DANIELA 6:4 - Lacid Common Language Bible

⁴ Houg: lang" hau: gootu: moo" pyoo: bang: yo' mung" zoug: yigi Daniela mung" vhoeb moo" zei: jang" mo yooboo shoid zi daja: ja: shoug" sho' zheing: sho: nyid boem ago". Nghoid loug we' Daniela gi loem ge" ziyo' shoid zi anghoid lang" adeing amain" zi daja: we' akoid yoomo yooboo amyang boem nghoid ago".

DANIELA 6:4 ပူးပေါင်းရင်းမြစ်များ

APOEM AYANG: 41:38

nyang: gi nyangnu" ri «Nyhang" gi Mangso Venyi: yo" yu to" da" su:- Yoseb tho' re" je ge da" byu gootu: dayug ri khanham we' shoug" shoo: loo: wa zi anghoid» ga: wigi tid.

APOEM AYANG: 43:18

Nyangnu" gi yhoem: khyoo: shu" lo" nyid uri gyoug wigi «Nyhang" gi xang: shi" lheing: ri nyha" thung: moo bo lo da" ngei da" gang mo nyhang" ri hid: khyoo: shu" lo nyid bye:. Nyangnu" nyhang" ri nyeigdain tung" gyi lhoem: koid bye:. Nyha" loo zei: ri yu pyam byid: lho: nyhang" ri nya: join koid nhang: wim bye:» ga: jho: boem ago".

DANG: ZHOEM 29:27

Deingmain" bang: gi akhyeing" bang: ri ngheung" lho: akhyeing" ashoeb bang: we' deingmain" bang: ri ngheung" nyid.

PHAJHI" DANG: 4:4

Byumyu" yi oung: doid wa shid re" gye" yoem: kaid ein: ziri ngoo yo" se' yu bye:. Hau: zigi nyangnu" da" yhoem: kyoo" cang" yiri no" zo myid boo yoomo nghoid ago". Nghoid loug we' hau: zigi akoem: za: danghoid. Hau: zigi lid ri cang khaid myheig ziyo' du da:.

YEREMIA 18:18

Byumyu" yigi «Yeremia yo' sen: wigi ngoonu" daja: koid boem shang. Ngoonu" ri jhau" shid byid: wa khainjung yi ngoonu" ri phajhi" byid: da" phajhi" boo bang- Mangso mungdang: ri tid fu" da" lapi: yi khanham we' nyid nyid boem wa. Nyang: ri yooboo foin: wigi nyang: tid da" dang: ri tam" gyoo: wa theing: pyam goo" shang» ga" tid ago".

YEREMIA 18:23

Nghoid loug we' Aseing we"- ngoo ri said pyam wa nyangnu" gyi gau" koid khyoo: dangain" ri nang se' da:. Nyangnu" da" akhyeing" moo" yo' nyangnu" da" yooboo joem ri akhyoid byid:. Nyangnu" ri gyi soem" da" joyoo moo she: pyam to" wigi nang nheig yo: da" ayo, gyoo: moo nyangnu" ri dang: phyed we» ein: akyu" mho' bye:.

YEREMIA 20:10

Yugkhang" moo" gi Gyug pho" zi khyi' khang" moo" moo jo, da:. Houg: yoomo amyeing" akhang" yoo" bang: ri nya: lu lo" fu" shang» ga: dang: so' so' go" nyid ziri ngoo shau" gyo:. Nga" da" jhang thang byencang" yi lang" ngoo leung gyoeb loo" wa ziri lang" nyid ago". Nyangnu" gi «Nyang: gi phajhi" mhid" khyau" wigi Ngoonu" nyang: ri shoug" myheig yu wigi latoo: shoug" phug abe» ga: tid ago".

YEREMIA 29:7

Ngoo wigi thung: byu khyo" nanu" ri yhe: nhang: da" joyoo mo voogung joem shid re" ge da" moo" koid we'. Nyangnu" gungthid ngoo ri akyu" mho' ge'. Ciwim gari nyangnu" yoo" zoo: yoo" shug lo ri nanu" we' yoo" zoo: yoo" shug wa.

DANIELA 3:8

Hau: ayo, moo Babelon byu dayham" gi Yuda byumyu" yiri myonhoo: shoem: nhang: wa akho: akhang" yu da" ayo, nghoid da:.

DANIELA 5:12

Nyang: moo gooki' lid da" yoem: so' yo' phajhi" bo lho: yhoebmo, phuid: khyoo:- dang: myid: phuid: khyoo:- mau" pho" ja: ri sho' khyo" khyoo: yhang: te" da" phajhi" se' da:. Hougsu" yoomo khokham pho wigi Belteshaza ga: myheing to" da" su: Daniela ri khe: kaid we' He: dang: kang: dangain" ziri nyang: nang ri tid kyoo" baja".

DANIELA 6:22

Khangkhyi joem wigi ngoo ri dam ayo" tab sho' nhoid myhid" pyam byid: wa shid re" Mangsoo gi nya: moug: lagyoo: ri nhang: kaid da:. Ngoo gi yooboo ayo" ziyo' aseing khokham nang ri ashoid ziri nyang: si' yoomo nyang: gi hid su" koid thu kaid da» ga: tu" da:.

MATHE 26:4

Nyangnu" gi Aseing Yesu ri zheig zoo: gau" myheig lho: said pyam wa shid re" zheung: sham go" nyid.

