DANIELA 8:11 - Lacid Common Language Bible

¹¹ Hau: zigi mougkhung: mo gyidab da" khokham nu" rilang" aphoug" akhyoid koid lho: nyang: ri ngei" byid: da" nyid" khang" nyid" mo xoin" ngei" ziri theing: pyam wigi Noku Yhoem: Moo" ri phyo' pyam da:.

DANIELA 8:11 ပူးပေါင်းရင်းမြစ်များ

ESAIA 37:23

Nang wigi aphoug" akhyoid juang" pyam yug hang" nghoid ein: nang jho: la". Nang gi Israela da" gyeung" shang: Mangsoo nghoid da" ngoo ri aphoug" akhyoid koid zi nghoid abye:.

ESAIA 37:29

Ngoo gi nang nheig yo: khyoo:- re" da" nghoid boin: khyoo: lu dang: ri ngoo shoug" gyoo: bye:. Houg yoo mo re" nhoo: ri nhooshu' kaid- nhoid moo nhoidkho' kaid wigi nang nyang: re" da" khyoo: khyo" doem tau" shu: loo" wa zi nghoid» ga: zi nghoid

YEREMIA 48:26

Aseing tid zigi «Moba ri yhid: yed nhang: ge'. Ciwim gari nyang: gi ngoo ri gyi koid thougtheung abye:. Moba gi nyang: dug boem to" da" jang" moo lu: leung yeing" wa. Houg: lho: byumyu" yigi yi juang" lo boem wa.

YEREMIA 48:42

Moba gi phyo' shoin' pyam shau" wigi byu damyu" abui" loo wa. Ciwim gari nyangnu" ngoo ri goemlu to' thougtheung yoomo nghoid.

EZEKIEL 46:14

Houg: yo' dayhang: ti" nab soin: khang" moo" cen: moin" yo' lheug wa da zhainloin: xu: eig kug yo' cen: moin" dajoid: jain" ri byid: ca" da:. Aseing ri shugbyid: wa he: tarha" gi apyaid atoo: moo koid ca" da:.

DANIELA 11:22

Mangso da" khainjung moo" ri koid yhang: ti" nyang: ri ngeug thug lho: gyi phug koid yug hang" ri nghoid loug we' jhoid za: shoem" thu pyam wa zi shau" wa.

DANIELA 11:31

Nya: da" gyizoo: yi dayham" gi Noku Yhoem: Moo" ri thung" khyo" ayung" alho' koid pyam wa. Nyangnu" gi nyid" khang" moo" ngei" byid: da" xoin" ri toem' pyam lho: gyoug mau" pho" ziri tu: zhug too" wa.

DANIELA 12:11

Nyid" khang" moo" xoin" ngei" zi theing: byug da" ayo, mo nghoid wigi hau: zigi gyoug dain pho" ayo, mo 1290 nyid" lid loo" wa.

DANIELA 5:23

Nang gi mougkhung: mo Aseing ri thougtheung da" khyo" koid lho: nya: Noku Yhoem: Moo" mo khu yo' goem joem ri yu vang lo da:. Nang yo' re" nheigboo ludaid yi re" yhoem: seing: myhi' yi re" dangcang: myhi' yigi hau: joem mo zabyid yhid: kaid shug wigi sheing:- ngei- gyid: mid"- joto'- seig- lugzeing yo' koid to" da" yu phara" joem myo, we' amyang noo: we' agyo: da" yu phara" joem ri coung" ago". Nghoid loug we' nang dei wa anghoid lang" shid: wa myid phyed ziyo' nang koid da" moo" dangain" ri khang" da" su: nghoid da" Mangsoo ri nang ngi: ashab nghoid da:.

DANIELA 7:25

Nyang: gi gyi: sheung: myhang: thang da" Mangsoo ri thougtheung dang: tid lo wigi Mangso da" byumyu" yi adang moo doin: zeig zo: lo wa. Nyang: gi nyangnu" da" laloem lakhoug: tarha" joem yo' pui" joem ri thid wa shid re" soin' wigi Mangso da" byumyu" yigi nya: yoem: so' akhoug: moo soem" zain dakhyam" nyid loo wa.

