DANIELA 9:13 - Lacid Common Language Bible

¹³ Houg: lho: Moshe da" tarha" moo tid sho' kyo" to" da" yooboo dam dangain" ngoonu" ri byid: abye:. Nghoid loug we' Aseing ngoonu" da" Mangsoo we"- akhid" nghoid loug we' ngoonu" gi ngoonu" da" yooboo joem mo lheing: lo wigi re" deingmain" da" khyoo: ri cang da" khyo" anghoid lang" nang myid vho: da" khyoo: acang shi" goo" nhung:.

DANIELA 9:13 ပူးပေါင်းရင်းမြစ်များ

2 KHOKHAM 22:16

Vhoo: moo tid da" Aseing mo mungdang: ri lo" byid: wa shid re" tid da:. Hau: mungdang: gi «Khokham phoo shoug" nghab da" mougsoug" pug moo lhid" too" bye: ziyo' dakhyoo" ti" ngoo gi Yerusalem ri yo' voobyu dangain" bang: ri yooboo dam byid: wa.

YOBA 36:13

Mangsoo ayoo" bang: gi xo' wigi nheig yo: nyid ago". Houg: lho: yooboo dam byid: zi shoug" rilang" nyangnu" gi pang" yu wa shid re" akyu" amho' nghoid ago".

COUNG" NGHEI 119:18

Re" da" tarha" mo mau" pho" deungmain" da" khyoo: joem ri ngoo shau" myang wa shid re" nga" myojid" ri phang byid: we'.

COUNG" NGHEI 119:27

Re" da" tarha" joem ri se' gyo: loo wa shid re" ngoo ri: pang" thoug yu byid: we'. Re" da" mau" pho" jhau" byid: da" khyoo: joem ri ngoo myid soin: yu" nyid wa zi nghoid.

COUNG" NGHEI 119:73

Nang gi ngoo ri phain" so: to" lho: gau: nyu: goem loem byid: nyid. Re" da" tarha" joem ri: ngoo yo" jhau" yu wa shid re" ngoo ri se' gyo: khyoo: byid: we'.

COUNG" NGHEI 85:4

Ngoonu" da" khyoid yu Aseing Mangsoo we"- ngoonu" ri akhang: yo' dakhyoo" ti" doem lhoem: tau yu we'. Ngoonu" ri anoug angei akoid nyid loo.

ESAIA 31:1

Egutu mung" khyoo: pang" thoug wa ziri yhe: mho' da" bang: gi joem: lo" abye:. Nyangnu" gi Egutu da" gyidab yoem: nghoid da" myang: joem myang: rheing" joem yo' gyizoo: yiri khau: nghe: ago". Nghoid loug we' nyangnu" gi Israela da" gyeung" shang: da" Aseing Mangsoo ri akhau: nghi: nghoid ago". Pang" thug wa shid re" we' nyang: ri amho' goo" nghoid da:.

ESAIA 42:9

Ngoo lapi: pe: to" da" moo" joem akhid" joeb byeung" lo abye:. Akhid" ngoo gi nyangnu" lang" abui" loo shi" da" khyoo: aseig joem da" khyoo: ri nanu" ri tid kyoo" wa› ga: tid da:.

ESAIA 43:22

Aseing tid zigi «Nghoid loug we' Israela we"- nang gi ngoo ri he: pyam wigi nang ngoo ri anoku nghoid da:.

ESAIA 64:6

Ngoonu" dangain" gi yooboo yoo" bang: kyeing" bue" lid loo bye:. Ngoonu" ge thang da" avoid lo, moo" joem gi bain sho' aco' ajhoid nghoid da:. Ngoonu" da" yooboo yoomo ngoonu" gi lid wigi hau' tang" lo" da" seig fu' kyug yo' du da:.

