DANIELA 5:29 - Lacid Common Language Bible

²⁹ Hougjang: Belshaza gi Daniela ri khokham void da" khalham" boo" void byisheing: foid byid: wa yo' nya: leingzeing: moo ngi: shab byid: da" sheing: yi: foid byid: wa shid re" nya: dei zoo: yiri amyeing" khyo' kaid da:. Houg: lho: hau: mungdain: mo soem" zhang ein: azhang aya: moo too' byid: to" da:.

DANIELA 5:29 ပူးပေါင်းရင်းမြစ်များ

APOEM AYANG: 41:42

Khokham phoo gi nya: lo, mo mung" vhoeb dazid lo, pain" ri khyoid yu lho: Yoseb da" lo, moo pain" byid:. Zin: yung" pain" byisheing: ri foid byid: lho: nya: leung zeung: moo sheing: yi doem ri foid byid: bye:.

ESTHA 10:3

Yuda byu Modekhai gi khokham Ahasuru mo lid wigi vhoo: moo: dazhang za: nyhoem: da" joyoo moo nyid da:. Nyang: gi nya: Yuda byumyu" yi ge ngi: shab byid: lho: coem' jheddab boem ago". Nyang: gi nya: byumyu" yi shid re" ge da" moo" zei: lho: nyangnu" da" amyed ashen yi dangain" shid re" goem loem khyoo: koid byid: da:.

DANG: ZHOEM 1:9

Nyangnu" da" jhoug" myeing" jhoug" thui: joem gi re" da" yu" yung" yu" du, nhang: da- vhu" thoeb, yo' leung zeung: moo: void ci: da" yi: thoem: ti"- re" da" asam" aved ri je" wigi young" du nhang: wa nghoid.

DANIELA 2:48

Hau: thang: nyang: gi Daniela ri myhang: da" aya: joyoo ri byid: lho: phoug" dab da" jhungshug myoo" sho' byid: da:. Nyang: ri Babelon mung" du moo vhoeb nhang: lho: khokham phajhi" byid: mo, da" vhujhung: khyo" moo" foin: to" da:.

DANIELA 5:16

Akhid" nang gi nyhoem" to" da" dang: kang: joem yo' mau" pho" da" ja: ri yo" sho' kyo" ga: ziri shau" gyo: too" bye:. Nang gi he: mougsoug" ri yo" nghab lho: hau dang: kang: citid nau ziri yo" tid kyo" rigi nang ri khokham yi void da" khalham" boo" void byi: sheing: ri foid lho: ngi: shab byid: da" sheing:- yi: jang ri re" leung zeung: moo foid byid: nhang: wa. Houg lho: khokham mungdain: mo soem" zhang ein: da" joyoo aya: moo nyid nhang: wa» ga: tid da:.

DANIELA 5:7

Nyang: gi main tain sara: yi join: zei bang:- lo, kyoo' yu" bang: ri khe: fang kaid wa shid re" byu dayug ri nyho: tid da:. Nyangnu" vang lo boem lang" khokham phoo gi nyangnu" ri «He: mougsoug" joem ri se' nghab lho: ngoo ri hau: joem da" dang: kang: ri yo" tid kyo" da" yug hang" ri nghoid loug we' khokham da" khalham" poo" void byisheing: foid byid: wa. Ngi: shab da" sheing: yiri we' nya: leung zeung: moo foid byid: lho: he: mungdain: da" soem" zang ein: da" joyoo moo too" wa» ga: tid da:.

DANIELA 6:2

Hau: tho' agoo" nyang: gi Daniela yo' gootu: eig yug ri mung" zoug: yiri moo" pyoo: byid: wa yo' nyang: vho: da" moo" ri dei byid: wa shid re" aya: byid: to" da:.