DANIELA 9:12 - Lacid Common Language Bible

¹² Nang gi ngoonu" ri yo' ngoonu" da" vhoebkhang" bang: ri koid wa ga: tid to" ziri koid bye:. Nang gi mougmyid tho' mo voomoo" goo" loem: tho' je wigi dam xoo: sho' Yerusalem ri yooboo dam byid: abye:.

DANIELA 9:12 ပူးပေါင်းရင်းမြစ်များ

1 KHOKHAM 3:9

Houg: yoomo ge ziyo' age ziri se' kho' lho: re" byumyu" yiri deing: byeung" khyo" se' vhoebkhang" wa shid re" ngoo ca" nyid da" phajhi" ngoo ri byid: we' o". Hougsu" anghoid rigi he: gyi: sheung: da" re" byumyu" yiri ngoo khasu" apyaid atoo: yo" vhoebkhang" wa la"» ga: tid bye:.

2 KHOKHAM 22:16

Vhoo: moo tid da" Aseing mo mungdang: ri lo" byid: wa shid re" tid da:. Hau: mungdang: gi «Khokham phoo shoug" nghab da" mougsoug" pug moo lhid" too" bye: ziyo' dakhyoo" ti" ngoo gi Yerusalem ri yo' voobyu dangain" bang: ri yooboo dam byid: wa.

YOBA 12:17

Nyang: gi mung" vhoeb zoug: yi da" phajhi" ri yu pyam byid: da:. Houg: lho: vhujhung: yiri koodoug: joem yhang: ti" koid yen" nhang: da:.

COUNG" NGHEI 148:11

Khokham yi yo' byumyu" yi dangain"- Khokham yug gi zoo: yi yo' gootu: da" zoug: khoin" voin mo, dangain"- nyang: ri coung" we'.

COUNG" NGHEI 2:10

Khokham yi we"- hid: akhid" zid" nhang: da" khyoo: ri tam" gyo: yu" ge'. Mougmyid da" zoug: ludaid yi we"- he: lhed zed" nhang: da" dang: ri jhau" yu ge'.

DANG: ZHOEM 8:16

Mougmyid tho' mo mung" zoug: yugkhang" moo"- mung" khyoo" voin, da" ludaid yi yo' zoug: koid da" byu yi dangain" gi ngoo bo pang" thoug da" yoem: vhoo" yo' shu" vhu" vhoebkhang" nyid boem ago" da:.

ESAIA 43:28

Nanu" da" vhujhung: yigi nga" gyeung" shang: joyoo ri ayung" alho' koid pyam ago". Hougsu" yoomo ngoo gi: Israela adang moo byo, yoin' zi bui" nhang: wigi Ngoo gi: ngoonya: byumyu" ri aphoug" akhyoid rue" zi shoug" nhang: wa» ga: tid.

ESAIA 44:26

Nghoid loug we' nga" dei zoo: Lapi: pe: lang" nga" da" myid soin: khyoo: joem ri toin" shid wa shid re" nga" lagyoo: ri nhang: kaid lang" ngoo gi hau: myid soin: khyoo: joem ri koid byid: wigi lapi: dang: ri joeb byeung" loo nhang: wa. Voo byu yi doem nyid loo goo" wa ein: Yerusalem ri ngoo tid. Nyangnu" doem de: nyid loo wa ein: Yuda voomoo" joem ri ngoo tid. Hau: voomoo" joem gi byo, yoin" jo, jang" mo doem to' loo goo" wa.

YEREMIA 30:7

Gyug dain pho" da" bidnyid gi ju" lo nyid da:. Nga" byumyu" yi shid re" gootu: bidnyid yo' ayo" tu' da" Kyi" khyeug da" ayo, ju" lo nyid da:. Nghoid loug we' nyangnu" gi nyid deing nyid goo" wa» ga.

YEREMIA 32:23

Nghoid loug we' nyangnu" he: mungdain: khyoo: ju" lo wigi hau: ziri lo seing: pyam boem uri re" amyeing" dang: ri nyangnu" atam" gyoo:. Re" jhau" shid khyoo: ri cang wigi kangso' adei nghoid ago". Nang wigi nyangnu" ri koid wa amyeing" byid: to" da" khyoo: ri nyangnu" ci: akoid nghoid ago". Houg: yoomo he: phyo' shoin' khyoo: dangain" nyangnu" jang" moo nang bui" nhang: abye:.