DANIELA 8:12

Meing: byu yigi nyid" khang" nyid" xoin" ngei" byid: wa gungthid houg: moo yooboo shoid ago". Houg: lho: deingmain" da" laloem lakhoug: ri myidjang khyoo: she: pyam khyo' pyam ago". Hau: khyoug: gi nyang: koid zi ja: khang" moo" moo oung: doid da:.

DANIELA 8:24

Nyang: gi yoem bo loo wa. Nghoid loug we' nya: yoem: so' khyo" yoem: boo wa zi anghoid. Nyang: gi gyoug dain tung" pyo' shoin' ziri bui" nhang: lho: nyang: koid da" ja: khang" moo" moo oung: doid loo wa. Nyang: gi yoem: so' gyi: da" byu yiri yo' Mangsoo da" byumyu" seing: yiri phyo' shoin' loo" wa.

DANIELA 8:25

Nyang: gi nheigloem: guid" yoomo nyang: mhau' pyoid moo" joem dangain" oung: doid wa. Nyang: nya: gung ri nghoid boin: nhang: lho: byu myoo" sho' ri ci: atid lho: said toem" pyam loo wa. Nyang: gi khokham dangain" mo gyi: sheung: thang da" yug rilang" aphyoug akhyoid koid loo wa. Nghoid loug we' xangsu: byu da" yoem: so' ri aci: loo: nyang: ri phyo' shoin' pyam loo wa.

DANIELA 9:25

He: ziri xoem" ci wigi se' gyo: ci: we' Yerusalem ri doem di wa amyeing" khyo' byid: da" ayo, mo Mangso wigi khyen: to" da" vhu" shi: su ju" re" da" ayo, ju" sho' nyhed zain nyhed lheing: myang" loo goo" wa. Yerusalem ri fu" moo" khyoo: joem yo' geing: teing da" gyi lhoem: joyoo de: to" loo goo" wa. Houg: lho: hau: zigi khyug xe: eig zain nyhed lheing: geing: teing jo, loo wa. Nghoid loug we' he: zain gu: gi yau: khi" da" ayo, nghoid loo wa.

GYUNG: SOO" 28:3

He gu: gi Aseing ri shug byid: ca" da" zoo: noem xoin" nghoid da:. Nyid" khang" moo" nghe' ngei" da" xoin" khyo" dam abo da" dazain byeung" yang loo: eig du:.

LUKA 21:24

Byu dayham" gi sham: dam yo" said pyam zi shau" boem wa. Dayham" bang: rigi join khyo" myheig shu" lo" boem wigi mung" zoo: mung" zeing: moo byo sain" lo" boem wa. Tungbau Byumyu" yi gi nyang: nya: vhoeb khang" da" pyaid athang thang gi Yerusalem voo moo" ri khyidvoo: khoug: moo nang zeug ci: boem wa.

2 THESALONI 2:4

Nyang: gi; byu yi noku loem khau: nyid phara ein: ja: nyid moo nyid ri thoutheung shai" go" lho: nya: gung du: ri nyang: houg: dangain" da" atho' moo phung" yoeb, je boo su: nghoid ga: wigi tu: to' coung" nghei loo wa nyang: gi Mangso noku yhoem: khoug: moo lang" yhe: vang zhoung: jo, lho: wigi nya: gung ri nyang: Mangsoo: nghoid- ga: tid fu" nyid wa zi nghoid.

HEBRE 2:10

Nya: zoo: yi myoo" sho' we' myonhoo: phung" yoeb, ri shau" kham: yu wa shid re" Jo, moo jo, ri phain" to" lho: yu goin yu" coung: zung" loug nyid da" Mangsoo gi Yesu Khristu ri kyi" khyeug jamjau shau" nhang: khyo" wigi joeb, byeung" su: bue" loo nhang: da" khyoo: gi yu" du, jo eung: da" khyoo: nghoid. Khasu" wim gari Yesu gi nyangnu" ri khyoid yu da" khyoo: khyoo"- shu" yhe: loo" su: nghoid nyid.

Pang Shug 17:14

Houg: bang: gi hau: yang nu" yo' meing: zain: goo" wa zi nghoid loug we' hau: yang nu" ginyang: khe: yu too" mo, khyen: yu too" mo, yo' nheigloem: zung" lho: nya: thang: cang mo yo' dage" houg: bang: ri oung: pyam wa zi nghoid. Khasu" wim gari nyang: gi Aseing: yi tho' mo Aseing: - Khokham" yi tho' mo khokham" nyang: nghoid nyid.