DANIELA 9:21 - Lacid Common Language Bible

²¹ Ngoo akyu" mho' nyid uri xang: shi" mo yoeb myang moo ngoo shau" myang khoo' bye: da" Gabriela gi ngoo nyid nyid da" joyoo khyoo: dang: gyoo" lo da:. Hau: ayo, gi myen" thang: zoo" moo xoin" ngei" byid: da" ayo, nghoid da:.

DANIELA 9:21 ပူးပေါင်းရင်းမြစ်များ

1 KHOKHAM 18:29

Myen" thang: zoo" ju" sho' nyangnu" gi koo" nyhoo: nyho: ziyo' gye" myang" sho' nyho: mho' nyid boem ago". Nghoid loug we' atam" gyoo: byid:- ce: thui: we' ashau" gyoo: nghoid da:.

1 KHOKHAM 18:36

Myen" thang: zoo" xoin" ngei" yo, ri lapi: Elia gi phoin: khyoo: yhe: wigi akyu" mho' zigi «O" Abraham, Isag yo' Yaku bang: da" Aseing Mangsoo we"- nang gi Israela da" Mangsoo nghoid nyid ziri we' ngoo gi re" deizoo: nghoid nyid ziri we' he: zi dangain" re" amyeing" dang: khyo" koid bye: ziri we' akhid" toin" shid loo we'.

COUNG" NGHEI 103:20

Nya: da" amyeing" dang: ri tam" gyo: cang yhe: lho: nya: da" jidang: tam" gyoo: mo, nghoid da" yoem: bo lho: phung" yoeb gyi: da" moug: lagyoo: yi we" Aseing ri coung" ge'.

COUNG" NGHEI 104:4

Nang gi lid joem ri re" da" lagyoo: yi koid lho: moug: lhab' myeug da" myisham: joem ri re" dei zoo: yi yhang: ti" nang ci: yhoung nyid.

COUNG" NGHEI 141:2

Nga" da" akyu" mho' thui: ri nam, pyo: da" xoin" yo' dakhyoo" ti" ngoo tu: ci: da" lo, ri myen" ri ngei" byid: da" xoin" yo' dakhyoo" ti" lhoem: kham: yu byid: we'.

THU' LO" MOUGSOUG" 29:39

Nab soin: ri yang nu" dadu: myen" thang: ri yang nu" dadu: khyo" wigi xoin" to' byid: we'.

ESAIA 6:2

Nyang: ri du: khang" moo" dung khyug loem: loem: dab lho myi: dab da" gougnyhoug joem wigi lheing khoem yab jo, da:. Gougnyhoug du: khang" moo" gi nya: myonhoo: moo dung eig loem: wigi nghoeb ci: lho: eig dung gi gung moo nghoeb ci: da:. Dang: wa shid re" gi gootu: dung eig loem: ri ci: da:.

EZEKIEL 1:11

Dei noem du: khang" mo" da" dung eig dung gi tu: ci: wigi nyangnu" da" dung thang: gi nyangnu" ayam mo dei noem dung thang: yo' tain" go" to" da:. Nyangnu" da" gootu: dung eig loem: gi nyangnu" gung ri vu, ci: da:.

EZEKIEL 1:14

Dei noem joem nyangnu" nyang: we' thang: khyoo: shid khyoo: myijhen" yo' thu jhu" yen" da:.

EZEKIEL 14:14

Hau: byu soem" yug nghoid da" Noa- Danela yo' Yoba bang: houg moo nyid boem nghoid rigi nyangnu" da" ge khyoo: gi nyangnu" da" kangso' ri za: dayo" khyoid yu goo" wa» Yoem: moo" bo Aseing tid bye:.

DANIELA 10:10

Hau: thang: lo, dalo, wigi ngoo ri tu: to' kaid lho: lo, doo: do: poid thug thoug nhang: da:. Ngoo gi dagyug nain" nyid shi".

DANIELA 10:16

Hau: thang: byu dayug yo' du da" moug lagyoo: dayug gi nya: lo, ri yhoin" kaid lho: nga" nhoid yid moo tain" byid: da:. Ngoo gi nyang: ri «Aseing we"- he: yoeb myang gi ngoo ri sung yoem: nheing: nhang: lho: ngoo gyoug nain" zi ayo" theing: loo: wa.

