DANIELA 6:3 - Lacid Common Language Bible

³ Kha: myhang akyoo: ri Daniela gi gootu: moo" pyoo: bang: yo' mung" zoug: yi tho' mo moo" je yo" zei: ziri shau" myang da:. Nyang: gi gye" bui" yoomo khokham pho wigi damung" goin" ziri vhoeb wa moo" foin: wa myid soin' to" da:.

DANIELA 6:3 ပူးပေါင်းရင်းမြစ်များ

EZRA 4:22

Nga" akho: akhang" gootu: je ayoem" baja" he: ziri myab myab koid ge' ga: lhid" to" da:.

NEHEMIA 7:2

Ngoo gi Yerusalem ri vhoeb wa shid re" byu eig yug ri khyen: too" bye:. Nya: eig yug gi nga" nhung" Hanani yo' gyigoo zung: vhoeb da" zoug: Hanania tang: nghoid ago". Hanania gi loem ge" da" byu nghoid lho: Mangsoo ri gyoug phoug" da" yug- hang" yo' we' ayo" tu' sho' ge yug nghoid da:.

ESTHA 10:3

Yuda byu Modekhai gi khokham Ahasuru mo lid wigi vhoo: moo: dazhang za: nyhoem: da" joyoo moo nyid da:. Nyang: gi nya: Yuda byumyu" yi ge ngi: shab byid: lho: coem' jheddab boem ago". Nyang: gi nya: byumyu" yi shid re" ge da" moo" zei: lho: nyangnu" da" amyed ashen yi dangain" shid re" goem loem khyoo: koid byid: da:.

DANG: ZHOEM 17:27

Nyang: nya: gung ri myid loem nyid mo, gi ayo, byeung" sho' dang: atid loo: sam" zoo: nyid nyid sam" za: nyid mo, gi nheigloem: phajhi" amain" boo mo, nghoid.

DANG: ZHOEM 22:29

Ngoo ri: ge da" moo" zei: su: dayug toin" shed we'. Houg: lang" khokham yi myoo" sho' mo, mo ge thang phoug" dab, thang re" je" gi su: ri ngoo nanu" ri toin" shed byid: wa.

PHAJHI" DANG: 2:13

O"- ngoo si' bye:- Moug: boo" gi moug: soid tho' je ge ziyo' dakhyo" phajhi" juyhi: gi nheig agyeing: zi tho' je ge da:.

DANIELA 5:12

Nyang: moo gooki' lid da" yoem: so' yo' phajhi" bo lho: yhoebmo, phuid: khyoo:- dang: myid: phuid: khyoo:- mau" pho" ja: ri sho' khyo" khyoo: yhang: te" da" phajhi" se' da:. Hougsu" yoomo khokham pho wigi Belteshaza ga: myheing to" da" su: Daniela ri khe: kaid we' He: dang: kang: dangain" ziri nyang: nang ri tid kyoo" baja".

DANIELA 5:14

Nang moo yu phara" joem da" Venyi: bo lho: se' jhang: khyoo:- Lasi phajhi" yo' phajhi" juyhi: se' ga: ziri ngoo shau" gyoo: bye:.

DANIELA 5:7

Nyang: gi main tain sara: yi join: zei bang:- lo, kyoo' yu" bang: ri khe: fang kaid wa shid re" byu dayug ri nyho: tid da:. Nyangnu" vang lo boem lang" khokham phoo gi nyangnu" ri «He: mougsoug" joem ri se' nghab lho: ngoo ri hau: joem da" dang: kang: ri yo" tid kyo" da" yug hang" ri nghoid loug we' khokham da" khalham" poo" void byisheing: foid byid: wa. Ngi: shab da" sheing: yiri we' nya: leung zeung: moo foid byid: lho: he: mungdain: da" soem" zang ein: da" joyoo moo too" wa» ga: tid da:.

DANIELA 9:23

Mangsoo jhang nang mho' shid lo" da" ayo, mo nang ri nyang: tu" byid: bye:. Nyang: gi nang ri jheddab da:. Houg: yoomo nang ri dang: phuid: tid kyoo" wa shid re" ngoo ju" re" zi nghoid. Akhid" hau: yoeb myang ri ngoo tid sho' kyo" nyid uri goo" lhoo: za: gyo: yu we'.