DANIELA 5:6 - Lacid Common Language Bible

⁶ Nya: myonhoo: poo" poo" wim loo" khare" ziyo' sung gyoug yoomo nya: poid lug ko' ko' nain" nyid da:.

DANIELA 5:6 ပူးပေါင်းရင်းမြစ်များ

COUNG" NGHEI 22:14

Nga" da" yoem: vhoo"- myidjang moo: leung shoin: pyam da" gyid yhang: ti" kyoug kain" loo" khari" bye:. Nga" da" shooyoug: dangain" gi youg: xeig byed, jo, bye:. Nga" da" nheigloem: gi byoo shung" yhang: ti" yau, yu: lo" byug bye:.

COUNG" NGHEI 69:23

Nyangnu" da" myojid" joem gi ayo" myang loo" sho' myo, jed loo" goo" baja". Nyangnu" da" dang khung: gi khanham we' yoem: neung: jo, boem goo" baja".

ESAIA 35:3

Myung: dau nyid da" lo, joem yo' yoem: neing: wigi ko' ko' nain" da" poid lug ri yoem: boo nhang: wa.

ESAIA 5:27

Nyangnu" mo dayug we' amyung:- dayug we khyid: vhu" athung"- nyangnu" khanham we ayhoeb acoem"- phyid" cu" we' ashui:- khyid: zhung" tei" we abyed.

YEREMIA 50:43

Lu dang: joem ri Babelon khokham shau" gyo: wigi Nya: lo, byau" lhang" to" da:. Nyang: gi myid myo: oung: lug ziyo' we' Zookhu: noo no da" myiyi: dayug yhang: ti" no ziyo' we' oung: pyam shau" da:.

EZEKIEL 21:7

Nyangnu" nang ri ciwim hougsu" noo kyeing" kyeing" nyid la"› ga: myid: uri ju" lo nyid da" lu dang: yoomo nookyeing" kyeing" nyid ein: tid we'. Hau: lu dang: ju" loo lang" nyangnu" nheigloem: moo gyoug ziyo' byeung" lo boem wa. Nyangnu" lo, joem gi pyoung" lhang" jo, boem wa. Nyangnu" da" voem" myid thang byug wa. Nyangnu" da" poid lug joem gi ko' ko' nain" nyid boem wa ayo, ju" abye:. Hau: zigi hid: moo nyang: nghoid abye:. Yoem: moo" bo Aseing tid bye:.

EZEKIEL 7:17

Yugkhang" moo" da" lo, joem gi yoem: neing: goo" wa. Nyangnu" da" poid lug joem gi nain" loo goo" wa.

DANIELA 2:1

Nebukhadneza khokham bue" zi eig zain ein: zain moo nyang: gi yhoebmo, daloem: mo, da:. Hau: yhoebmo, gi nyang: ri ayo" yhoeb loo sho' seing" khoo" myid myoo: nhang: da:.

DANIELA 3:19

Hau: thang: Nebukhadneza gi nheig yo: lho: Shadrag- Meshag yo' Abednego ri nheig yoo: yoomo nya: myonhoo: byang: byang: ne re" da:. Houg: lho: nyang: gi myikhyoem moo" ri nyhed zhang myoo: sho' myi: zoin: wa shid re" nya: byu yiri amyeing" byid: da:.

DANIELA 4:19

Hougsu" lang" Belteshaza ga: we' myeing da" Daniela gi gyo: dain mau" pyam lho: ci: asi' tid loo nghoid da:. Khokham phoo gi nyang: ri «Belteshaza- hau: yhoebmo, yo' hau: da" dang: kang: gi nang ri agyug mau" nhang: baja"» ga: tid. Belteshaza gi «Aseing: khokham we"- hau: yhoebmo, yo' hau: da" dang: kang: gi nang ri anghoid loo:- re" gyivoo yiri nghoid wa ziri ngoo myid vho:-

DANIELA 4:5

Nghoid loug we' ngoo yhoeb jo uri gyoug dain thung" da" yhoebmo, daja: mo, wigi yu" gyoug yu" lhung: sho' da" yhoeb myang joem ri shau" myang.

DANIELA 5:5

Nyeigdain' tung" byu lo, dalo, thu myang lo wigi myikug joem mo myi: je bang da" joyoo khokham kho" pyiyam' moo mougsoug" lhid" shid" re" da:. Khokham phoo gi hougsu" mougsoug" lhid" nyid ziri myang da:.

DANIELA 7:28

Bue" lo khyoo: gi: hid moo: bain bye:. Ngoo gi sung gyoug dain pyam yoomo suid" lang" aboo loo:- Houg: lho: ja: khang" moo" ri nga" oungkhoug: moo xoem" ci: bye:.

NAHUM 2:10

Nineve voomoo" gi phyo' sain" pyam zi shoug" bye:. Phang: cau" to" zi shoug" bye:. Jham" dung" khi" bue" byug bye:. Gyug wigi nheigloem: thang bye:. Myonhoo: we' shoem" shid: yid bue" byug bye:. Poid lug ko' ko' nain" bye:. Yoem: goin so' we' goin byug bye:.

HEBRE 12:12

Hougsu" nghoid yoomo nanu" da" byau" lhang" to" lo, joem ri tu: to' kaid lho: nanu" da" yoem: aboo loo: nain" nyid da" poid' lug joem ri yoem: foin: thoug shang" to' loo" loo: ge'.