DANIELA 5:7 - Lacid Common Language Bible

⁷ Nyang: gi main tain sara: yi join: zei bang:- lo, kyoo' yu" bang: ri khe: fang kaid wa shid re" byu dayug ri nyho: tid da:. Nyangnu" vang lo boem lang" khokham phoo gi nyangnu" ri «He: mougsoug" joem ri se' nghab lho: ngoo ri hau: joem da" dang: kang: ri yo" tid kyo" da" yug hang" ri nghoid loug we' khokham da" khalham" poo" void byisheing: foid byid: wa. Ngi: shab da" sheing: yiri we' nya: leung zeung: moo foid byid: lho: he: mungdain: da" soem" zang ein: da" joyoo moo too" wa» ga: tid da:.

DANIELA 5:7 ပူးပေါင်းရင်းမြစ်များ

APOEM AYANG: 41:8

Nab soin: moo nyang: gi seing" khoo" yoomo Egutu mung" mo maindain: sara: yi yo' phajhi" boo mo, dangain" ri khe: yu lho: nya: yhoebmo, ri tid kyo". Nghoid loug we' hau: yhoebmo, ri hang" we' ayo" tid phuid: kyoo".

ESTHA 3:1

Dayo, zoo: myang" thang: ri Khokham Ahasuru gi Haman ga: da" byu dayug ri mung" zoug: jung: aya: moo khyen: to" da:. Haman gi Agag amyed ashen mo Hammedatha da" nya: yuggi zoo: nghoid da:.

THU' LO" MOUGSOUG" 7:11

Houg: lang" khokham gi nya: phajhi" boo mo, yo' fa" mo, ri khe: wigi nyangnu" we' nyangnu" da" fa" phajhi" yo' du go" ziri koid bye:.

DANG: ZHOEM 1:9

Nyangnu" da" jhoug" myeing" jhoug" thui: joem gi re" da" yu" yung" yu" du, nhang: da- vhu" thoeb, yo' leung zeung: moo: void ci: da" yi: thoem: ti"- re" da" asam" aved ri je" wigi young" du nhang: wa nghoid.

SHOLUMON JIKHOIN" 1:10

Re" xam: gi re" baloid moo young" nyid da:. Re" leung zeing ju" sho' sheing: gyoo" re" wigi lug nyoug yhang: ti" du nyid da:.

ESAIA 47:13

Nang phajhi" byid: dang: yo" yu sho' nghoid loug we' nang gi yoem: so' aboo nghoid da:. Nanu" lo, kyo' yu" bang:- kyi: ri yu" zhang: nyid bang: nghoid. Lhammoo" dakhyab thang: dakhyab ju" loo wa da" ayo, shid re" boid phyed bang: gi nanu" shid khyoo: re" wigi nanu" dang moo: bue" ri" wa da" akhyoo" mo nanu" ri khyoid yu nhang: we'.

YEREMIA 50:35

Aseing tid zigi «Babelon gi doem: byug wa. Nya: byu yi nya: da" zoug: yi nya: da" phajhi" boo bang: shid: wa.

EZEKIEL 16:11

Ngoo gi re" gung mo phoug" dab lug jonu" nghoid da" lo, theing" yo' yi: joem ri byid: foid bye:.

DANIELA 1:20

Khokham pho wigi khasu" dang: myid: myid: nghoid loug we' khasu" ayoug: akhi" ci: thu loo nghoid loug we' he: myid: yug gi damung" goin" mo boid phyed se' phyed mo yo' maindain lagle sara: gootu: tho' daxi: zhang je se' ago".

DANIELA 1:4

Nyangnu" gi gung doem we' younglho': vhu" nug gi bang:- nyeing" jhau" too" bang:- jhau" ri se' gyoo: lei bang: gung doem yo' sen: wigi ca" zi aboo bang: nghoid ca". Houg: lang" za: khokham vang" moo dei byid: moo" ri nyeing" jang jang yo" zei: wa zi nghoid. Ashapena gi nyangnu" ri Babelon mougsoug" se' nghab se' lhid" sho' jhau" byid: ca" da:.

DANIELA 2:2

Houg: yoomo nyang: gi nya: da" boid phyed bang:- main: tain: fa" bang: yu join: khu: bang: yo' join: zei: bang: khe: to" wigi nyang: ri hau: yhoebmo, ri phuid: kyoo" nhang: da:. Nyangnu" re" wigi khokham pho da" shidkhoin" mo yab jo, boem lang"

DANIELA 2:27

Daniela gi «Aseing khokham we"- hau: ziri join: zei: bang:- maindain si' bang:- boid phyed bang: yo' kyi: yu" bang: nang ri yo" tid kyoo" su: anyid›

DANIELA 2:48

Hau: thang: nyang: gi Daniela ri myhang: da" aya: joyoo ri byid: lho: phoug" dab da" jhungshug myoo" sho' byid: da:. Nyang: ri Babelon mung" du moo vhoeb nhang: lho: khokham phajhi" byid: mo, da" vhujhung: khyo" moo" foin: to" da:.

