DANIELA 9:25 - Lacid Common Language Bible

²⁵ He: ziri xoem" ci wigi se' gyo: ci: we' Yerusalem ri doem di wa amyeing" khyo' byid: da" ayo, mo Mangso wigi khyen: to" da" vhu" shi: su ju" re" da" ayo, ju" sho' nyhed zain nyhed lheing: myang" loo goo" wa. Yerusalem ri fu" moo" khyoo: joem yo' geing: teing da" gyi lhoem: joyoo de: to" loo goo" wa. Houg: lho: hau: zigi khyug xe: eig zain nyhed lheing: geing: teing jo, loo wa. Nghoid loug we' he: zain gu: gi yau: khi" da" ayo, nghoid loo wa.

DANIELA 9:25 ပူးပေါင်းရင်းမြစ်များ

2 SAMUELA 15:25

Hau: thang: khokham gi Zadog ri «Dang: Theing Kuid: voogung khyoo: doem yu loo" we'. Aseing gi ngoo ri myid dab nghoid rigi hau: zi jo, da" joyoo mo hau: ziri shau" myang wa shid re" danyid" nyid" ri doem loo nhang: wa zi nghoid.

EZRA 4:24

Noku Yhoem: Moo" koid moo" zoo" no: to" zigi Persi khosen Dari kho" zhung: thang: eig zain ju" sho' no: too" bye: ago".

EZRA 7:1

Zain void gye" myang" thang: ri Persi khosen Artaxaxe vhoebkhang" uri Ezra ga: su: dayug nyid. Nyang: gi nya: phoug" phyid" byuxeig ri khainjung moo" Arun ju" sho' doem tau" shab lo" ri hidsu" yo" myang. Ezra nya: phoo Seraia- nya: phoo Azaria- nya: phoo Hilkia-

EZRA 7:8

Nyangnu" gi lhammoo" dakhyab khyab lho' xain" nyid" ri Babelon mo thu lo wigi Mangso pang" thoug ziyo' lhammoo" wim: khyab xang: shi" nyid" ri Yerusalem khyoo: ju" lo boem abye: go" zi nghoid.

NEHEMIA 3:1

He: zigi voomoo" vang doem zhug da" khyoo: nghoid da:. Khainjung moo" Eliashib yo' nya: khainjung byencang" yigi vang khoem" moo" ri doem zhug shugbyid: wigi hau: khoem" moo" ri nya: joyoo moo tab ago". Nyangnu" gi dasho: yug da" gyi pyuzung yo' Hananela gyi pyuzung joem ju" sho' ri shugbyid: ago".

NEHEMIA 4:2

Nyang: gi nya: byu yi yo' Samari gyizoo: yi shidkhoin" moo «He: asho" ajhen: da" Yuda byumyu" yigi nyangnu" cikoid nyid ga: myid boem lug la". Nyangnu" gi voomoo" ri doem zhug wa myid soin: boem lug la". Nyangnu" gi xoin" ngei" wigi hau: moo" ri danyid" moo za: yo" koid pain' wa ga: myid boem lug la". Nyangnu" gi myi: nge" gyoeb boem jo, da" lugboem yoomo yhoem: koid lug yo" koid yu goo" wa la"» ga: tid da:.

NEHEMIA 4:8

Houg: yoomo nyangnu" dangain" zeing: re" lho: Yerusalem ri coem' zain: wa yo' lhu: shug wa ga: byen phyoo" khau" zain: ago".

NEHEMIA 6:15

Bidnyid wim: xe: eig nyid" moo" zei: thang: ri Elula lhammoo" khyab eig xe: wim: nyid" ein: nyid" ri vang daloem: goin" ziri bain zhug bye:.

COUNG" NGHEI 71:10

Nga" gyivoo joem gi ngoo ri said pyam nau nyid boem- Nyangnu" gi ngoo ri thougtheung tu: lhoin" pyam wa shid mo sham: go" nyid boem.

PHAJHI" DANG: 3:3

Said pyam da" ayo, yo' noo byang" byid: da" ayo, phyo' khyo' pyam da" ayo, yo' koid wa ayo, ri asoo" to" to" da:.

ESAIA 55:4

Ngoo gi nyang: ri vhujhung: yo' byumyu" yi da" gyizoug: bui" nhang: bye:. Nyang: khyo" wigi nga" yoem: so' ri nyangnu" ri ngoo toin" shid bye:.

ESAIA 9:6

Ngoonu" shid re" zooshang: khu: byid: abye:. Ngoonu" ri yuggi zoo: byid: to" abye:. Houg: lho: nyang: gi ngoonu" da" vhoebkhang" yug nghoid loo wa. Nyang: ri «Mau" pho" phajhi" byid: yug» «Myhang: thang Mangsoo» «Apyaid atoo: mo phoo» «Ngei pyoo: yug yo da" khokham nu"» ga: myheing loo goo" wa.

DANIELA 8:11

Hau: zigi mougkhung: mo gyidab da" khokham nu" rilang" aphoug" akhyoid koid lho: nyang: ri ngei" byid: da" nyid" khang" nyid" mo xoin" ngei" ziri theing: pyam wigi Noku Yhoem: Moo" ri phyo' pyam da:.

