DANIELA 5:23 - Lacid Common Language Bible

²³ Nang gi mougkhung: mo Aseing ri thougtheung da" khyo" koid lho: nya: Noku Yhoem: Moo" mo khu yo' goem joem ri yu vang lo da:. Nang yo' re" nheigboo ludaid yi re" yhoem: seing: myhi' yi re" dangcang: myhi' yigi hau: joem mo zabyid yhid: kaid shug wigi sheing:- ngei- gyid: mid"- joto'- seig- lugzeing yo' koid to" da" yu phara" joem myo, we' amyang noo: we' agyo: da" yu phara" joem ri coung" ago". Nghoid loug we' nang dei wa anghoid lang" shid: wa myid phyed ziyo' nang koid da" moo" dangain" ri khang" da" su: nghoid da" Mangsoo ri nang ngi: ashab nghoid da:.

DANIELA 5:23 ပူးပေါင်းရင်းမြစ်များ

APOEM AYANG: 14:19

Main kaid byid: lho: «Moug: khoug: yo' myidjang ri phain" so: too" su: myhang: thang Mangsoo gi Abram ri mainkaid byid: baja".

APOEM AYANG: 2:7

Hau: thang: Aseing Mangsoo gi myidjang mo myidzhoo" dajhi' ri yu lho: hau: ziyo' byu dayug alhoo: koid- nyang: gi hau: yug da" nhoo: khyung: moo kangso' ri moid kaid byid: wigi hau: byu gi kang: dei loo bye:.

2 KHOKHAM 14:10

Akhid" Amazia we"-nang gi Edom byu yiri khaid oung: pyam abye:. Houg: lho: nang gi gye" nghoid boin: da:. Re" myeing gyi: khyoo: ri nheugshid: wigi yhoem: moo nyid nyid we'. Nang yo' re" mung" byu yiri za: bue" ri" nhang: wa da" yau: khe" kyi" khyeug ziri nang ciwim yoomo lhu: pau: nyid la"» ga: doem pug tid kaid da:.

YOBA 12:10

Mangsoo gi nyang: phain" so: to" da" dei noem joem ri khyoo: shid su: nghoid. Byu yugkhang" mo" da" kangso' gi nya: yoem: so' khoug: moo bo jo, da:.

YOBA 31:4

Mangsoo gi ngoo koid khyoo: ja: khang" moo" ri se' da:. Nyang: gi nga" khyid: byi khang" moo" ri si' byid: da:.

COUNG" NGHEI 104:29

Re" da" myonhoo: lheung: loo" lang" gi houg: bang: gyoug nyid houg: bang: da" kangso ri nang yoeb, yu pyam lang" gi nyangnu" gi shid: lo" lho: nyangnu" thu' lo da" hau: myidzhoo" phei" khyoo: doem tau" lo" byoug ago".

COUNG" NGHEI 115:16

Mougkhung: mougdi ri Aseing za: te: seung: ci: nghoid loug we' mougmyid yoosoo" ri koem gi xangsu: byu yiri ab byid: bye:.

COUNG" NGHEI 139:3

Ngoo, moo" zei: nyid ziyo' doug no: nyid ziri nang myang nyid. Ngoo cenoem koid nyid ziri nang dangain" si' bye:.

COUNG" NGHEI 146:4

Nyangnu" shid: loo" lang" gi myidzhoo" khyoo: doem tau" vang loo" goo" wa zi za: nghoid. Hau" bidnyid moo: nyangnu" myid too" khyoo: joem dangain" we' thang lo" byug wa zi nghoid.

DANG: ZHOEM 20:24

Aseing gi: ngoonu" da" khyoo: zeing ri myid phyed too" bye:. Hougsu" nghoid ri nyang: nya: da" kangso' khyoo: gi kha: shoid khyoo: yeung yhe: lo" ziri hang" se' gyoo: wa lha".

ESAIA 13:11

Aseing gi «Mougmyid ri kyi" khyeug zi bue" ri" nhang: wigi akhyeing" da" byu dangain" ri nyangnu" da" yooboo shid re" yooboo dam byid: wa. Nghoid boin: bang: yugkhang" moo" ri ngoo doin: nyhoem: khyo' pyam lho: phoug: mo, yo' anoug akhyoid koid bang: yugkhang" moo" ri yooboo dam byid: wa.

ESAIA 14:13

Nang gi mougkhung: khyoo: do, loo" wa myid phyed lho: re" zhungtang ri myhang: thang da" kyi: joem atho moo too" wa myid phyed lo da:. Yu phara" joem phung: foem: nyid da" mougzhung: shoid mo boem dang mo khokham dayug yhang: ti" nang yo" zhung: wa ga: nang myid jho: da:.