DANIELA 2:6

Nghoid loug we' nanu" gi hau: yhoebmo, yo' yhoebmo, da" dang: kang: eig ja: goin" ziri yo" tid kyo" nghoid rigi nanu" ri ngoo jhungshug byid: lho: gye" ngi: shab byid: wa. Houg: lho: akhid" yhoebmo, ci: nghoid ziri tid lho: hau: da" dang: kang: ri tid kyoo" ca"» ga: tid da:.

DANIELA 4:14

Nyang: gi thui: zeing yo' ‹Hau: seiggam ri thug lheing: kaid lho: seig kung: joem ri khyau" pyam seig fu' joem ri kyid pyam wigi shi" joem ri phyo' pyam we'. Hau: seiggam yoeb mo gougnyhoug joem ri we' khaid tang" pyam lho: seig kung: joem mo ngho' joem ri we' khaid sain" pyam we'.

DANIELA 5:11

Re" mungdain: khoug: moo gyeung" shang: da" yu phara" yi Venyi: bo da" byu dayug nyid da:. Re" phoo khokham bue" nyid uri he: yug gi myid lasi ge'- Lasi phajhi" bo lho: yu phara" joem da" phajhi" juyhi: yhang: ti" phajhi" juyhi: yo" ci: shug lid loo bye:. Houg: lho: re" phoo khokham Nebukhadneza gi nyang: ri boid phyed bang:- maindain si' bang:- join zei: bang: yo' lo, kyo' yu" bang: adang moo vhujhung: khyo" aya: byid: to" da:.

DANIELA 5:15

Phajhi" byid: bang: yo' main tain sara: yiri shu" re" wigi he: lhid" cab' nghab nhang: lho: dang: kang: ri tid nhang: bye:.Nghoid loug we' nyangnu" gi dang: kang: ri ayo" shoo: nghoid ago".

DANIELA 5:16

Akhid" nang gi nyhoem" to" da" dang: kang: joem yo' mau" pho" da" ja: ri yo" sho' kyo" ga: ziri shau" gyo: too" bye:. Nang gi he: mougsoug" ri yo" nghab lho: hau dang: kang: citid nau ziri yo" tid kyo" rigi nang ri khokham yi void da" khalham" boo" void byi: sheing: ri foid lho: ngi: shab byid: da" sheing:- yi: jang ri re" leung zeung: moo foid byid: nhang: wa. Houg lho: khokham mungdain: mo soem" zhang ein: da" joyoo aya: moo nyid nhang: wa» ga: tid da:.

DANIELA 5:29

Hougjang: Belshaza gi Daniela ri khokham void da" khalham" boo" void byisheing: foid byid: wa yo' nya: leingzeing: moo ngi: shab byid: da" sheing: yi: foid byid: wa shid re" nya: dei zoo: yiri amyeing" khyo' kaid da:. Houg: lho: hau: mungdain: mo soem" zhang ein: azhang aya: moo too' byid: to" da:.

GYUNG: SOO" 22:17

Nang ri aphoug" jhungshug je myoo: sho' byid: wigi nang tid zi ciri: we' ngoo koid byid: wa. Jeju" mo re" wigi he: byumyu" yiri nga" shid re" nheing" khoin" re" kaid byid: we'» ga: tid.

GYUNG: SOO" 22:7

Houg: yoomo Moba yo' Midian byumyu" yi da" vhujhung: yigi nheing" khoin" shid re" aphoug" ci: wigi Balam ri Balag da" pyeing: dang: yhe: byid: ago".

GYUNG: SOO" 24:11

Akhid" yhoem: khyoo: phang: loo" we' nang ri ngoo aphoug" jhungshug byid: wa ein: dangsoo" byid: bye:. Nghoid loug we' nang aphoug" jhungshug ashau" yu wa khyo" Aseing wigi nang ri toem' pyam abye:» ga: tid.

1 SAMUELA 17:25

Nyangnu" dayug yo' dayug- nyang: ri yu" yu" ge'. Nya: da" pyi: sho: dang: ri we' gyo: yu" ge'. Sholu gi nyang: ri yo" said su: ri jhungshug moo" zeing we' nya: myiyi: zoo: ri we' lo, xo' byid: lho: hau: yug da" nya: phoo ikoin deungkhu: gi khang" doug akaid noo" wa ga: dang: theing byid: too" bye:» ga: tid go" nyid boem.