DANIELA 9:17 - Lacid Common Language Bible

¹⁷ O" Mangsoo we"- ngoo akyu" mho' dang: yo' ngoo mho' yoid thui: ri tam" gyoo: byid: la. Phyo' shoin' pyam bye: da" re" Noku Yhoem: Moo" ri doem zhug we' nang gi Mangsoo nghoid ziri yugkhang" moo" wigi coem si wa shid re" hau: ziri doem zhug we'.

DANIELA 9:17 ပူးပေါင်းရင်းမြစ်များ

1 KHOKHAM 8:28

Nga" Aseing Mangsoo we"- ngoo gi re" dei zoo: nghoid nga" akyu" mho' dang: ri tam" gyo: wigi akhid" nyid" ngoo nang ri mho' yoid ziri myid veing" byid: we' o".

NEHEMIA 1:6

Aseing we"- Ngoo ri yu" yu" we' Houg: lho: re" dei zoo: yi nghoid da" Israela byumyu" yi shid re" myen" ri nyid" ri ngoo akyu" mho' nyid da" uri nga" akyu" mho' dang: ri gyoo: byid: la. Ngoo gi ngoonu" Israela byumyu" yi yooboo shoid bye: khyoo: ri yhen: yu nyid. Nga" phoug" phyid" yo' ngoo gi yooboo shoid bye:.

COUNG" NGHEI 119:135

Nang gi ngoo yo' dage" nyid lho: ngoo ri: mainkaid byid: wigi re" tarha" joem ngoo ri jhau" byid: we'.

COUNG" NGHEI 4:6

«Aseing we" ngoo ri jeju" je" wigi byid: nyid we'. Nheig khyeug shoomyen: ziyo' ngoonu" ri goem byid: coung: byid: we'» ga: byu yi myoo" sho' mo, akyu" mho' nyid boem.

COUNG" NGHEI 67:1

Mangsoo we"- ngoonu" ri nheug khyeug ziyo' mainkaid byid: we'. Ngoonu" ri re" da" nheig khyeug shoomyen: ziyo' yu" coung: byid: we'.

COUNG" NGHEI 67:2

Houg: lang" mougmyid gyab, goin" gi- re" da" myid vho: khyoo: ri yo" se' lo boem baja". Byumyu" yi bain sho' bang: we' re" da" khyoid yu khyoo: ri se' lo boem baja".

COUNG" NGHEI 74:3

Jhoid" nyang: byo, yoin" jo, da" joyoo joem mo re" yu" we'. Ngoonu" da" gyivoo joem gi Noku Yhoem: Moo" khoug: mo zi yoo joem ri phyo' shoin' to" abye: go".

COUNG" NGHEI 80:1

Israela byumyu" yi da" yang zung" su: we' ngoonu" ri tam" gyoo: byid: we'. Yang phung: yi da" vhujhung: phoo we' shoug" gyoo: byid: we'.

COUNG" NGHEI 80:19

Gyi: myhang: thang da" Mangsoo we"- ngoonu" ri doem shu" tau" loo re, o". Re" da" nheug khyeug shoo" myen: da" nheigloem:- ngoonu" ri toin" shed byid: we' houg: lang" ngoonu" gi khyoid yu zi shau" boem wa nghoid.

COUNG" NGHEI 80:3

Mangsoo we"- ngoonu" ri doem shu" tau" loo" re o". Re" da" nheig khyeug shoomyen: nheigloem: ngoonu" ri toin" shed byid: we'. Houg: lang" ngoonu" gi khyoid yu zi shau" boem wa nghoid.

COUNG" NGHEI 80:4

Gyi: myhang: da" Aseing Mangsoo we"- nang gi khamyhang" ju" sho' re" da" byumyu" yi da" akyu" mho' dang: ri nheug yo: nyid shi" wa la".

COUNG" NGHEI 80:7

Athang agoin yoem moo" bo da" Mangsoo we"- ngoonu" ri doem shu" tau" loo" re o". Re" da" nheug khyeug shoo" myen: khyoo: ngoonu" ri toin" shed re- houg: lang" ngoonu" gi khyoid yu zi shau" boem wa nghoid.

ESAIA 48:11

Ngoo koid zigi ngoo nya: shid re" koid zi nghoid ngoo gi nga" myeing ri ngi: ayoem" nhang: wa. Phung" yoeb ri gootu: hang" ri we' abo kham yu nhang: wa. Hau: zigi nga" re" nghoid ein: yoomo nga" re" za: nghoid» ga: tid da:.

NGOUG JI: 3:56

Houg: yoomo ngoo mho' yoid thui: ri tam" gyoo: byid: wa shid re" nang ri ngoo mho' uri nang tam" gyoo: byid: bye:.

NGOUG JI: 5:18

Khasu" wim ga: ri Ziun boem gi jham" coug: youg bue" lo" byug bye:. Siyoo mo khuidkoo" joem gi hau" da" byo yoin" boem tho' moo: so" yen" ago".

DANIELA 9:19

Aseing we" ngoonu" ri gyoo: byid: la. Aseing we" ngoonu" ri yooboo khyoid byid: la. Aseing we" ngoonu" ri tam" gyoo byid: wigi lo, moo" zei: we'. Nang Mangsoo nghoid ziri yugkhang" moo" se' loo wa shid re" zo" mo akoid nyid. He: voomoo" yo' he: byumyu" gi re" re" nghoid ago".

YOHAN 16:24

Akhid" ju" sho' nanu" gi nga" da" myeing ri lang lho: daja" we' amho, atid yu" boem shi". Nanu" da" ngei pyo: da" khyoo: byeung" byeung" yo" yu wa shid' re" Akyu" mho' nyid ge'. Nanu" mho' ziyo' dakhyoo" ti"- yo" yu boem wa zi nghoid.

2~KORINTHU 1:20

Nyang: gi Mangso da" dang: theung khoin" danggain" da" shid re" nghoid ein: da" agung nghoid nyid. Hougsu: nghoid yoomo ngoonu" gi Mangso da" myonhoo: phung" yoeb ri thu' loo nhang: wa shid re" Yesu Khristu moo A men, ein: boem bye.

Pang Shug 21:23

Hau" voo gung moo doug bang wa shid re" bid we' lham" moo" we' aca" loo. Khasu" wim gari Mangso da" myonhoo: phung" yoeb, gi hau: voogung ri thoin" pang byid: nyid lho: Yang nu" gi houg: mo myibung: nghoid.