DANIELA 8:10 - Lacid Common Language Bible

¹⁰ Hau: zigi mougkhung: mo gyidab ri meing: yo" zain: wa yhi nghoid lho: kyi: joem rilang" yo" khaid zain: wa yhi' yoem: bo loo: wa. Houg: lho: nyang: gi nyangnu" mo dayham" gu: ri myidgung khyoo: du" khyo' kaid lho: nang nhe' pyam da:.

DANIELA 8:10 ပူးပေါင်းရင်းမြစ်များ

ESAIA 14:13

Nang gi mougkhung: khyoo: do, loo" wa myid phyed lho: re" zhungtang ri myhang: thang da" kyi: joem atho moo too" wa myid phyed lo da:. Yu phara" joem phung: foem: nyid da" mougzhung: shoid mo boem dang mo khokham dayug yhang: ti" nang yo" zhung: wa ga: nang myid jho: da:.

YEREMIA 48:26

Aseing tid zigi «Moba ri yhid: yed nhang: ge'. Ciwim gari nyang: gi ngoo ri gyi koid thougtheung abye:. Moba gi nyang: dug boem to" da" jang" moo lu: leung yeing" wa. Houg: lho: byumyu" yigi yi juang" lo boem wa.

DANIELA 11:28

Suri khokham gi Mangso da" byumyu" yiri phyo' shoin' pyam wa ga: myid phyed ci: lho: nyang: shoug" lhoid yu da" lanyhoeb dangain" yo' dage" yhoem: khyoo: doem tau" loo wa. Nyang: gi nyang: vho: khyo" koid kho' lho: nyang: nya: moug: khyo: doem tau" phang: loo" wa.

DANIELA 11:30

Roma byumyu" yigi gyid sangphoo khyo" vang re" lho: nyang: ri ngeug thug wigi nyang: gi gye" gyoug dain wa. Hau: thang: nyang: gi nheig joem: yo: wigi doem tau" lheing: lo lho: Mangso byumyu" yi da" laloem lakhoug: ri phyo' shoin' pyam loo wa. Nyang: gi hau: laloem lakhoug: ri she: pyam bye: bang: wigi phajhi" byid: ziri cang loo wa.

DANIELA 7:7

Ngoo lang" yu" nyid ri myid: du ein: da" gougnyhoug lam" thu lo da:. Hau: du gi yoem: so' gyi: wigi yu" gyoug yu" lhoung:- gyoug dain wa yhang: te" zi nghoid da:. Gyi: da" nya: joto' zei boung: joem wigi nya: zoo: shoo" joem ri ngaid khyam" pyam lho: nyang: gi hau: joem ri nang: pye" pyam da:. Hau: du: gi gougnyhoug lham" goodu: yo' adu- nyang: mo khyoug: daxi: loem: yug da:.

DANIELA 8:7

Nyang: gi hau: yang loo: ri khaid thung" nyid ziri ngoo zung" yu" nyid. Nyang: gi gye" nheig yo: lho: khyoug: eig loem ri thung" khyoug" pyam sho' nya: jhang thoug" byam yhe: da:. Yang loo: gi lhoem: toem' pyam wa yoem: aboo nghoid da:. Nyang: gi myidgung khyoo: leung loo" khare" wigi nang: nhe" pyam zi shau" da:. Houg: lho: nyang: ri yo" khyoid yu wa hang" anyid nghoid da:.

Pang Shug 12:4

Nyang: gimoug: laid' phyoo" mo kyi: joem- soem" boem mo daboem ri nya: da" myi: yhang yo' shoem" yu lho: myid' jang: tho' khyoo: du" khyo' kaid.