ESAIA 2:12

Hau: bidnyid moo myhang: thang da" Aseing gi yoem: so' boo mo, nghoid boin: lho: phau: mo, yugkhang" moo" ri nyhoem: khyo' pyam wa.

ESAIA 33:10

Aseing gi byumyu" yiri «Akhid" ngoo moo" zei: loo wa. Ngoo khayhi' yoem: boo su: nghoid ziri ci: shug byid: wa.

ESAIA 37:19

Houg: lho: nyangnu" yu phara" ri we' nghe' pyam byid bye:. Hau zigi yu phara" dangain" anghoid- byu lo, yo' koid to" da lug boem yo' seig soolhoo: joem za: danghoid.

ESAIA 37:23

Nang wigi aphoug" akhyoid juang" pyam yug hang" nghoid ein: nang jho: la". Nang gi Israela da" gyeung" shang: Mangsoo nghoid da" ngoo ri aphoug" akhyoid koid zi nghoid abye:.

ESAIA 42:5

Mangsoo gi mougkhung: ri phain" so: wigi hau: ziri pei: pyo: to" da:. nyang: gi mougmyid yo' houg: moo: nyid gu: dangain" ri sid shoung: to" da:. Nyang: gi kangso byid: wigi hau byu yi dangain" ri so' shi: nhang: da:. Houg: lho: akhid" Aseing Mangsoo gi nya: dei zoo: ri

YEREMIA 10:23

Aseing we"- hang" we' nyang: nya: vhu" pi: lo, kyo' ri ayo" seing: zi ngoo si' bye:. hang" we' nyang: nya: kangso' ri ayo" vhoeb ziri ngoo si' bye:.

YEREMIA 48:26

Aseing tid zigi «Moba ri yhid: yed nhang: ge'. Ciwim gari nyang: gi ngoo ri gyi koid thougtheung abye:. Moba gi nyang: dug boem to" da" jang" moo lu: leung yeing" wa. Houg: lho: byumyu" yigi yi juang" lo boem wa.

YEREMIA 50:28

(Phang: khau: nyid bang: gi Babelon mo phang: lo lho: Yerusalem khyoo: ju" lo ago". Ngoonu" Aseing Mangsoo gi Babelon byu yi wigi nya: Noku Yhoem: Moo" ri phyo' shoin' pyam bye: gang mo khasu" latoo: phug byid: da" khyoo: ri nyangnu" tid ago".)

YEREMIA 50:29

«Babelon ri khaid zain: wa shid re" lid: beig bang: ri tid ge'. Lid: yo' myoo: ri khasu" ci: wa se' da" bang: yugkhang" moo" ri nhang: kaid ge'. Voomoo" ri vang: to" lho: dayug ri we' aphang: loid nhang: goo". Nyang: koid zi shid re" aphoug" tau" byid: ge'. Subi" ri nyang: koid yhang: ti" nyang: ri we' koid ge'. Ciwim gari nyang: gi Israela da" gyeung" shang: su: ngoo ri gyi khaid wigi nghoid boin: da" lo, moo" koid da:.

EZEKIEL 28:17

Nang gi yung" yoomo nghoid boin: bye:. Re" myeing fu" zigi nang ri koodoug: dayug yhang: ti" bui" nhang: bye:. He: gang mo ngoo gi nang ri myidgung khyoo: she: pyam wigi gootu: khokham yi shid re" tid poin" asoo" khyo" nang ri to" too" wa.

EZEKIEL 28:2

Nyang: tid zigi «Shid: se' da" byu we"- Ngoo yoem: moo" bo Aseing wigi Turu mo vhoebkhang" su: ri tid nyid ziri nyang: ri tid kyoo" we'. Nang gi yu phara" nghoid ga: tid fu" wigi nghoid boin: khyoo: gi myung: dau byug bye:. Nang gi panglai: joem lheing khoem to" da" khokham zhungtang moo yu phara" daloem: ti" zhung: jo, ga: tid da:. Nang gi yu phara" daloem: yhang: ti" nghoid goin koid loug we' anghoid wa. Nang gi shid: se' da" byu danghoid. Agyeungshang: nghoid da:.

EZEKIEL 28:5

Nang gi phajhi" bo da" phaga: moo" koid lho: atu" amyaid xo' sho: nyid da:. Nang gi re" jonu" ziyoo atho' moo khayhi' nghoid boin: nyid la".

EZEKIEL 31:10

Akhid" ngoo yoem: moo" bo Aseing gi hau: jhoemmoug" khyoo: ju" myi: sho' myhang: da" seig moo" gam moo cibue" loo wa ziri nang ri tid kyoo" wa. Hau: zigi je yug myhang: re" ri je nghoid boin: lo da:.