ESAIA 64:7

Akyu" mho' wigi re" jang" mo hang" we' atau" loo. Pang" thug wa shid re" - re" jang moo hang" we' ayhi: nghoid ago". Ngoonu" da" yooboo gang mo nanya: gung nanyang: gau" nyid wigi ngoonu" ri she: pyam' to" abye:.

ESAIA 9:13

Israela byumyu" yigi nheigloem: athid boem nghoid ago". Myhang: thang Aseing gi nyangnu" ri yooboo dam byid: nghoid rilang" nyangnu" nya: jhang aphoug loo nghoid ago".

YEREMIA 2:30

Ngoo gi nanu" ri yooboo dam byid: loug ce: akyu" aboo nghoid da:. Nanu" gi ngoo wigi nanu" ri jhau" shed wa akhang" abyid: nghoid ago". Nanu" gi nheig joem: yo: da" khangkhyi yhang: ti" nanu" da" Lapi: yiri said pyam abye:.

YEREMIA 30:14

Nanu" da" jheddab bang: dangain" gi nanu" ri to" myhid pyam abye: go". Nyangnu" gi nanu" ri ci: asoin: loo goo" nghoid da:. Ngoo gi nanu" ri gyivoo yiri yhang: ti" khaid zain: wa. Nanu" da" yooboo joem sung myo: ziyo' Nanu" da" akhyeing" ashoeb moo" gi sung xoo: yoomo nanu" da" yooboo dam gi gye" gyi: da:.

YEREMIA 31:18

«Israela byu yigi koug wigi tid da" dang: ri ngoo shau" gyo:. Hau: zigi ‹Aseing we"- ngoonu" gi mi" sho' ajhau" to" da" gougnyhoug yo' du da:. Nghoid loug we' nang ngoonu" ri tid dang: tam" gyoo: wa jhau" byid: bye:. Ngoonu" ri doem shu" tau" loo" la. Ngoonu" gi nang ngoonu" da" Aseing Mangsoo jhang doem tau" loo wa jen" jen" nghoid.

YEREMIA 44:23

He: akhid" bue" nyid da" yau: khe" kyi" khyeug gi gootu: yu phara" joem ri nanu" xoin" ngei" byid: lho: nya: amyeing" dang: joem dangain" ri atam" gyoo: khyo" Aseing ri thougtheung yooboo shoid boem bye: yoomo nanu" dang moo ju" re" zi nghoid da» ga: tid bye:.

YEREMIA 44:27

Nanu" nyid gi yab agi wa ziyo' phyo' shoin' pyam shoug" wa. Nanu" mo dangain" bang: gi dayug we' adeing loosho' gyipui" moo anghoid lang" noo bue" ziyo' shid: loo" goo" wa.

YEREMIA 5:3

Gyeing" nyang: Aseing gi jhug zug ziri sho: da:. Nyang: gi nanu" ri baid da:. Nghoid loug we' nanu" gi ci: atam" gyoo: nghoid da:. Nyang: gi nanu" ri phyo' pyam da:. Nghoid loug we' nanu" jhau" yu wa he: ngeug pyam ago". Nanu" gi nheigloem: thain: wigi nanu" da" yooboo joem mo anau lheing: phoug loo nghoid ago".

NGOUG JI: 5:21

Aseing we"- ngoonu" ri re" jhang khyoo: doem shu" tau" yu we' ngoonu" ri doem shu" tau" yu we'. Ngoonu" ri goonham gooco' mo myonhoo: phung" yoeb ri doem tau" bang nhang: we'.

EZEKIEL 16:43

Nang gi nang ngi shi" uri nang ri ngoo khasu" khu: gyi: kaid ziri to" myhid pyam lho: nang koid lo da" moo" joem dangain" wigi ngoo ri nheig yoo: nhang: da" khyoo: koid abye:. He: zigi nang nyangnu" dangain" ri doem xab byid: wa shid re" ngoo koid zi nghoid. Nang gi nang koid lid: lo da" gootu: aco' ajhoid moo" joem dangain" adang moo ciwim gain: tho' zung moo" ri pug lung: kaid la". Yoem: moo" bo Aseing tid bye:.