DANIELA 10:18

Nyang: gi ngoo ri dalheing: doem zei: she: yu lho: ngoo dajhi' yoem: je bo re" thui: shau" gyo: da:.

DANIELA 8:16

Ulai gyid lang tho' mo thui: dathui" hid su" ga: yoid thu re" ziri ngoo shau" gyo:- ‹Gabriela we"- hau: yug shau" myang da" dang: kang: ri tid sho' kyoo" la» ga: tid da:.

DANIELA 8:18

Nyang: dang: ji nyid uri ngoo gi agyeing: asoo" myidgung khyoo: mo coid leung loo" bye:. Nghoid loug we' nyang: gi ngoo ri tu: yu lho: ngoo ri khyid: yo' yab nhang: da:.

MATHE 27:46

Soem" nayi koo: moo gi Yesu gi thui: zeing yo" (Elo: i Elo: i Lemasabag Thani) ga: nyhongau, yoid. Hau: da" dangkang: gi nga" phoo Mangsoo we"- nga" phoo Mangsoo we"- ci: wim ngoori- she: pyam to" lha"» ga: tid zi nghoid.

LUKA 1:19

Mouglagyoo: gi ngoo gi Mangso da" shid' moo yab jo da" Gabriela nghoid nyid Nang ri he: da" lu dang: gi re" tid kyoo" wa shid' re" Mangsoo gi ngoori nhang: kaid zi nghoid.

LUKA 1:26

Elisabed gung lid: zi lham" moo" khyug khyab myang" lo" da" uri Mouglagyoo: Gabriela ri Galile mung" Nazared voogung mo zoomyi: dayoug jhang khyoo: nhang: kaid.

ACTS 10:3

Danyed" mo da" myenthang: soem" nayi: koo: moo Mangso moug: lagyoo: dayug gi nya: jang" moo ju" re" lho: «Koneli we"» ga: re" yoid ziri yoeb, myang moo bang bang za: shau" myang kaid.

ACTS 10:9

Hau: thang: nyid" moo nyangnu" yhe: lo" wigi Yopa vooyam, moo ju yhe: lo" nyid boem bye. bid gung tu: ri" yo, moo Petru gi akyu" mho' wa shid mo yhoem: atho' pyam: khyoo: do, lo.

ACTS 12:7

Mangso da" moug: lagyoo: dayug gi nyid' dain' tung" Petru da" nam, moo re" yab, kaid' lho: thung: yhoem: goin" jang" moo bang jo. Hau: moug: lagyoo: gi Petru ri lo, sain: moo zei: ci: lho: phyed' phyed' too we' ga: nhau". Houg: lang" Petru da" lo, mo jangcoo" doem' gi beug sain" gyo" pyam' bye.

ACTS 3:1

Danyed" ri Petru yo' Yohan eig yug gi myenthang: soem" nayi: koo: moo akyu" mho' wa shid mo noku yhoem: moo" khyoo: yhe: lo" ago".

HEBRE 1:14

Hougsu" nghoid rigi moug: lagyoo: yi gi hang" nghoid lha". Nyangnu" gi khyoid yu shau" da" agyid asoo: kham: yu bang: ri pang" thoug wa shid mo Mangsoo nhang: kaid' zi shau" da" Mangsoo ri noku nyid Venyi joem nghoid ago".

HEBRE 1:7

Mangsoo gi mau lagyoo: yi da" khyoo: tid uri " Mangsoo gi nya: moug: lagyoo: yi ri lid' koid lho: Nya: dei zoo: yi ri dab, nyid da" myiyham: doem, koid- ga: tid.

Pang Shug 9:17

Hau: lho: nga" da" yoeb, myang moo ngoo myang zigi myang: joem yo' houg: moo zhung: bang: ri myang. Nyangnu" gi myi: yhang: ti" byang: byang: ne, da" yang gang nghoeb, yo' Nila nyoug yang gang nghoeb yo' fang yhang: ti" shui: da" yang gang nghoeb- joem ri nghoeb, ci: ago.myang: joem da" vhuloem gi khang:' khyi, vhuloem yo' du lho: nyangnu" da" nhoid khoug: mo myiyham: myikhoug" yo' fang nge" thu' lo nyid.