DANIELA 11:12

Nyang: gi nya: da" oung: doid yoomo we' gyizoo: myoo: sho' ri nyang: yo" said pyam yoomo we' nghoid boin: loo wa. Nghoid loug we' nyang: gi xo' lho: yo" oung: doid wa zi anghoid.

DANIELA 4:37

Houg: lho: akhid" ngoo Nebukhadneza gi mougkhung: mo khokham ri coung"- phung" yoeb yo' ngi: shab byid: o". Nyang: koid zi ja: khang" moo" gi jo lho: tarha" deingmain" da:. Houg: lho: nghoid boin: bang: hang" ri we' nyang: yo" doin: khyo' pyam da» ga: tid.

DANIELA 8:11

Hau: zigi mougkhung: mo gyidab da" khokham nu" rilang" aphoug" akhyoid koid lho: nyang: ri ngei" byid: da" nyid" khang" nyid" mo xoin" ngei" ziri theing: pyam wigi Noku Yhoem: Moo" ri phyo' pyam da:.

HABAKU 2:4

Hau: mungdang: gi he: zi nghoid ‹Akhyeing" ashoeb mo, gi nyid deing loo wa zi anghoid. Nghoid loug we' deing byeung" mo, gi Mangsoo moo loem khau: nheigloem: zung" nyid boem yoomo kangso' dei nyid boem wa zi nghoid›».

ACTS 17:25

Hau: Aseing: nyang: byu yug khang" moo" ri kangso' yo' so' shi: nhang: ziyo' - ca" nyid da" zi dangain" ri byid: too" su: nyang: nghoid yoomo ngoonu" gi nyang: ri daja: ja: koid byid: aca".

1Korinthians 8:4

Houg: yoomo phara" soolhoo: ri xoin" to' pyam bye: da" shoo" yo' sen: lho: tid shang ein: rigi: phara" soolhoo: ga: zigi- gyeing" nyang: kangso dei lho: so" yen" khyoo: ajo, ziyo'- dayug kyeung" da" Mangsoo mo lai wigi- gootu: Mangsoo anyid lo: ziri ngoonu" se' nyid boem bye.

1 TIMOTHI 3:6

Nyang: gi Khristain aseig bue" loo su: we' age nghoid- hougsu" wigi phau khuang khyoo: moo nheigloem: myhang: lo wigi yu satan ri yhang: ti"- shen" yhen dang: phyed' zi ashug" baja"- hau: loem" jeung" khyoo: moo myheung yang" lo wigi nheig boo ung: gyeing: su: nghoid ca" nyid.

HEBRE 4:13

Mangsoo amyang asi sho' yo" yhoem" nghoeb, to" zi ci" we' ajo- jo, moo jo, dangain" gi nya: shid' khoin" moo diri cen: nghoid nyid wigi nyhang" zei: nyid da" moozoo" dangain" we' nyang: ri zhayen" ci: shug boem ca" wa nghoid.

Pang Shug 9:20

He: da" shid gyoin, mo deung nyid mo, gi nyangnu" koid da" lo, moozoo" mo nheigloem: athed, lo boem shi" nghoid ago". Nyangnu" gi yu joem ri we' myo, we' amyang nu: we' agyoo: ayo" so" yen" da" sheing: gyid: lugboem seig thung" yo' koid to" da" phara" soolhoo joem ri anoo: loo: dano" nyid boem ashi" go.

TARHA" AGYI 16:23

Philisti khokham yigi dage" pui: koid lho: nyangnu" yu phara" Dagon ri xoin" ngei" byid: ago". Nyangnu" gi «Ngoonu" yu phara" gi ngoonu" gyivoo Samson ri oung: doid nhang: abye:» ga: jikhoin" khoin" ago".

1 SAMUELA 17:26

David gi nya: nam moo nyid da" byu yiri «Hau: Philisti byu ri said pyam wigi aphoug" akhyoid koid nyid da" jang" mo Israela byumyu" yiri khyoid yu lang" ce: noem yoo" wa ga: o". Dei nyid da" Mangsoo gyizoo: yiri thougtheung wa he: shooyid thang: ayham" da" Philisti byu gi khasu" te" yug nghoid lha"» ga: myid: bye:.

1 SAMUELA 17:36

Ngoo khangkhyi joem yo' voem joem ri said pyam yu bye: wigi Dei nyid da" Mangso gyizoo: yiri thougtheung nyid da" he: shooyid thang: ayham" da" Philisti byu ri we' houg: yhang: ti" ngoo koid wa zi nghoid.