DANIELA 9:11

Israela byu dangain" bang: gi re" da" tarha" joem ri phyo' pyam wigi nyangnu" gi nang tid ziri ngeug pyam ago". Ngoonu" gi nang ri yooboo shoid bye:. Houg: lho: nang gi re" dei zoo: Moshe da" tarha" moo: lhid" to" da" nheing" khoin" ri ngoonu" dang moo khyo' kaid byid: abye:.

HOSEA 7:10

Israela byumyu" yi da" nghoid boin: zigi nyangnu" ri gyi tau" koid theing nyho: nyid ago". Hougsu" ja: khang" moo" bue" lid loo nghoid loug we' nyangnu" gi nyangnu" da" Ngoo Aseing Mangso jhang khyoo: atau" loo nghoid ago".

HOSEA 7:14

Nyangnu" gi ngoo ri nheigloem: phyu: ziyo' amho' boem nghoid ago". Nghoid loug we' hau: gungthid nyangnu" gi nyangnu" da" gung ri pyam lheing: kaid lho: tungbau yi yhang: ti" kougshu: yoid ngoug ago". Shivoo: yo' zabyid yhid: re" akyu" mho' uri tungbau byu yi yhang: ti" yham" khyam" wigi nyang: nya: gung ri dam tab yu ago". Nyangnu" gi gye" thougtheung gyi koid mo, nghoid ago".

HOSEA 7:7

Nyangnu" da" nheig yo: zigi lung re" wigi nyangnu" gi nyangnu" da" vhoebkhang" bang: ri said pyam ago". Nyangnu" da" khokham yigi dayug bain thang: dayug khau" said pyam shau" ago". Nghoid loug we' pang" thoug yu wa shid re" nga" jhang hang" we' akyu" amho' nghoid ago"» ga: tid da:.

LUKA 24:45

Hau: thang: ri cangzoo: yi gi jhoem: mungdang: ri se' gyoo: wa da" shid' re" nyangnu" da" nheigloem: khoem" duang: byid.

YOHAN 10:35

Mangsoo gi nya: da" mungdang: tam gyo: nyid mo, ri Mangsoo ga: tid pang to.

YOHAN 6:45

Lapi: yi da" jhoem: dang: moo Houg: bang: dangain" gi Mangso da" jhoug" myeing" jhoug" thui: ri kham: yu boem wa ga: bo. Houg: su" nghoid yoomo Phoo Mangso da" jhoug" myeing" ri shau" gyo: lho: phoo jang" mo, thung" lid kham: yu mo, dangain" gi nga" jang" moo jure" boem bye.

YOHAN 8:32

Nanu" gi deungmain" da" zi ri we' ci: wa. Hau: deungmain" da" zi gi nanu" ri lhoid pyoin kaid wa zi nghoid ga: tid.

Ephesu 4:21

Nya: khyoo: ri nanu" gyeing" nyang: shau" gyo: yu" boem bye: wigi nya: thang: moo cang soo" mo, nghoid boem yoomo Yesu moo bo da" hau: deingmain" khyoo: ri nanu" shau" jhau" kham: yu boem bye.

TARHA" TID POIN" 29:4

Nghoid loug we' akhid" nyid" ju" sho' nanu" thung" shoug" lo da" khyoo: ri nyang: wigi nanu" ri ase' gyoo: nhang: shi" nghoid da:.

YAKU 1:5

Nghoid loug we' nanu" mo dayug yug gi Phajhi" juyi: thang byug nghoid rigi Mangso: jang" mo mho' ge' nyang: gi houg: su" mho' mo, ri nyain: phajhi" byid: wa zi nghoid. Khasu" wim gari Mangsoo: gi byu bain sho' mo, rigau ziyo' agoin ayu: da" phajhi" ri byid: nyid.