DANIELA 8:25

Nyang: gi nheigloem: guid" yoomo nyang: mhau' pyoid moo" joem dangain" oung: doid wa. Nyang: nya: gung ri nghoid boin: nhang: lho: byu myoo" sho' ri ci: atid lho: said toem" pyam loo wa. Nyang: gi khokham dangain" mo gyi: sheung: thang da" yug rilang" aphyoug akhyoid koid loo wa. Nghoid loug we' xangsu: byu da" yoem: so' ri aci: loo: nyang: ri phyo' shoin' pyam loo wa.

DANIELA 9:23

Mangsoo jhang nang mho' shid lo" da" ayo, mo nang ri nyang: tu" byid: bye:. Nyang: gi nang ri jheddab da:. Houg: yoomo nang ri dang: phuid: tid kyoo" wa shid re" ngoo ju" re" zi nghoid. Akhid" hau: yoeb myang ri ngoo tid sho' kyo" nyid uri goo" lhoo: za: gyo: yu we'.

MIKHA 5:1

Yerusalem voobyu yi we"- nanu" da" gyi yoem: ri zheing" ge'. Ngoonu" gi gyivoo joem khoem lheung ci: zi shoug" bye:. Nyangnu" gi Israela vhujhung: yiri re" khaid zain: nyid boem bye:.

MIKHA 5:2

Aseing tid zigi «Bedlehem Ephrad we"- nang gi Yuda voogung joem mo nge thang voogung daloem: nghoid loug we' goonham' gooco' byuyoug gyung: gyo" loo su: Israela khokham dayug ri nang mo khu: thu loo nhang: wa nghoid.

MATHE 13:23

Myidjang: gi moo sain" khyo da" myoug: shi" gi mungdang: tarha" ri shau" gyo: lho: hau: ziri se' gyoo: su: yo" du nyid. Nyangnu" mo dayham" gi azhang dashoo:- dayham" gi azhang khyug xi:- dayham" gi azhang soem" xi:- myo: je lo da" ashi" ri yo" zei:» ga: tid.

MATHE 24:15

«Lapi: Daniela kho" kyoo" khare" da" ‹gyoug dain' ca" da" aco' ajhoid da"› zigi gyeungshang: da" joyoo moo yab jo, ziri nanu" myang wa.» (Mougsoug" nghab' su: se' gyoo: baja")

MARKU 13:14

Houg: su: wigi-hau: yu" dain sho' da" aco' ajhoid zigi atoo" eung: da" jo, yoo moo to" to" ziri nanu" shau" myang lang gi (Moug soug" nghab nyid su: gi dang: se' gyoo: kang: wa) Yuda mung" moo nyid mo, gi boem tho' khyoo: phang: loo" goo" baja".

YOHAN 1:41

Nyang: gi nya: mang: Simun ri myang lang" tid zigi ‹‹Ngoonu" koem Meshia ri myang bye.» (Meshia ga: da" dangkang: gi)- Khristu ga: zi nghoid ga: tid.

YOHAN 4:25

Hau: myiyi: myhi, gi ‹‹Meshia nyang: ju" gyoo" ri" wa zi ngoo se'- Hau: da" ju" gyoo" loo lang" gi ngoonu" ri khyoo" dangain" re" tid shed wa zi nghoid›› ga: tid.

ACTS 3:15

Nanu" gi kangso' Aseing: ri said' pyam ago". Nghoid loug we' Mangsoo gi nyang: ri shid: jang" mo doem dei to' loo nhang: bye. ngoonu" gi hau: da" sagsi: nghoid nyid boem.

ACTS 5:31

Israela byumyu" yi we' nheigloem: thid' wa ziyo' nyangnu" da" yooboo ri khyoid pyam byid: zi shau" wa shid mo akhyoo" bo nyheung byid: wa shid re" Mangsoo gi nyang: ri khyoid yu su: yo' vhu" jhung: khyo" nya: lo yo, shoid' moo tu: to' to" abye:.

ACTS 8:30

Philib gi to' yhe: lo" ri Zoug: phoo gi lapi: Esaia mougsoug" nghab nyid ziri shau" gyo: wigi Philib, gi hau" zoug: phoo ri nang nghab nyid da" jhoem: dang: ri nang se' gyo: la"» ga: myed.

Ephesu 5:16

Khasu" wim gari akhid" da" bidnyid ayo, joem gi akhyeing" ashoeb, da" bidnyid nghoid nyid yoomo nanu" yo" da" ayo, gi ri goolhoo: za: akyu" boo sho' ci: yhoung: nyid ge'.

Pang Shug 1:5

Kyed' da" sagsi: phoo- shid: jang" mo xang: shed" doem dei to'' yu zi shau" da" mougmyid Khokham" yi ri vhoeb khang" nyid da" Yesu jang" mo nghoid loug we' jeju" yo' myenjham" khyoo: ri nanu" shau" kham: yu goo" baja"- nyang: gi nanu" ri jheddab yoomo shid kham: khyo" wigi ngoonu" da" youg: noo yooboo mo loid byoin loo" nhang: lho:

Pang Shug 19:16

Nya: da" byisheing: yo' nya: tang" boug" moo " Lhed" tab to" da" myeing gi " Khokham" yi da" Khokham" - Aseing: yi da" Aseing:,, ga: lhid" to".