YEREMIA 39:16

Israela da" Mangsoo myhang: thang Aseing gi Etiopi byu Ebedmeleg ri tid wa shid re" tid nhang: zigi «Ngoo koid wa ein: tid to" ziyo' dayhang: ti" ngoo gi he: voomoo" ri byo, yoin" pyam nhang: lho: anyid gi nhang: loo wa. He: zi bui" lang" nang gi hau: ziri shau" myang wa.

YEREMIA 44:23

He: akhid" bue" nyid da" yau: khe" kyi" khyeug gi gootu: yu phara" joem ri nanu" xoin" ngei" byid: lho: nya: amyeing" dang: joem dangain" ri atam" gyoo: khyo" Aseing ri thougtheung yooboo shoid boem bye: yoomo nanu" dang moo ju" re" zi nghoid da» ga: tid bye:.

NGOUG JI: 1:12

Nyang: gi nya: anam khyo" so" lid: lo" da" yugkhang" moo" ri «Ngoo ri yu" yu" ge'. Nga" noodam yhang: te" zigi khanham hang" we' ashau" yu" shi" goo" wa. Aseing nheig joem: yo: da" bidnyid moo: ci: loo byid: da" dam noo nghoid» ga: lhoem: yoid ngau kyo" nyid.

NGOUG JI: 2:13

O" Yerusalem we"- ngoo jheddab thang da" Yerusalem we"- ngoo khasu" se' tho' tid loo: wa lha". Ngoo khasu" nang ri nheig yo" teing byid: wa lha". Hid: yhang: ti" hang" dayug we' yo" kham' zoo: wa zi anghoid. Nang byo, yoin" lo" zigi atho' ke' da" Nammugdara yhang: ti" thang ga: zi ajo, yoomo ge bui" wa da" nheig byu jang: ci: we' ajo, loo.

NGOUG JI: 2:17

Aseing gi nyang: koid wa ga: kyug nhain' lid loo: bye: da" moo" zoo" ri lo" thang moo zei: bue" kaid bye:. Goonham mo nyang: tid poin" lid: lo da" ziyo' dayhang: ti" ngoonu" ri nheig khyeug myid aboo loo: za: lhu: phyo' pyam bye:. Nyang: gi ngoonu" da" gyivoo joem ri oung: doid loo" nhang: bye:. Nyang: gi ngoonu" leung lo" da" jang" moo: nyangnu" ri ngei pyoo: nhang: bye:.

NGOUG JI: 4:6

Nga" mung" byu yigi Mangso lo, khoug: moo: nyeigdain tung" gyoeb, gyo" lo" da" Sodom voo moo: nyid mo, tho' re" je" gyi: dam xo: yooboo dam ri loem zo: ago".

EZEKIEL 13:6

Nyangnu" da" yoeb myang joem gi agyeing" anghoid. Nyangnu" lapi: dang: gi mhau' zi danghoid ago". Nyangnu" gi nga" mungdang: ri tid nyid ga: tid fu" nghoid loug we' ngoo nyangnu" ri atid nhang:. Nyangnu" gi nyangnu" da" dang: joem jo main" loo wa ziri myid lang" ago".

EZEKIEL 5:9

Ngoo ngheing" da" nang koid moo" dangain" gang mo ngoo Yerusalem ri yooboo dam byid: wa. Hau: zigi shid phyang" khanham we' abue" yu"- thang: ri we' khanham we' abui" wa zi nghoid.

DANIELA 12:1

Zin: yung" pain" byimi void ci: da" moug: lagyoo: tid zigi «Hau: ayo, moo re" byumyu" yiri lhoug zung" da" moug: lagyoo: moo" Mikhaela gi nyid thu loo wa. Hau: thang: hau: zigi yau: khi" ayo, nghoid wigi byumyu" yi xang: shi" nyid re" da" ayo, mo zi akhid" ju" sho' moo yau: thang nghoid wa. Hau: ayo, ju" lo ri Mangso da" mougsoug" pug moo myeing lhid" to" da" re" byumyu" yi dangain" gi khyoid yu zi shau" boem goo" wa.

