DANIELA 6:23 - Lacid Common Language Bible

²³ Khokham phoo gi gye" gau wigi Daniela ri thung: yhoem: khoug: mo lang: she: thu yu wa amyeing" byid: kaid da:. Houg: yoomo nyang: ri lang: she: thu yu ri nyang: gi Mangsoo ri loem khau: yoomo nyang: moo ce: dam dajhi' we' adab ziri shau" myang ago".

DANIELA 6:23 ပူးပေါင်းရင်းမြစ်များ

1 KHOKHAM 5:7

Hiram gi Sholumon da" pyeing: dang: ri shoug" yu lang" atho' tid loo sho' nheugshid: nheugdeug ziyo' nyang: «Gyi: sheing: mungdain: da" khokham khyo" wigi David khokham zhungtang ri thid wa shid re" phajhi" bo da" yuggi zoo: David ri byid: da" Aseing ri akhid" nyid" coung" nghei o"» ga: tid.

1 KHOKHAM MHOOMYID: 5:20

Nyangnu" gi Mangsoo ri khoug: nghe: wigi pang" thoug wa shid re" nyang: ri akyu" mho' boem. Mangsoo gi nyangnu" akyu" mho' thui: ri tam" gyoo: byid: wigi Hagara byu yi yo' nyangnu" da" myid veing" bidnoem yiri oung: pyam nhang: da:.

2 KHOKHAM MHOOMYID: 20:20

Thang: nyid" nab soin: no' mo byumyu" yigi Tekoa nam mo siyoo khyoo: yhe: lo" ago". Nyangnu" to' yhe: lo" nyid boem uri Yehoshaphad gi nyangnu" ri «Yuda yo' Yerusalem byu yi we". Nanu" da" Aseing Mangsoo ri loem khoug: we'. Houg: lang" nanu" gi: geing: teing loo goo" wa. Nya: Lapi: yi wigi nanu" ri tid ziri loem ge'. Nanu" oung: doid loo goo" wa» ga: tid.

COUNG" NGHEI 18:21

Ngoo gi Aseing da" tarha" ci: cang loo bye:- nga" Mangso jang" mo aphang: lo" yu.

COUNG" NGHEI 37:40

Nyang: gi nyangnu" ri pang" thoug lho lhoid pyoin yu nyid. Nyangnu" gi nya: jang" moo goem loem yu byid: wa shid re" ju" re" nyid boem yoomo nyang: gi nyang: nu" ri akhyeing" ashoeb bang: da" lo, mo khyoid yu byid: nyid.

THU' LO" MOUGSOUG" 18:9

Yethru he: ziri dangain" shoug" gyoo: lang" nyang: gau wigi

DANG: ZHOEM 18:10

Aseing gi geung: teung da" gyipyu, zung nghoid- Hougmoo: deingmain" mo, yo' yhe: lho: goug: nyu: tung" yo" khau: nyid ago".

ESAIA 26:3

Nang Aseing gi nyangnu" da" myid too" jang: ri teing teing koid wigi nang ri khau: nghi: bang: ri joeb byeung" da" ngei pyo: yug yo khyoo: byid: da:.

DANIELA 3:17

Ngoonu" dei byid: nyid da" Mangsoo gi ngoonu" ri myikhyoem moo" mo we' re" yoem: so' mo we' yo" khyoid yu nghoid ri nyang: khyoid yu wa.

DANIELA 3:25

Nyang: gi «Houg ri ciwim yoomo myikhyoem khoug: moo byu myid: yug so" yen" ziri ngoo shau" myang lug lha". Nyangnu" ri atei" too" loo:. Nyangnu" gi ce: dam dab nhoo: we' adu- houg: lho: myid: yug ein: yug gi moug: lagyoo: yhang: ti" du da» ga: tid.

DANIELA 6:14

He: ziri khokham phoo shoug" gyoo: lhang" nyang: myid apyoo: hau: Daniela ri yo" khyoid yu wa khyoo: dakhaid khaid shoug" shoo: sho' ge bue" yhi' sho: da:. Nyang: gi bidvang sho' sho: nyid ashi" da:.

DANIELA 6:18

Hau: thang: khokham phoo gi khokham kho" khyoo: tau" lo" wigi damyen goin" zoo: noem azoo:- shapyo: ja: daja: we' aboo loo gyeing: bo" da:.

MARKU 9:23

Na nyang: nghoid bye: Yesu gi yo" bue" nghoid rigi loem" jeung" nheigloem: boo su: shid mo gi ja: khang" moo" yo" bue" zi nghoid ga: tid.

HEBRE 11:33

Houg: bang: gi loem" jeung" ziyo' sube" mung" ri gyi zain: lho: yo" oung: lo boem- nyangnu" gi deingmain" khyoo: ri cang zei: lo" boem wigi Mangsoo byid: to" da" dang: soo" khoin" ri shau" kham: yu boem bye.