DANIELA 9:11 - Lacid Common Language Bible

¹¹ Israela byu dangain" bang: gi re" da" tarha" joem ri phyo' pyam wigi nyangnu" gi nang tid ziri ngeug pyam ago". Ngoonu" gi nang ri yooboo shoid bye:. Houg: lho: nang gi re" dei zoo: Moshe da" tarha" moo: lhid" to" da" nheing" khoin" ri ngoonu" dang moo khyo' kaid byid: abye:.

DANIELA 9:11 ပူးပေါင်းရင်းမြစ်များ

2 KHOKHAM 18:12

Samari gyo" soem" lo" zigi Israela byumyu" yi nyangnu" Aseing Mangsoo ri tid dang: agyoo:- nyangnu" yo' koid to" da" dang: theing ri phyo' pyam lho: Aseing da" dei zoo: Moshe wigi byid: to" da" tarha" dangain" ri atam" gyoo: acang yoomo nghoid. Nyangnu" gi atam" gyoo: acang yhi: nghoid ago".

2 KHOKHAM 22:16

Vhoo: moo tid da" Aseing mo mungdang: ri lo" byid: wa shid re" tid da:. Hau: mungdang: gi «Khokham phoo shoug" nghab da" mougsoug" pug moo lhid" too" bye: ziyo' dakhyoo" ti" ngoo gi Yerusalem ri yo' voobyu dangain" bang: ri yooboo dam byid: wa.

ESAIA 1:3

Nu: joem gi nyangnu" ri hang" wigi seing: ziri se' lho: loo zei: joem gi nyangnu" aseing wigi nyangnu" ri khamoo voem: byid: zho" ziri se' ago". Hau: zigi nga" byumyu" Israela bang: se' tho' je se' da:. Nyangnu" dajhi' we' ase' gyoo: nghoid ago"» ga: tid.

ESAIA 43:28

Nanu" da" vhujhung: yigi nga" gyeung" shang: joyoo ri ayung" alho' koid pyam ago". Hougsu" yoomo ngoo gi: Israela adang moo byo, yoin' zi bui" nhang: wigi Ngoo gi: ngoonya: byumyu" ri aphoug" akhyoid rue" zi shoug" nhang: wa» ga: tid.

YEREMIA 16:11

Houg: lang" Aseing hid su" ga: tid ein: nyangnu" ri tid kyoo" we'. Nanu" da" phoug" phyid" yigi ngoo mo lheing: phug lo" wigi gootu: yu phara" soolhoo: joem ri no' ziyo' dei byid: lo boem bye:. Nyangnu" gi ngoo ri she: pyam too" kho' lho: nga" jhau" shed dang: ri atam" gyoo: nghoid ago".

YEREMIA 2:29

Nanu" myeing" myo: zigi ci: nghoid la". Nanu" gi ciwim yoomo ngoo ri thougtheung gyi koid boem la".

YEREMIA 30:14

Nanu" da" jheddab bang: dangain" gi nanu" ri to" myhid pyam abye: go". Nyangnu" gi nanu" ri ci: asoin: loo goo" nghoid da:. Ngoo gi nanu" ri gyivoo yiri yhang: ti" khaid zain: wa. Nanu" da" yooboo joem sung myo: ziyo' Nanu" da" akhyeing" ashoeb moo" gi sung xoo: yoomo nanu" da" yooboo dam gi gye" gyi: da:.

YEREMIA 32:23

Nghoid loug we' nyangnu" he: mungdain: khyoo: ju" lo wigi hau: ziri lo seing: pyam boem uri re" amyeing" dang: ri nyangnu" atam" gyoo:. Re" jhau" shid khyoo: ri cang wigi kangso' adei nghoid ago". Nang wigi nyangnu" ri koid wa amyeing" byid: to" da" khyoo: ri nyangnu" ci: akoid nghoid ago". Houg: yoomo he: phyo' shoin' khyoo: dangain" nyangnu" jang" moo nang bui" nhang: abye:.

YEREMIA 40:3

Nyang: koid wa ga: tid to" zi akhid" bui" loo bye:. Re" byumyu" yigi Aseing ri yooboo shoid wigi nya: da" tid dang: agyoo: yoomo he: gu: dangain" bue" zi nghoid da:.

