DANIELA 6:10 - Lacid Common Language Bible

¹⁰ Hau: amyeing" ri lo, xoem" lhid" bye: ga: ziri Daniela shau" gyo: yu lang" yhoem: khyoo: lo da:. Nya: yhoem: tho' pyam: mo yab dayab moo Yerusalem shoid khyoo: shu: to" da" bangzoo: khoem" joem dab da:. Hau: joyoo moo nyang: khanham we' lhung koid nyid ziyo' dakhyo"- bang" jo, da" bangzoo: khoem" moo poid thug thug lho: danyid" ri soem" lheing: lheing: Mangso jhang akyu" mho' da:.

DANIELA 6:10 ပူးပေါင်းရင်းမြစ်များ

1 KHOKHAM 8:30

Nga" akyu" mho' dang: yo' re" byumyu" yi he: joyoo khyoo: shu: wigi mho' da" nyangnu" akyu" mho' dang: ri tam" gyoo: byid: we' o". Mougkhung: mungdain: mo re" yhoem: moo: ngoonu" da" akyu" mho' dang: ri tam" gyo: wigi ngoonu" yooboo ri khyoid byid: we' o".

1 KHOKHAM 8:38

nyangnu" da" akyu" mho' dang: ri tam" gyoo: byid: we' o". Re" Israela byumyu" hang" nghoid loug we' nyangnu" nheig koug nheig nge ziyo' he: Noku Yhoem: Moo" khyoo: lo, tu: yeing to" lho: akyu" mho' nghoid rigi

1 KHOKHAM 8:44

Nang gi re" byumyu" yiri nyangnu" gyivoo ri yhe: thougtheung zain: wa shid re" amyeing" byid: lho: nang khyen: byid: wigi re" shid re" ngoo koid too" byid: bye: da" he: Noku Yhoem: Moo" jo, da" voomoo" khyoo: myonhoo: shu: lho: nyangnu" nyid joyoo mo nang ri akyu" mho' uri

1 KHOKHAM 8:54

Sholumon gi Aseing jang" moo akyu" bain mho' lang" phoin: shidkhoin" moo poid thug thug lho: lo, tu: yeing to" jang" mo to' yab bye: da:.

2 KHOKHAM MHOOMYID: 6:13

(Sholumon gi gyid: mid" gainbyam: daloem koid lho: hau: ziri vang" agung moo to" to" da:. Hau: zigi sheing: khyoo: pyi: khyoo: shid pe: lam wigi myhang: khyoo: wim: pe: bo da:. Nyang: gi hau: gainbyam: khyoo: do, lo" lho: nyang: ri yugkhang" moo" wigi myang da" joyoo moo poid thug thoug wigi nya: lo, ri moug: khyoo: tu: to" da:.)

2 KHOKHAM MHOOMYID: 6:38

Hau: mung" moo nyangnu" deingmain" ziyo' nheigloem: dain: dain: za: nheigloem: thid pyam wigi ngoonu" phoug" phyid" yiri nang wigi byid: to" da" he: mung"- nang khyen: to" da" he: voomoo"- re" shid re" ngoo koid to" da" he: Noku Yhoem: Moo" khyoo: nyangnu" myonhoo: shu: boem lho:

EZRA 9:5

Myen" thang: xoin" ngei" wa shid re" ayo, ju" lo uri ngoo gi ngoo nheig koug zhung: jo, da" joyoo mo to' wigi nga" byimi jeug ri xo' void ci: lho: nga" Aseing Mangso jhang khyoo: nga" lo, ri tu: yeung to" wigi ngoo poid thug thoug lho: akyu" mho' nyid bye: zi nghoid.

NEHEMIA 6:11

Ngoo gi «Tang" wigi pang: goug" yen" wa da" byu anghoid. Ngoo Noku Yhoem: Moo" moo goug" nyid wigi ngoo nya: kangso' shid re" khyoid yu khyoo: koid wa ein:» nang myid jho: rhe".

COUNG" NGHEI 34:1

Ngoo gi khanham we' Aseing da" jeju" ri boin: so" nyid wa. Ngoo gi nyang: ri coung" nghei khyoo: khanham we' anoo: wa.

COUNG" NGHEI 5:7

Nghoid loug we' re" da" geung: teung jhedkhyeing: kang: khyeing: yoomo ngoo gi re" yhoem: moo" khyoo: yo" ju" re". Re" da" gyeung" shang: Noku Yhoem: Moo" moo: ngoo noku lho: nang ri gyoug phau" zoore goeb pid nyid.

COUNG" NGHEI 55:17

Nab soin: ayo, nyid" khyoug ayo- myen" mo" ayo, joem moo nga" da" mho' yoid ziyo' nookyeing" thui: gi nya: jang" moo: kyang ju" do, lo" wigi nyang: gi nga" thui: ri tam" gyoo: byid: wa zi nghoid.

