DANIELA 5:12 - Lacid Common Language Bible

¹² Nyang: moo gooki' lid da" yoem: so' yo' phajhi" bo lho: yhoebmo, phuid: khyoo:- dang: myid: phuid: khyoo:- mau" pho" ja: ri sho' khyo" khyoo: yhang: te" da" phajhi" se' da:. Hougsu" yoomo khokham pho wigi Belteshaza ga: myheing to" da" su: Daniela ri khe: kaid we' He: dang: kang: dangain" ziri nyang: nang ri tid kyoo" baja".

DANIELA 5:12 ပူးပေါင်းရင်းမြစ်များ

COUNG" NGHEI 16:3

Aseing da" nheigloem: zung" byu yigi khayhi' ge thang lha". Ngoo vho: ngei thang da" zigi houg: bang: yo' dage" bo shoug" nyid wa shid re" nghoid.

DANG: ZHOEM 12:26

Deing: byeung" da" byu yigi nya: byencang" phoo ri khyoo: shed nyid. Nghoid loug we' akhyeing" ashoeb bang: da" khyoo: koem gi nyangnu" da" bidnoem yiri khyoo: shu" vhang: lo.

DANG: ZHOEM 17:27

Nyang: nya: gung ri myid loem nyid mo, gi ayo, byeung" sho' dang: atid loo: sam" zoo: nyid nyid sam" za: nyid mo, gi nheigloem: phajhi" amain" boo mo, nghoid.

EZEKIEL 28:3

Nang gi Danela tho' phajhi" je bo wigi ce: daja: we' nang moo ayo" nghoeb shoung: too" ga: myid da:.

DANIELA 1:17

Mangsoo gi hau: zooyam myid: yug ri lasi phajhi"- mougsoug" yo' myid phajhi" se' jhang: ziri byid: da:. Hau: tho' agoo" Daniela ri yoeb myang myang ziyo' yhoeb mo joem ri se' phid: kyoo" wa da" lasi phajhi" ri byid: da:.

DANIELA 1:7

Gyizoug: moo" gi nyangnu" ri Bethesha- Shadrag- Meshag yo' Abednego ga: myheing seig myheing byid: da:.

DANIELA 2:26

Khokham phoo gi Daniela (Belteshaza ga: we' myheing da" yug) ri nga" yhoebmo, ci: mo, ziyo' hau: zi ce: dang: kang: bo: ziri nang ngoo ri yo" tid kyoo" wa la"» ga: myid: da:.

DANIELA 4:19

Hougsu" lang" Belteshaza ga: we' myeing da" Daniela gi gyo: dain mau" pyam lho: ci: asi' tid loo nghoid da:. Khokham phoo gi nyang: ri «Belteshaza- hau: yhoebmo, yo' hau: da" dang: kang: gi nang ri agyug mau" nhang: baja"» ga: tid. Belteshaza gi «Aseing: khokham we"- hau: yhoebmo, yo' hau: da" dang: kang: gi nang ri anghoid loo:- re" gyivoo yiri nghoid wa ziri ngoo myid vho:-

DANIELA 4:8

Hau: thang: Daniela vang lo da:. (Nyang: myeing gi nga" da" yu phara" myeing khyo" cang wigi Belteshaza ga: we' myheing da). Gyeung" shang: da" yu phara" joem da" Venyi: gi nyang: moo bo wigi ngoo yhoebmo, myang khyoo: ri: nyang: ri tid kyoo" bye:.

DANIELA 5:14

Nang moo yu phara" joem da" Venyi: bo lho: se' jhang: khyoo:- Lasi phajhi" yo' phajhi" juyhi: se' ga: ziri ngoo shau" gyoo: bye:.

DANIELA 5:16

Akhid" nang gi nyhoem" to" da" dang: kang: joem yo' mau" pho" da" ja: ri yo" sho' kyo" ga: ziri shau" gyo: too" bye:. Nang gi he: mougsoug" ri yo" nghab lho: hau dang: kang: citid nau ziri yo" tid kyo" rigi nang ri khokham yi void da" khalham" boo" void byi: sheing: ri foid lho: ngi: shab byid: da" sheing:- yi: jang ri re" leung zeung: moo foid byid: nhang: wa. Houg lho: khokham mungdain: mo soem" zhang ein: da" joyoo aya: moo nyid nhang: wa» ga: tid da:.

DANIELA 6:3

Kha: myhang akyoo: ri Daniela gi gootu: moo" pyoo: bang: yo' mung" zoug: yi tho' mo moo" je yo" zei: ziri shau" myang da:. Nyang: gi gye" bui" yoomo khokham pho wigi damung" goin" ziri vhoeb wa moo" foin: wa myid soin' to" da:.

DANIELA 6:4

Houg: lang" hau: gootu: moo" pyoo: bang: yo' mung" zoug: yigi Daniela mung" vhoeb moo" zei: jang" mo yooboo shoid zi daja: ja: shoug" sho' zheing: sho: nyid boem ago". Nghoid loug we' Daniela gi loem ge" ziyo' shoid zi anghoid lang" adeing amain" zi daja: we' akoid yoomo yooboo amyang boem nghoid ago".

KOLOSE 1:29

Hougsu" hau: khyoo: yo" bui" sho' ngoo gi Khristu wigi byid: da" mau" pho" yoem: moo" yo' jam, jau kham lho: yoem: kaid' zei: nyid hau: yoem: so' gi ngoo moo moo" zei: nyid.