DANIELA 9:14 - Lacid Common Language Bible

¹⁴ Aseing ngoonu" da" Mangsoo- nang gi ngoonu" ri yooboo dam byid: wa shid re" soin' nyheing to" lho: yooboo dam byid: abye:. Ciwim gari nang gi khanham we' jo zi koid lho: ngoonu" gi re" tid dang: ri atam" gyoo: koid boem abye:.

DANIELA 9:14 ပူးပေါင်းရင်းမြစ်များ

2 KHOKHAM MHOOMYID: 12:6

Khokham phoo yo' vhujhung: yigi nyangnu" yooboo shoid bye: khyoo: ri yhen: yu ago". Nyangnu" gi «Aseing koid da" zigi tarha" zi nghoid» ga: tid ago".

EZRA 9:15

Israela byumyu" yi da" Aseing Mangsoo nang gi nyeung veung" zi nghoid loug we' ngoonu" ri nang kangso' dei nhang: loo bye:. Ngoonu" gi re" jhang khyo: ri" wa shid re" akhang" ayoo" loug ngoonu" da" yooboo joem ri toungbain: wa shid mo re" shid khyoo: re" lo.

NEHEMIA 9:33

Nang ngoonu" ri yooboo byid: zigi jo zi koid abye:. Ngoonu" yooboo shoid rilang" nang gi jhug zug lid loo bye:.

COUNG" NGHEI 111:7

Nyang: zei: bye: da" moo" zoo" dangain" jang" moo nyang: gi nheigloem: zung" ziyo' deingmain" su: nghoid- nyang: tid to" da" dangsoo" khoin" joem dangain" gi loem ge" zi nghoid nyid.

COUNG" NGHEI 116:5

Aseing gi nheug khyeug ziyo' gi su: nghoid nyid- ngoonu" da" Mangsoo gi nheug se' khyeug su: nghoid.

COUNG" NGHEI 119:137

Aseing we" nang gi deungbyeung" su: nghoid ziyo' re" da" tarha" joem we' nyeung veung" khyoo: nghoid.

COUNG" NGHEI 51:14

Mangsoo we"- nga" kangso' ri lhoid pyoin kaid byid: lho: ngoo ri khyoid yu shi" we'. Re" da" deingmain" khyoo: ri ngoo goug goug yi yi kho" kyo" nyid wa nghoid.

THU' LO" MOUGSOUG" 9:27

Khokham gi Moshe yo' Arun ri khe: lho: «Akhid" lheing: ngoo yooboo koid bye:. Aseing deungmain" nyid. Nga" byu yi yo' ngoo shoid bye:.

YEREMIA 12:1

Aseing we" nga" moo" zoo" ri nang yo' ngeug go" nghoid ri nang jo da" khyoo: ri yo" tid thu loo wa bye:. Nghoid loug we' ngoo gi nang ri tarha" deingmain" ziyo' sen: wigi dang: myid: myid nau da:. akhyeing" bang: gi ciwim soung nyid ge yab ge boem loug la". Adeingmain" da" byu yi ciwim yoomo oung: doid boem loug la". Nyangnu" gi nang ri khanham we' dang" thui: young" nghoid loug we' nyangnu" nang ri cishu: anhang: nghoid ago".

YEREMIA 31:28

Phoin' pyam khyo" lang: khyo' pyam khyo" she: pyam pyam khyo" phyo' shoin' pyam khyo" phyo' tang" pyam khyo" nyangnu" ri shen" lo ziyo' dayhang: ti" nyangnu" ri ngoo doem sho" to" wigi tu: zhug to" byid: wa.

YEREMIA 4:17

Houg: lho: yoothung" dain" daloem: ri lhoug zung" nyid da" byu joem yhang: ti" Yerusalem ri re" lheing khoem lhung too" goo" wa. Ciwim ga: ri nya: voobyu yigi Aseing ri thougtheung gyi koid bye:. Aseing tid too" bye:.

YEREMIA 44:27

Nanu" nyid gi yab agi wa ziyo' phyo' shoin' pyam shoug" wa. Nanu" mo dangain" bang: gi dayug we' adeing loosho' gyipui" moo anghoid lang" noo bue" ziyo' shid: loo" goo" wa.

NGOUG JI: 1:5

Nya: gyivoo joem gi oung: doid bye:. Nyangnu" gi nyang: ri yoem: so' khyo" zei: ci: ago". Myoo: sho' da" nya: yooboo dangain" yoomo nyang: ri Aseing gi yau: khi" zi shoug" nhang: abye:. Nya: zoo: yiri we' gyivoo yi myheug shu" loo" bye:.

EZEKIEL 16:43

Nang gi nang ngi shi" uri nang ri ngoo khasu" khu: gyi: kaid ziri to" myhid pyam lho: nang koid lo da" moo" joem dangain" wigi ngoo ri nheig yoo: nhang: da" khyoo: koid abye:. He: zigi nang nyangnu" dangain" ri doem xab byid: wa shid re" ngoo koid zi nghoid. Nang gi nang koid lid: lo da" gootu: aco' ajhoid moo" joem dangain" adang moo ciwim gain: tho' zung moo" ri pug lung: kaid la". Yoem: moo" bo Aseing tid bye:.

DANIELA 4:34

Khokham phoo gi «Nyhed zain lid loo" lang" mougkhung: khyoo: ngoo nghang yu" kaid ri nga" nheig doem gyeing: lo da:. Ngoo gi gyi: sheung: myhang: thang Mangsoo ri coung" lho: apyaid atoo: moo dei nyid yug ri ngoo gi phung" yoeb yo' ngi: shab byid: bye:. Nyang: gi apyaid atoo: moo vhoeb loo wa. Houg: lho: nya: da" mungdain: gi ayo, dangain" mo lo" thang geing: teing jo, wa.

DANIELA 9:7

Aseing nang gi khanham we' jo zi koid nghoid loug we' ngoonu" gi khanham we' ngoonu" da" adang moo ngi: yoem" khyoo" koid yu boem bye:. He: zigi Yuda yo' Yerusalem moo nyid da" ngoonu" dangain" moo yo' nang ri jhug azug da" gang mo moug: vi: yo' aqei: ayam khyoo: nang wigi khaid sain" pyam da" Israela byumyu" yi moo we' jo lo abye:.