COUNG" NGHEI 86:3

Nang gi nga" Mangsoo nghoid yoomo ngoo ri nheug khyeug shi" we'. Ngoo gi nyid" goin re" jang" moo: akyu" mho' nyid.

COUNG" NGHEI 95:6

Ri" ge'- nyhang" nyang: ri poid thug thug lho: noku coung" nghei nyid boem shang. Yha" da" Aseing phain" so: soo: su da" shidkhoin" moo: poid thoug thug to" boem shang.

DANIELA 6:13

Hau: thang: nyangnu" gi khokham pho ri «Yuda mo pyoung" she: loo bang: mo bo bo da" Daniela gi aseing khokham nang ri we' aphoug" myang: nghoid da:. Nang lhid" pyo: kaid da" amyeing" dang: ri we' acang nghoid da:. Nyang: gi danyid" ri soem" lheing: main: main: akyu" mho' nyid da» ga: tid ago".

DANIELA 9:4

Ngoo gi Aseing nga" Mangsoo ri akyu" mho' lho: nga" byumyu" yi da" yooboo joem ri yhen: yu bye:. Ngoo mho' zigi «Aseing Mangsoo we"- nang gi gyi: sheung: wigi nang ri ngoonu" ngi: shab byid: da:. Nang gi dang: theing adang moo jhug zug zi we' nang wigi jheddab da" bang: ri jheddab myid ci: shug byid: lho: nang amyeing" khyo' to" ziri koid da:.

YONA 2:4

Ngoo koem' gi re" shidkhoin" mo khaid thu pyam zi shoug" bye:. Re" da" gyeung" shang: Noku Yhoem: Moo" ri doem shau" myang loo: wa zi anghoid ein: myid pyam bye:.

MARKU 3:3

Hougsu" wi Yesu hau: yug ri hid: shid vhu" khyoo: re" yab we' ga: tid.

LUKA 14:26

Nga" thang: cang loo nghoid loug we' Nya: myhi' nya: phoo- nya: myi: nya: zoo:- nya: mang: nya: nhung" yi yo"- nyang: nya: gung ri te: je jheddab mo, gi nga" cangzoo: ayo" bui.

LUKA 22:41

Hau: thang: ri cangzoo: yi yo" lug go, daloem: du" fi, moo doem yhe: lo" lho: wigi poid thug thoug akyu mho' zigi

ACTS 10:9

Hau: thang: nyid" moo nyangnu" yhe: lo" wigi Yopa vooyam, moo ju yhe: lo" nyid boem bye. bid gung tu: ri" yo, moo Petru gi akyu" mho' wa shid mo yhoem: atho' pyam: khyoo: do, lo.

ACTS 2:15

He: byu yi gi nanu" co: ziyo' dakhyoo" ti-yhid: yed, mo, anghoid. akhid" nabsoin: goug na: yi: shi" da nghoid.

ACTS 20:24

Nghoid loug we' nga" kang: so' ri ngoo ce: vhoo" abyid- ngoo gi deung jo" da" moo" ri zei: pain wa ziyo' - Aseing Yesu wigi ngoori byid: to" da" moozoo" nghoid da- Mangso nheing khyeug khyoo: ludang: gi ri tid fu" kyo" da" moozoo" ri kyoeb, sho' zei: wa da" khyoo: riza: kang: lung bu nyid.

ACTS 20:36

Polu gi hougsu" ga: bain tid thang: ri nyangnu" yo' dage" poid' thug thoug lho: akyu" mho' da.

ACTS 21:5

Nghoid loug we' - nyangnu" yo' shau" theung: nyid da" ayo, bidnyid thang lang" ngoonu" gi houg: mo thu' lho: yhe: lo" boem bye. Ngoonu" dangain" mo, gi nyangnu" yhoem: seing: myhi' yi yo' zoo: shang: mi" dangain" we' voogoung tung: gung khyo" gyid yam, moo ju" sho' ngoonu" ri re" de" kaid' boem ago". Hau: khyi, moo ngoonu" dangain" mo, poid' thug thoug lho: akyu" coem mho' boem bye.

ACTS 3:1

Danyed" ri Petru yo' Yohan eig yug gi myenthang: soem" nayi: koo: moo akyu" mho' wa shid mo noku yhoem: moo" khyoo: yhe: lo" ago".

ACTS 4:29

Asing: we" akhid" nyangnu" youg nhain, nyid da" khyoo: ri re" mungdang: ri yo" kho" kyoo" nhang: we'.