YEREMIA 44:22

Akhid" nyid" ju" sho' nanu" da" mougmyid gi byo, yoin" jo, lho: houg: moo hang" we' anyid nghoid ago". Hau: zigi yu" gyoug yu" lhung: khyoo: bue" lo wigi nanu" da" akhyeing" ziyo' akhyeing" da" lo, moo" joem ri Aseing gi ayo" zeing: shang" byid: loo yoomo byu yigi nanu" myeing ri nheing" khoin" khyo" ci: loo goo" wa.

YEREMIA 44:23

He: akhid" bue" nyid da" yau: khe" kyi" khyeug gi gootu: yu phara" joem ri nanu" xoin" ngei" byid: lho: nya: amyeing" dang: joem dangain" ri atam" gyoo: khyo" Aseing ri thougtheung yooboo shoid boem bye: yoomo nanu" dang moo ju" re" zi nghoid da» ga: tid bye:.

YEREMIA 6:19

Mougmyid we" tam" gyoo: we'. Nyangnu" myid soin' khyoo: yoomo yooboo dam byid: da" khyo" wigi he: byumyu" yiri byo, yoin nhang: wa. Ciwim gari nyangnu" gi nga" jhau" shed ziri ngeug he: pyam lho: nga" mungdang: joem ri acang nghoid ago".

DANIELA 9:13

Houg: lho: Moshe da" tarha" moo tid sho' kyo" to" da" yooboo dam dangain" ngoonu" ri byid: abye:. Nghoid loug we' Aseing ngoonu" da" Mangsoo we"- akhid" nghoid loug we' ngoonu" gi ngoonu" da" yooboo joem mo lheing: lo wigi re" deingmain" da" khyoo: ri cang da" khyo" anghoid lang" nang myid vho: da" khyoo: acang shi" goo" nhung:.

DANIELA 9:5

«Ngoonu" gi yooboo shoid boem bye:. Ngoonu" gi akhyeing" ashoeb loo. Ngoonu" gi shoid moo" koid lid lo boem bye:. Nang wigi ngoonu" ri koid ca" wa amyeing" byid: to" ziri ngoonu" ngeug pyam boem bye:. Nang ngoonu" ri jo da" khyoo: ci: shug byid: to" jang" mo nungthang lheing: phug lo" boem bye:.

ZEKHARIA 1:6

Nga" dei zoo: lapi: yi khyo" wigi nanu" da" phoug" phyid" yiri amyeing" byid: dang: yo' lhid zid" wa shid re" ngoo byid: bye:. Nghoid loug we' nyangnu" gi atam" gyo: boem wigi yau: khi" shau" boem. Houg: lang" ‹Yoem: moo" bo da" Aseing gi nya: phajhi" khyau" ziyo' ngoonu" ri kham: moin: da" dam byid: bye:› ga: nung myid yo" boem bye:.

ZEKHARIA 7:12

Nyangnu" gi nyangnu" nheigloem: ri lugzeing su" thain: nhang: to" ago". Khasu" wim ga: ri nyangnu" gi shid phyang" mo lapi: yi khyo" tid kaid da" nga" jhoug" myeing" ri acang yoomo ngoo gye" nheig yoo: nau loo bye:.

ZEKHARIA 8:13

Yuda yi yo' Israela yi we"- shid phyang" tungbau byumyu" yi yo' shoug" go" uri dayug yo' dayug nheing" go" uri Israela yo' Yuda byumyu" yi yhang: ti" nang yau: khe" kyi" khyeug baja" ga: tid lo yu" bye:. Nghoid loug we' ngoo gi nanu" ri khyoid khyi: yu yu" bye: yoomo hau: tungbau byumyu" yigi nyangnu" nyang: cang nang gi Yuda yo' Israela byumyu" yi yhang: ti" agyid asoo: yoo" mo, bue" loo baja" ga: tid go" lo boem wa. Houg: yoomo nanu" agyug goo"- seing" yang" yang" danyid ge'» ga: tid.

TARHA" TID POIN" 8:20

Nanu" gi Aseing ri atam" gyoo: nghoid rigi nanu" shid khyoo: jhen" yhe: lo" boem uri nyang: wigi said toem" pyam da" byumyu" yi yhang: ti" nanu" we' said toem" pyam zi shoug" loo goo" wa.