YOELA 2:2

Hau: bidnyid gi moug: doeb lho: no, seing" kyid: ziyo' moug: coid lo wigi jhoemmoug" nheung: da" bidnyid nghoid. Boem tho' moo moug: coid nghoeb lo yhang: ti"- jhenkhyeug phung: moo" zeing dang: ju" loo bye:- houg: te" zigi khanham we' abue" yu" shi"- he: thang: nab we' khanham we' doem bue" loo wa zi anghoid.

AMO 3:2

Mougmyid tho' mo byumyu" dangain" jang" moo nanu" ri za: ngoo dasi' yoomo goin coung: lo zi nghoid. Hougsu" nghoid yoomo nanu" da" yooboo joem gi gye" yu" gyoug yu" lhung: sho' nghoid nyid bye:. Houg: yoomo hau: yooboo joem da" gang mo nanu" ri ngoo yooboo dam byid: ca" bye:.

ZEKHARIA 1:6

Nga" dei zoo: lapi: yi khyo" wigi nanu" da" phoug" phyid" yiri amyeing" byid: dang: yo' lhid zid" wa shid re" ngoo byid: bye:. Nghoid loug we' nyangnu" gi atam" gyo: boem wigi yau: khi" shau" boem. Houg: lang" ‹Yoem: moo" bo da" Aseing gi nya: phajhi" khyau" ziyo' ngoonu" ri kham: moin: da" dam byid: bye:› ga: nung myid yo" boem bye:.

ZEKHARIA 1:8

Aseing da" moug: lagyoo: dayug gi myang: ni tho' moo zhung: jo, ziri ngoo myang. Nyang: gi maithen" seig moo" yoo moo yab jo, da:. Nya: da" thang: moo gi ne zi atuang tuang ziyo' phyu: da" gootu: myang: joem we' bo yab jo.

ZEKHARIA 7:12

Nyangnu" gi nyangnu" nheigloem: ri lugzeing su" thain: nhang: to" ago". Khasu" wim ga: ri nyangnu" gi shid phyang" mo lapi: yi khyo" tid kaid da" nga" jhoug" myeing" ri acang yoomo ngoo gye" nheig yoo: nau loo bye:.

MATHE 24:21

Khasu" wim gari hau: da" bidnyid moo gye" gyi: da" sho" jhen yau: khe" da" bidnyid ju" loo wa. Houg: yhi' gyeing" da" koug shu: yau khe" da" bidnyid gi Moug thu' xang: poin: mo he: gu: moo byu xangsu: yi khanham we' athoung" shau" yu shi" da" jam joug nghoid. Thang: phyang" khanham we' shau" yu" lo: boem wa anghoid.

MATHE 5:18

Nanu" ri ngoo deung" deung tid ba- Mougkhung: yo' myidjang: abyo, loo" shi" ri hau: zi abui" bui" gi hau: toung: to" da" Tarha" mo dang: myhi' dakhoin" yo' dang: khyoo: dakhoin" we' yo" led loo" wa zi anghoid.

MARKU 13:19

Khasu" wim ga: ri Mangsoo phain" to" da" moug myid jo, shid" jang" mo akhid" nyid" ju" sho' abue" yu" shi" ziyo' thang" phyang" kha" nham we' abue" yu" loo wa da" yaukhe" kyi" khyeug khyoo: gi hau: bidnyid gyoo: moo bue" thu loo wam bye.

LUKA 21:22

Khasu" wim gari hau: bidnyid gi jhoem: mungdang: moo tid to" ziyo' dakhyoo ti"- joeb byeung" lo da" yooboo dam kaid da" bidnyid nghoid.

Roma 15:8

Khasu" wim gari Mangsoo: gi dang: theing khoen" zung" su: nghoid yoomo phoug" phyid" yi ri tid to" dang: theing khoin" byeung: loo nhang: wa shid' re" gyoo" lo ein: ngoo tid nau.