ACTS 5:20

Nanu" yhe: ge' -noku yhoem: moo yhe: yab, jo, lho-he: kangso' dei khyoo: dangain" ri mung" byu yi ri tid kyoo" ge" ga: nyangnu" ri tid kaid da.

ACTS 5:29

Petru yo' lagyoo: yi gi ngoonu" gi byu yi da" jhoug" myeung" tho' moo Mangso jhoug" myeing" ri je" tam" gyoo: ca" ga: phoug tu" ago".

ACTS 7:60

Nyang: gi poid' thug thoung lho: Aseing: we" - nyangnu" da" yooboo ri axoem" too" byid: o" ga: nyho: kaid' - he: dang: bain tid lang" Stephain gi kang: gyo" loo" bye.

ACTS 9:40

Houg: lang" Petru gi Nyang: nu" dangain" mo, ri tung: gung kyoo: thu' loo" nhang: lho: poid thug thoug wigi akyu" mho' nyid. Hau: thang: ri mang jo, shoid khyoo: lheung: lho:" Tabitha we" too' we' - ga: tid. Houg: lang" Dorka gi myo, phang kaid' lho: Petru ri myang wigi nyang: gi to' zhoung: jo, bye.

Ephesu 3:14

He: da" khyoo: yoomo moug: khung: moug di mougmyid yooso" tho' moo nyid da" cang: joeb bang: ri myeing khyang" byid: su- phoo Mangso shid khoin" moo ngoo poid thug thoug nyid.

PHILIPI 1:14

Hau: tho' moo gootu: ngoo thung: lung" yoomo mang: nhung" yi myoo: loo boug gi Hau: Aseing: moo loem" jeung" nheug loem: je, to' lo wigi Mangso mungdang: ri agyug avoem loo: za: tid kyoo" wa da" khyoo: je" wigi voem lo ago".

PHILIPI 1:20

Ngoo gi khanham we' ngoo nya: yoovoin moo sho' athu sho' ayo, khang" moo" moo nghoid loug we' je" wigi akhid" uri nghoid loug we' agyug avoem da" yoem: vhoo" azeing yo' byeung" jo, zoore"- ngoo gi dei nyid loug shid: loo" loug we' nga" da" kangso' gyung: khyoo: bain sho' moo Khristu da" myonhoo: phung" yoeb, ri bang thu loo nhang: wa da" khyoo: gi nga" da" vho: ngei thang ziyo' nheig byu khyoo: nghoid.

PHILIPI 4:6

Ce" khyoo: moo we' myid' amyo: nyid goo" nanu" da" akyu" mho' dang: khoin" khang" moo" moo-khanham we' jeju" boin: so" nheigloem: yo' nanu" ca" vho: khyoo: dangain" Mangso jhang mho' nyid ge'.

KOLOSE 3:17

Houg: yoomo nanu" ce" moo" thu' nghoid loug we' mung main: khyoo: moo we' moozoo" jid: zo" khyoo: moo we' Aseing Yesu myeing ri lang: lho: dangain" ziri dakoid nyid wigi nya: khoug: khyo" phoo mangsoo ri jeju" daboin: so" nyid ge'.

HEBRE 13:15

Houg: su" nghoid yoomo ngoonu" gi nyang: ri ngoonu" da" Aseing: nghoid ein: yhen: yu da' nhoid joem yo' jeju" ri coung" byid: da" ngoonu" xoin" joem ri Aseing Yesu khyo" wigi Mangso jhang khyoo: khanham we' dangei" byid: nyid boem shang.

HEBRE 4:16

Hougsu" nghoid yoomo ngoonu" gi nheigloem: moo yoem: bo ziyo' Mangso jeju" zhung: tang shid' khoin" khyoo: yu: vang yhe: lo" boem shang. Houg: su" nghoid lang" gi ngoonu" ca" yo lo da" ayo, moo- ngoonu" moo pang" thoug da" je ju" joem ri shau" kham: yu boem wa zi nghoid nyid. .

Pang Shug 2:10

Nang shau" kham, zoo: wa da" sho" jhen: jamjau shid re" agyug nyid. yu satan gi nanu" mo dayham" bang: ri thung: moo lhoung to" lho: jham" ca: yu da" sho" jhen: shen" yhen zi shau" goo" wa nghoid loug we' nheigloem: geung: zug jo, we' houg: lang" ngoo nang ri oung: lo" da" kangso' bidmug byid: wa nghoid.

Pang Shug 2:13

Nang nyid da" joyoo ri ngoo se'- hau: joyoo gi satan da" zhung: tang jo, jang: nghoid. Nga" geing: zug da" sagsi: phoo- Antipa ri hau: satan nyid jang: moo said' pyam boem uri lang" nang gi ngoori loem" jeung" khyoo: ri ashe: pyam.