyidab dangain" ri shu" lho: gyi khaid yhi: wa khyo" soin' nyid da:. Hau: thang: nyang: gi nya: da" gyivoo mungdain: ri yo" phyo' shoin' sho' ga: myid soin' lho: nyang: yo' bidnoem xo' wigi nyang: ri nya: da" myiyi: zoo: byid: zho" loo wa. Nghoid loug we' nya: da" myid soin' to" khyoo: gi oung: doid wa zi anghoid.

DANIELA 11:22

Mangso da" khainjung moo" ri koid yhang: ti" nyang: ri ngeug thug lho: gyi phug koid yug hang" ri nghoid loug we' jhoid za: shoem" thu pyam wa zi shau" wa.

DANIELA 11:36

«Suri khokham gi nyang: nau khyo" koid wa. Nyang: gi yu phara" tho' je gyi: sheung: ziyo' gyi: sheing: myhang: thang da:. Mangso tho' lang" je gyi: je reung: ga: phau: tid loo wa. Nyang: gi Mangso wigi nyang: ri yooboo dam byid: da" ayo, ju" sho' he: ziri yo" koid loo wa. Mangsoo gi nyang: myid soin' to" ziyo' dakhyoo" ti" toeb za: koid wa.

DANIELA 9:27

Hau: vhoebkhang" su: gi byu myo" sho' yo' nyhed zain mo geing: teing da" myid veing" khyoo: ri yo" yu to" loo wa. Houg: lho: hau: ayo, agung dayi" lid lo" da" uri xoin" too" byid: ziyo' alu jhungshug ngei" byid: khyoo: theing: pyam loo wa. Gyug mau" pho" ziri Noku Yhoem: Moo" mo myhang: thang joyoo moo to" to" wigi hau: zigi hau: joyoo mo hau: ziri to" too" yug shid re" Mangsoo soin' to" da" lo" thang moo ju" sho' jo, jo, wa.

HOSEA 1:9

Aseing gi Hosea ri «Nyang: ri ‹Nga" byumyu" anghoid› ein: myeing byid: we'. Ciwim ga ri Israela byumyu" gi nga" byumyu" anghoid. Ngoo we' nyangnu" da" Mangsoo anghoid» ga: tid da:.

AMO 8:8

Houg: yoomo mougmyid gi myid leig leug loo: wa. Mungdain: khoug: moo nyid da" byu yi yugkhang" moo" gi seing" kho" lo boem wa. Damung" goin" yoid yoid ga: lei" lo wigi hau: zigi Nila gyid gyung: je: gyo" lo ziyo' dakhyoo" ti" nghoid wa.

AMO 9:5

Yoem: moo" bo myhang: thang Aseing gi mougmyid ri zang" thung" kaid lang" kougshu: nyid boem bye:. Moug: gyab goin" jang" moo Nila gyid gyung: je: lo yu" kain" lo" yu" wim nyid yhang: ti" bue" lo nyid.

NAHUM 1:8

Nyang: gi gyi" sho' da" gyid khyoid zoo" yo' dakhyoo" ti" nya: da" gyivoo joem ri jhoid phyo' sain" pyam bye:. Nyang: gi nyang: ri gyi tau" koid mo, ri shid: jang" khyoo: nhang: kaid bye:.

MATHE 22:2

Mougkhung: mungdain: gi nya: yuggi zoo: shid re" loxo' pui" ri soin to" da" khokham" dayug yo" du nyid.

MATHE 22:7

khokham" phoo gi nheig gye yo: lo wigi Nya: gyizoo: yi ri nhang: kaid lho: wigi hau: byu said mo, ri yhe: said pyam nhang: nyangnu" voogung ri we' nghe pyam nhang.

MATHE 23:38

Yu" we' re" noku yhoem: moo" gi akoem: she: pyam too" wam: bye.

MATHE 24:2

Nyang: tid «nghoid bye: zigi He: yhoem: dangain" ziri nanu" myang wa nanu" ri ngoo tid ba"- he: lug yhoem: zeing gi lug daloem: tho' moo daloem: ake" too" loo sho'- phyo' sain" khyo pyam zi shug wa nghoid.»

MARKU 13:2

Yesu gi nyang ri nang he: yhoem: moo" ri myang la". he: lugyhoem: mo lug zeing joem daloem: we' nya jo yoo moo adeung loo: byo, gyo" lo" byug boem wa"-ga: tid kyo".

