DANIELA 8:12 - Lacid Common Language Bible

¹² Meing: byu yigi nyid" khang" nyid" xoin" ngei" byid: wa gungthid houg: moo yooboo shoid ago". Houg: lho: deingmain" da" laloem lakhoug: ri myidjang khyoo: she: pyam khyo' pyam ago". Hau: khyoug: gi nyang: koid zi ja: khang" moo" moo oung: doid da:.

DANIELA 8:12 ပူးပေါင်းရင်းမြစ်များ

YOBA 12:6

Nghoid loug we' khau" foeb yi yo' Mangsoo aboo bang: gi Nyangnu" nya: yoem: gi nyangnu" nya: yu phara" nghoid loug we' yug yoo thung" yo" nyid da:.

COUNG" NGHEI 119:142

Re" da" deingmain" khyoo: gi pyaid moo: too: moo: dageung: jo, wa zi nghoid. Re" tarha" we' khanham we' deingmain" jo, wa zi nghoid.

COUNG" NGHEI 119:43

Re" da" tarha" dang: phyed khyoo: joem moo nga" nheig byu joyoo deingmain" da" dang: ri ayo, khang" moo" moo: yo" tid wa shid re" ngoo ri pang" thoug yu we'.

COUNG" NGHEI 28:5

Houg: bang: gi Aseing koid da" moo" zoo" joem ri we' nyang: phain" so: to" da" ziyoo joem ri we' cishu: anhang: boem nghoid ago". Hougsu" koid boem yoomo nyang: gi nyangnu" ri yooboo dam kaid lho: apyaid atoo: moo: byo, yoin" joem: loo" nhang: wa zi nghoid.

ESAIA 59:14

Tarha" deingmain" zigi khaid pyam' zi shau" abye:. Jo zigi ayo" tab loo nghoid da:. Deingmain" zigi shava phung: moo thung" thue: leung lho: myid deingmain" zigi houg: moo joyoo ayoo" nghoid da:.

YEREMIA 12:1

Aseing we" nga" moo" zoo" ri nang yo' ngeug go" nghoid ri nang jo da" khyoo: ri yo" tid thu loo wa bye:. Nghoid loug we' ngoo gi nang ri tarha" deingmain" ziyo' sen: wigi dang: myid: myid nau da:. akhyeing" bang: gi ciwim soung nyid ge yab ge boem loug la". Adeingmain" da" byu yi ciwim yoomo oung: doid boem loug la". Nyangnu" gi nang ri khanham we' dang" thui: young" nghoid loug we' nyangnu" nang ri cishu: anhang: nghoid ago".

DANIELA 11:28

Suri khokham gi Mangso da" byumyu" yiri phyo' shoin' pyam wa ga: myid phyed ci: lho: nyang: shoug" lhoid yu da" lanyhoeb dangain" yo' dage" yhoem: khyoo: doem tau" loo wa. Nyang: gi nyang: vho: khyo" koid kho' lho: nyang: nya: moug: khyo: doem tau" phang: loo" wa.

DANIELA 7:21

Ngoo yu" nyid uri hau: khyoug: gi Mangso da" byumyu" yiri meing: zain: wigi nyangnu" ri oung: pyam da:.

DANIELA 8:4

Hau: yang loo: gi nya: da" khyoug: joem wigi bidvang shoid- mougzhung: shoid- mougpyi: shoid khyoo: khyoug: tu: yeing ci: ziri ngoo lang" yu" nyid. He: gougnyhoug we' nyang: ri ayo" toem' pyam- nya: yoem: so' mo we' ayo" phang: loid nghoid ago". Nyang: gi nyang: vho: khyo" koid lho: nghoid boin: lo da:.

Pang Shug 13:7

Nyang: gi Mangso byu phung: yi ri meing: zain ung: wa da" akhang" yo' mungdain: loem: khang" moo" moo nyid da" - byumyu" cang: joeb- myeing" cang: joeb, kaid da" byumyu" dangain" bang: da" atho' moo vhoeb, khang" wa da" akhang" ri nyang: yo" yu ci: bye.

1 SAMUELA 23:9

David gi Sholu nyang: ri khaid zain: wa shid re" soin nyid ga: ziri shoug" gyoo: lang" nyang: gi khainjung Abiatha ri «Hid: khyoo: xoin" ngei" byizuang yu re" we'» ga: tid da:.