DANIELA 7:10 - Lacid Common Language Bible

¹⁰ Houg: lho: gyid gyung: zoo: yhang: ti" myiyham: gi houg: mo yau shoin: thu re" da:. Houg: joyoo moo nyang: ri dei byid: wa byu khyeing" su: nyid boem ago". Houg: lho: byu sen su: nya: shidkhoin" moo yab jo, ago". Tarha" dang: kho' shid" lho: mougsoug" pug joem phang to" ago".

DANIELA 7:10 ပူးပေါင်းရင်းမြစ်များ

1 KHOKHAM 22:19

Mikhaia gi «Aseing tid zigi Akhid" tam" gyoo: ge' mougkhung: mungdain: moo: Aseing gi nya: zhungtang moo zhoung: jo, ziri ngoo myang. Nyang: lagyoo: yi dangain" gi nya: ayam moo yab jo, da:.

2 KHOKHAM MHOOMYID: 18:18

Mikhaia doem tid zigi «Aseing tid ziri akhid" tam" gyoo: we'. Mougkhung: mungdain: moo Aseing gi nya: zhungtang moo zhoung: jo, wigi nya: lagyoo: yi dangain" gi nya: ayam moo yab jo, ziri ngoo myang.

YOBA 25:3

Nyang: ri dei byid: da" moug: lagyoo: yiri hang" yo" tho' nghab wa la" Mangso da" bidbang aju" zi kha: khyi' jo, lha".

COUNG" NGHEI 103:21

Nyang: vho: ngei da" moo" ri zei: nyid da- nya: dei zoo: yi nghoid da- mougkhung: tho' mo phung" yoeb yoem: moo" boo mo, we' Aseing ri coung" nghei nyid we'.

COUNG" NGHEI 18:8

Nya: nhoo: duang: mo myi khoug nghoid loug we' nya: nhoid mo nge" dab, nyid da" myiyham: yo' myigyu: joem ri: moid thu' kaid nyid.

COUNG" NGHEI 50:3

Ngoonu" da" Mangsoo gi re" lo nyid uri sam" zoo: ju" ri" zi anghoid. Nya: shidkhoin" moo: myiyham: dab nyid wigi nya: ayam' aqei: moo thain: da" uglid zeing hau, nyid.

COUNG" NGHEI 68:17

Aseing gi khyeing" moin myo: da yoem: bo da" gyi myang: rheing" joem yo' Aseing gi Sina boem mo wigi gyeung" shang: joyoo khyoo: gyoo" lo.

ESAIA 30:27

Aseing da" yoem: so' yo' phung" yoeb gi vi: mo yo" shau" myang da:. Myi: yo' myikhoug" gi nyang: nheig yo: ziri ci: shug byid: da:. Nyang: dang: tid wigi nyang: dang: khoin" gi myi: yhang: ti" nge" da:.

ESAIA 30:33

Goonham mo Asuri khosen ri nghi wa da" khyoem' moo" myi: dajo, yoo ri soin' to" da:. Hau: zigi no, wigi gyi: da:. Houg: lho: thang" myhang: sho' zuang to" da:. Hau: ziri nghe' pyam wa shid re" Aseing gi myiyham: ri moid thu kaid loo wa.

DANIELA 12:1

Zin: yung" pain" byimi void ci: da" moug: lagyoo: tid zigi «Hau: ayo, moo re" byumyu" yiri lhoug zung" da" moug: lagyoo: moo" Mikhaela gi nyid thu loo wa. Hau: thang: hau: zigi yau: khi" ayo, nghoid wigi byumyu" yi xang: shi" nyid re" da" ayo, mo zi akhid" ju" sho' moo yau: thang nghoid wa. Hau: ayo, ju" lo ri Mangso da" mougsoug" pug moo myeing lhid" to" da" re" byumyu" yi dangain" gi khyoid yu zi shau" boem goo" wa.

DANIELA 7:22

Hau: thang: apyaid atoo: moo dei nyid yug re" lo lho: gyi: sheung: myhang: thang Mangso da" byumyu" yi shoid bo dab wigi dang: phyed zi tid kaid da:. Mangso da" byumyu" yi khokham yoem so' yo" yu wa yo, ju" loo bye:.

DANIELA 7:26

Hau: thang: mougkhung: tarha" yung" moo dang: phyed wa soin' zhung: loo goo" wa. Nya: da" yoem: so' ri yu pyam byid: lho: nyang: ri bain sho' phyo' shoin' pyam loo goo" wa.

ZEKHARIA 14:5

Nanu" koem gi boem eig gang gyam: lo" da" lang: khoug: khyo" wigi phang: thu loo" goo" wa nghoid. Yuda khokham" Uzia pyaid moo myid leig leig da" uri nanu" phoug" phyid" yi phang: lid lo" yhang: ti" nanu" shau" phang: loid loo" goo" wa. Hau: uri Aseing nga" Mangsoo gi nya: moug: lagyoo: yi yo' dage" ju" loowa nghoid.

MATHE 25:31

«Byu nya: zoo: gi khokham" khyo" - Mouglagyoo: dangain" yo" dage" ju" gyoo" lo da" uri Nya: da" khokham" zhung: tang tho' moo zhoung: jo, wa nghoid.

TARHA" TID POIN" 33:2

Aseing gi Sina boem mo gyoo" loo bye:. Nyang: gi Edom atho' moo bid yhang: ti" thu wigi Nya: byumyu" yi atho' moo Paran boem mo zhoo: byid: da:. Moug: lagyoo: damoin gi nyang: yo' dage" nghoid nyid. Nya: lo, yo lo, moo nge" nyid da" myiyham: bo da:.

HEBRE 1:14

Hougsu" nghoid rigi moug: lagyoo: yi gi hang" nghoid lha". Nyangnu" gi khyoid yu shau" da" agyid asoo: kham: yu bang: ri pang" thoug wa shid mo Mangsoo nhang: kaid' zi shau" da" Mangsoo ri noku nyid Venyi joem nghoid ago".

HEBRE 12:22

Nanu" koem gi Sina, boem da" gung khoo: - Zion boem yo' moug: lagyoo: yi moin, sen, nyid da" dadei nyid Mangso voogung ein: da" - moug: khung: mo Yerusalem moo ju" nyid boem abye: go.

YUDA 1:14

Adam: mo xo' gyo" lo da" nyid' xeig ein: jang" mo E-nug gi hid: bang: khyoo: yo' sen: lho: goo" nham, mo lapi: pe: too" bye- hau: zigi Aseing: ginghab, loo atho' da" gyeungshang: mau: lagyo; yi yo' doem gyoo" loo wa nghoid.

Pang Shug 11:18

Tung: boug ginheig khoo" yo: nyid ago"- Khasu" wim gari nang nheig yo: da" ayo, ju" lo lho: shid: bye: bang: ri dang: phyed' wa da" ayo, ju" bye:. Re" da" dei zoo: lapi: yi yo' Re" da" byumyu" yi nang ri gyoug phau" nyid mo, nge zoo: gyi: zoo: dangain" ri ngi shab, jhung: shug byid: wa da" ayo, we' mougmyid' ri lhu: phyo' bang: ri phyo' shoin, pyam wa da" ayo, we' ju" loo bye: o"» ga: wigi tid nyid boem.

Pang Shug 5:11

Hau: thang: moo ngoo doem yu" kaid ri zhung: tang nam mo gougnyhoug myid: ja: yo' ludaid yi da" loem: lheing khab, moo moug: lagyoo: yi moin, moin, sen, sen, nghab loo a- oung mo, yab yoin" to" ziyo'