DANIELA 7:7 - Lacid Common Language Bible

⁷ Ngoo lang" yu" nyid ri myid: du ein: da" gougnyhoug lam" thu lo da:. Hau: du gi yoem: so' gyi: wigi yu" gyoug yu" lhoung:- gyoug dain wa yhang: te" zi nghoid da:. Gyi: da" nya: joto' zei boung: joem wigi nya: zoo: shoo" joem ri ngaid khyam" pyam lho: nyang: gi hau: joem ri nang: pye" pyam da:. Hau: du: gi gougnyhoug lham" goodu: yo' adu- nyang: mo khyoug: daxi: loem: yug da:.

DANIELA 7:7 ပူးပေါင်းရင်းမြစ်များ

2 SAMUELA 22:43

Lid hau' tang" lo da" pheipyang" yhang: ti" bue" loo" wa shid re" nyangnu" ri ngoo mhoin' pyam bye:. Khyoogung mo thoem" boeb, ri yhang: ti" nyangnu" tho' moo: ngoo nang: pye" pyam bye:.

YOBA 41:14

Yu" gyoug tung" da" zei joem byeung" dab jo, da" nya: da" amcam" ri hang" yo" fo' nhang: wa la".

EZEKIEL 40:2

Yoeb myang daloem: moo: Mangsoo gi ngoo ri Israela mougmyid khyoo: shu" lo" lho: ngoo ri myhang: da" boem daloem moo lo" nyhid: to" da:. Ngoo gi nga" shidkhoin" mo voomoo" yo' du da" yhoem: joem ri shau" myang.

DANIELA 2:19

Hau: thang: hau: myen ri nyang: hau: mau" pho" khyoo: ri Daniela jhang yhoeb myang moo pang shug yoomo mougkhung: Mangsoo ri coung" da:.

DANIELA 7:13

Hau: myen mo he: yoeb myang ri myang nyid uri byu xangsu: dayug te" da" su: ri shau" myang. Nyang: gi jhoemmoug" wigi lheing khoem ci: lho: nga" jhang tab re" da:. Houg: lho: nyang: gi apyaid atoo: mo dei nyid yug jhang yhe: lho: nya: shidkhoin" khyoo: vang yhe: da:.

DANIELA 7:2

hau: myen ngoo shau" myang ziri lhid" xoem" to" zi nghoid da:. Shoid khang" moo" khyo" lid hau' hau' lo lho: Nammugdara: dang moo hau' khyoid lid lo" da:.

DANIELA 8:10

Hau: zigi mougkhung: mo gyidab ri meing: yo" zain: wa yhi nghoid lho: kyi: joem rilang" yo" khaid zain: wa yhi' yoem: bo loo: wa. Houg: lho: nyang: gi nyangnu" mo dayham" gu: ri myidgung khyoo: du" khyo' kaid lho: nang nhe' pyam da:.

DANIELA 8:22

Xang: shi" da" khyoug: gyau: lo" uri yug thu re" da" khyoug: myid: khyoug: gi Hau: mungdain: go, sain" lo" lho: hau: joem gi xang: shi" mo mungdain: yhi' yoem: aboo goo" wa ziri yeing lho: yoeb myang myang zi nghoid da:.

ZEKHARIA 2:1

Gootu: yoeb myang daloem: gi nya: lo moo laki' tei" ci: su: ri ngoo myang.

Pang Shug 12:3

Hau: lho: moug: laid' phyoo" mo mau" pho" khyoo: daja: gi bidmug rizhoung" ci: da" vhuloem nyhed loem: dab, lho: khyoug: daxi: khyoug: youg da" main, jung: ni, zeing dadu: thu' lo.

Pang Shug 13:1

Hau: thang: ripanglai khoug: mo khyoug: daxi: khyoug: yo' vhuloem, nyhed loem: dab, da" akhyeung" da" gougnyhoug dadu" thu' lo ziri ngoo myang. Nya: da" khyoug: loem: khang" moo" moo bidmug joem zhoung" ci: lho: nya: da" vhuloem loem: khang" moo" moo Mangsoo ri rui" da" myeing joem rilhid" tab ci:

Pang Shug 17:12

Nang shau" myang da" khyoug: daxi: loem: gi ashau" vhoeb, khang" shi" da" Khokham" daxi: yug nghoid. Houg: bang: gi akhyeung" gougnyhoug yo' dage" Khokham" da" amyeing" yoem: so' ri ayo, dana: yi: za: yo" yu mo, bue" lo boem wa zi nghoid.

Pang Shug 17:7

Hau: da" moug: lagyoo: ngoori myed: zigi ce: noem, wim wigi nang mau" nyid lha". Hau" myi: yi: myhi, da" gau: thang dangkang: yo' vhuloem nyhed loem: dab, ziyo' khyoug daxi: loem: youg da" akhyeung" da" gougnyhoug khyoo: ri we' ngoo nang ri tid kyoo" ba.

Pang Shug 17:8

Hau: akhyeung" da" gougnyhoug gi shid' phyang" dei nyid yu" bye- nghoid loug we' akhid" gi adei nyid loo- nghoid loug we' nyang: gi no, athang da" duang: khuang" mo thu' re" lho: wigi phyo' shoin, pyam' jang" khyoo: yhe: loo" wa zi nghoid. Moug: phain" myid' aphain" shi" mo Nya: kang: so' moug soug" pug moo -myeing abo lhid" kaid' to" da" moug: myid byu yi gi hau: akhyeung" da" gougnyhoug zeing ri shau" myang lang" mau" hang" to" boem wa nghoid. Nyang: gigoo" nham, dei nyid yu" gye- akhid" gi adei nyid loo- nghoid loug we' doem dei loo shi" wa zi nghoid.