MATHE 27:18

Houg: bang: gi anoug angei yoomo Yesu ri nya: lo, moo ab byid: ziri nyang: se' nyid.

LUKA 20:20

Houg: yoomo nyang: bang: gi axeig amyo gi ri shoo: go" nyid. Nyangnu" gi Yesu da" Mungdang: mo tid shoid wa da" dang: ri myid: lho: nyang: ri Roma khokham" da" lo, moo ab pyam wa shid' re" gi goin koid da" jooyu" mo, ri Yesu jhang khyoo: nhang: kaid to" boem.

LUKA 20:26

Nyangnu" gi byu yi shid' khoin" moo Yesu shoid da" yooboo ri ashau" shoo: yoomo Yesu phoid: kyo" khyoo: ri gyoo: mau" lho: sam" zoo: nyid byug ago".

LUKA 22:2

khainjung agyi moo": yi yo"- Tarha" sara" yi gi byu phung: yi ri gyoug yoomo Yesu ri yo" gau" said pyam wa da" akhyoo" shoo: go" nyid.

YOHAN 19:4

Pilaid khokham" gi nghi: khyoo: dalheing: thu' lo" lho: Meing: byu yi ri yu" ge'. He: yug ri said pyam wa shid' re" ngoo ce: yooboo we' amyang khyoo: nanu" we' si' wa shid' re" nanu" jhang khyoo: ngoo shu" thu' loo wa ga: tid.

2~KORINTHU 11:12

ngoonu" koid ziyo' dakhyoo" ti"- nyangnu" we' lhoung koid yu" ga: wigi gootu: lagyoo: yi tid phau: khuang jang: yoo" baja"- akhid" ngoo koid yhang: ti"- xo' lho: we ngoo koid shi" wa.

PHILIPI 2:15

Houg: su" koid nyid lang" nanu" gi akyang" alai byo, yoin" lho: yooboo yoo" bang: ga: goo" wa. He: mougmyid tho' moo ce" yooboo we' adab loo: za: nheigloem: gyeungshang: da" Mangso nya: zoo: yi yhang: ti"- bue" loo: goo" wa zi nghoid-Hougsu" nanu" gi kangso dei da" mungdang: ri kho" kyo" nyid zoore" moug: khung: goin" ziri thoin" pang byid: da" bidbang gung du: yi yhang: ti"- nyangnu" da" mo, phung: gung moo thoin" pang byid: nyid boem, ca" wa nghoid.

1 TIMOTHI 5:14

Houg: yoomo gyivoo yi gi ngoonu" da" khyoo: ri age khyo" tid wa joyoo ajo, loo: sho' apyaid' ngi shi" da" cougmoo" myhi, yi gi lo, doem xo' lho: zookhu: du, yau ziyo' nyangnu" da" e" koin, ikoin deungkhu: ri-yu" nyheung goin, coung: nyid wa ziri ngoo je" vho: nyid.

TITU 2:8

Nang ri thougtheung loo mo, gi ngoonu" ri ce: khyoo: moo we' ce: yooboo we' ashau" shoo: lo: yoomo sho' thu goo" baja" nang gi sube" wigi yooboo foin: zi ashug" loo: sho' deingmain" da" dang: joem yo' jhoug" byid: mhoo, byid: nyid we'.

1PETERU 2:12

Aseing Yesu ri aloem" jeung"- aloem, khau: mo, gi nanu" ri age da" moo" ri zei: nyid mo, nghoid ga- yooboo foin: nyid uri nanu" koid ge da" moozoo" ri shau" yu" myang wigi Yesu doem gyoo" lo da" bidnyid moo Mangsoo riyo" coung" nghei byid: goo" baja"- nanu" gi nanu" nya: da" shid' khoin" moo ge, lho, da" asam" aved, yo' kang: so dei nyid ge'.

1PETERU 3:16

Nghoid loug we' nu" nham, phau" myang: khyo" phoid: kyo" nyid ge'- nanu" da" yeug koung nheigloem: moo ce" yooboo we' adab baja"- Houg: su" wigi nanu" ri juang" yi zi shau" nyid da" uri Khristu da" thang: cang mo, khyo" nanu" da" asam" aved, joem ri ge, khyo" tid mo, gi sho' thu goo" wa zi nghoid.

TARHA" AGYI 14:4

Nya: phoo yo' nya: myhi' tang: gi Samson ri Aseing gi hid: su" koid nhang: nyid ziri asi' goo" nghoid da:. Ciwim gari Aseing gi Philisti byu yiri gyi khaid wa shid re" akhyoo" sho: nyid da:. Houg: ayo, moo Philisti byu yigi Israela ri vhoeb nyid ago".

1 SAMUELA 12:4

Byumyu" yi gi «Nang ngoonu" ri amhoug zoo- adoin: zeig- hang" jang" mo we' nang ci: ayu yu" nghoid» ga: doem phug tid boem.

1 SAMUELA 18:14

Nyang: gi Aseing yo' dage" nghoid nyid yoomo nyang: koid zi dangain" oung: doid nyid da:.

1 SAMUELA 22:14

Ahimeleg gi «re" byu yi dangain" jang" moo David gi re" moo" voin mo, dangain" tho' moo: je loem ge" thang da" zoug: nghoid nhung:. Nyang: gi re" zoomo, we' nghoid. Re" gung ri lhoug zung" su: we' nghoid nyid da:. Khokham vang" moo we' byu dangain" mo, wigi coem phau" myang: su: nghoid da:.