DANIELA 7:5 - Lacid Common Language Bible

⁵ Eig du: ein: da" gougnyhoug lam" gi voem dadu: yo' du lho: nya: da" nungthang khyid: eig khyid: yo' yab jo da:. Nya: da" zei joem agyoo: mo nam cam" soem" khaid ri ngaid zeig ci: lho: thui: dathui: gi «Xo' koid we' nang yo" zo: nhoo' hau: ziri zoo: wa» ga: tid da:.

DANIELA 7:5 ပူးပေါင်းရင်းမြစ်များ

2 KHOKHAM 2:24

Elisha gi lheing: lo lho: nyangnu" ri zhug yu" wigi Aseing myeing moo nyangnu" ri nheing" da:. Houg: lang" voem, myhi' eig du: siyoo mo thu re" wigi zoolu: myid: xe: eig yug ri adu du ngaid ceig sain" pyam ago".

DANG: ZHOEM 17:12

Ce" dang: kang: thu' moo" zei: nyid da" byugang: yo' shoug" goo" wa tho' re" gi nya: zoo: lhoid yu pyam shau" da- voem, myhi' yo' shoug" goo" wa je we'.

ESAIA 56:9

Aseing gi tungbau byumyu" yiri siyoo gougnyhoug lam" joem yo' dakhyoo" ju" re" wigi nya: byu yiri re" zo: pyam goo" wa shid re" tid too" bye:.

DANIELA 11:2

Houg: lho: akhid" nang ri ngoo tid kyoo" wa zigi jo zi nghoid da» ga: tid. Moug: lagyoo: gi «Persi moo khokham soem" yug doem xo' vhoeb loo wa. Houg: lho: khokham gootu: soem" yug goin" tho' je yoo" zoo: yoo" shug da" myid: yug ein: yug cang re" lho: vhoebkhang" loo wa. Nya: da" yoem: so' yo' jonu" yo" wigi gyi: myhang: ri" lang" nyang: gi Greek mungdain: ri yoem: shi' loo wa.

DANIELA 2:39

Re" thang: moo re" mungdain: yhi' agyi: sheing: da" mungdain: daloem: thu loo wa. Hau: thang: soem" loem: ein: da" gyid: mid" bo mungdain: gi mougmyid gyab goin" ziri vhoeb loo wa.

DANIELA 5:28

Byo, sain" lo zi re" mungdain: ri byo, soin" loo" nhang: wigi Mede yo' Persi bang: yiri byid: pyam da» ga: zi nghoid.

DANIELA 7:4

Xang: shi" du: gi khangkhyi yo' du da- nghoid loug we' nya: dung gi zoin bung: dung yo' du da:. Ngoo zung" yu" nyid ri hau: dung joem gi jeig dang: lo" da:. Hau: gougnyhoug lam" gi tu to' yu zi shoug" lho: byu dayug yo' dayhang: ti" yab jo nhang: da:. Houg: lho: nyang: ri byu xangsu: da" myid nheigloem: ri kaid byid: to" ago".

DANIELA 7:6

Ngoo zung" yu" nyid uri gootu: gougnyhoug lam" dadu: thu lo da:. Hau: du: gi myeung khuid" yo' du nghoid loug we' nya: da" nungkhung: moo ngho' dung yhang: te" zi dung myid: dung dab da:. Houg: lho: nyang: moo vhuloem myid: loem: dab da:. Nyang: ri yu" ri amyeing" akhang" bo yhang: ti" nghoid nyid da:.

HOSEA 13:8

Ngoo gi nya: zoo: ci phyug pyam da" voem myhi' yo' dayhang: ti" nanu" ri gyi khaid koid lho: nanu" ri ngo wigi lang: ceig khyam" pyam wa. Ngoo gi khangkhyi dadu: yo' dayhang: ti" nanu" ri hougmoo: nyang: zo: pyam wa. Houg: lho: ngoo gi siyoo gougnyhoug yo' dayhang: ti" nanu" ri adu du lang: ceig khyam" pyam wa.

Pang Shug 13:2

Ngoo myang da" hau" akhyeung" da" goug nyhoug gi Myeing khuid" yo' du- nya: da" khyid: gi voem, khyid: yo' du lho: nhoid gi khang khyi nhoid yo' du go" nyid. Hau: main jung: ni, zeing gi nya: da" yoem: so' yo' nya: zhung: tang ri we' nya: gyi: thang da" amyeing" ri we' hau: akhyeung" da" gougnyhoug ri ab, byid: bye.