MARKU 13:7

Jhang moo vi moo gyi khaid meing: byo, ludang: shau" gyo: lo uri nanu" myid amyoo goo"- hau: gu: gi bue" loo ca" nyid nghoid lug we houg: gi lo" thang ayo, gi anghoid shi".

MARKU 9:12

Nyang: doem tid zi gi nyangnu" ri ja: khang" moo" jen" jen" soin' nyheung too" wa shid re" Elia gi gyeung" nyang: xang: shid" ju" ri" wa nghoid. Nghoid loug we' jhoem: mungdang: moo byu nya: zoo: gi khyeug shu: zi myoo" sho' kham zo: lho: ngeug pyam zi toung" shau" wa ga: cikoid tid to lha".

LUKA 21:24

Byu dayham" gi sham: dam yo" said pyam zi shau" boem wa. Dayham" bang: rigi join khyo" myheig shu" lo" boem wigi mung" zoo: mung" zeing: moo byo sain" lo" boem wa. Tungbau Byumyu" yi gi nyang: nya: vhoeb khang" da" pyaid athang thang gi Yerusalem voo moo" ri khyidvoo: khoug: moo nang zeug ci: boem wa.

LUKA 21:6

Hau: uri Yesu gi Nanu" shau" myang da" zi joem dangain" gi lug daloem: we' akhang: joyoo moo ake" too" loo: sho' byo sain" pyam da ayo, ju" loo wa" ga: tid.

LUKA 24:26

Meshia gi myonhoo: phung" yoeb akham: yu shi" ri hid: yhang: te" da" kyi" khyeug yau: khe" khyoo: ri kham: zo: ca" nyid anghoid goo" la"» ga: tid.

LUKA 24:46

Nyang: nyangnu" ri tid zigi Meshia gi kyi" khyeug kha, lho: hau: thang: ri shid: jang" mo soem" nyid" kyoo: lang" doem dei to' loo wa ga: lhid" to".

YOHAN 14:30

Mougmyid da" zoug: phoo gi jure" nyid bye. Houg: yoomo ngoo gi nanu" yo" dang:- myang" sho' shau" tid go" nyid wa da" ayo, ajo, loo. Hau: mougmyid zoug: phoo gi nga" tho' moo ce" amyeing" ajo.

2~KORINTHU 5:21

Khristu gi ce: youg: noo yooboo adab su: nghoid loug we' ngoonu" gi Khristu yo' dadeung: daloem: za: bue" lo wigi Mangso da" deung: byeung" ziri kham: yu wa shid re" Mangsoo gi Khristu ri ngoonu" shid re" nyhang" yhang: te" yooboo yo" su: - bue" loo nhang: bye.

GALATI 3:13

Seig zeing moo jen" lhang" too" shau" su: hang" nghoid loug we' Mangsoo da" tarha" dang: phyed' zi shau" su: nghoid nyid, ga: wigi jhoem: mougsoug" moo tid to" ziyo' dakhyoo" ti"- Khristu gi ngoonu" da" shid re" tarha" dang: phyed zi shau" byid: khyo" wigi toung: to" da" tarha" dang: phyed jang" mo ngoonu" ri khyoid khyi: yu bye.

1PETERU 2:21

Hid: yhang: ti" kham zeing: wa shid re" Mangsoo gi nanu" ri khyen: yu too" bye- khasu" wim gari Khirstu da" khyid: khoo: moo yo" cang loo" wa shid' re" nya: gung nyang: nanu" shid re" kyi" khyeug kham lho: nanu' shid re" khoo" shid: koid too" bye.

1PETERU 2:24

Ngoonu" gi youg: noo yooboo ri she: pyam kho lho-deing main" mo, khyo" kangso' yo" dei nyid wa shid re" nyang: gi ngoonu" da" yooboo ri nya: gung du: moo nyang: voin, lho: pyang" zeing tho' khyoo: yhe: loo" bye-

1PETERU 3:18

Khasu" wim gari Khristu gi yooboo yoo" mo, gung thid' -dalheing: dam, bain' sho' shid: kham: pyam bye- nanu" ri Mangso jang" moo shu" ju" loo wa da" shid' re" yooboo yoo" mo, shid' mo byu gi dayug gi shid: bye-nyang: gi moug: myed, gung shoo" ri said' pyam zi shau" bye- nghoid loug we' venyi khyo" doem dei loo nhang: zi shau" bye.