DANIELA 4:9 - Lacid Common Language Bible

⁹ Boid se' phyed mo da" vhujhung: Belteshaza we"- gyeung" shang: da" yu phara" joem da" Venyi: gi re" akhoug: moo bo ziri ngoo shau" myang wigi nang gi no thang mau" pho" khyoo: dangain" ri yo" se' da:. He: ziri nga" yhoebmo, nghoid. Hau: zi ce: dang: kang: bo ziri ngoo ri tid kyoo" la.

DANIELA 4:9 ပူးပေါင်းရင်းမြစ်များ

APOEM AYANG: 41:38

nyang: gi nyangnu" ri «Nyhang" gi Mangso Venyi: yo" yu to" da" su:- Yoseb tho' re" je ge da" byu gootu: dayug ri khanham we' shoug" shoo: loo: wa zi anghoid» ga: wigi tid.

ESAIA 33:18

Nanu" shid phyang" gyoug lo boem da" tungbau kheing" koid: bang: yo' jooyu" bang: dangain" gi laxoem" za: date: nghoid loo wa.

ESAIA 54:14

Tarha" deingmain" ziyo' jo zigi nang ri yoem: boo nhang: loo wa. Nang gi zeig zo: ziyo' gyoug ci' jang" mo goem loem zi shoug" yu wa.

EZEKIEL 17:23

Hau: zigi Israela mo myhang: thang da" boem nghoid wa. Hau: zigi akung: ako'' joem thu re" wigi ashi" zei: loo wa. Houg: lho: atho' tid mung" da" shamu gam bue” loo wa. Byumyu" cang: joeb da" ngho' joem gi houg: moo nyid wigi hau: seig yoeb moo khau: nghi: joyoo myang boem wa.

EZEKIEL 28:3

Nang gi Danela tho' phajhi" je bo wigi ce: daja: we' nang moo ayo" nghoeb shoung: too" ga: myid da:.

DANIELA 1:20

Khokham pho wigi khasu" dang: myid: myid: nghoid loug we' khasu" ayoug: akhi" ci: thu loo nghoid loug we' he: myid: yug gi damung" goin" mo boid phyed se' phyed mo yo' maindain lagle sara: gootu: tho' daxi: zhang je se' ago".

DANIELA 2:47

Khokham phoo gi «Re" da" Mangsoo gi yu phara" dangain" tho' je gyi: sheung: yug nghoid da:. Khokham yi dang mo aseing nghoid da:. Houg: lho: mau" pho" khyoo: joem ri phuid: kyoo" byid: su: nghoid da:. He: yau: da" mau" pho" khyoo: joem ri nang yo" phuid: kyo" da" gang mo he: ziri ngoo se'» ga: tid da:.

DANIELA 2:48

Hau: thang: nyang: gi Daniela ri myhang: da" aya: joyoo ri byid: lho: phoug" dab da" jhungshug myoo" sho' byid: da:. Nyang: ri Babelon mung" du moo vhoeb nhang: lho: khokham phajhi" byid: mo, da" vhujhung: khyo" moo" foin: to" da:.

DANIELA 4:18

Khokham Nebukhadneza gi «He: zigi ngoo myang da" nga" yhoebmo, nghoid da:. Belteshaza we"- yhoebmo, hau: zi ce: dang: kang: bo zi ngoo ri akhid" tid kyoo" la- nga" khokham vang" mo phajhi" byid: mo, hang" we' ngoo ri ayo" tid kyoo" nghoid ago". Nghoid loug we' nang koem' gi yo" tid kyo" da:. Ciwim gari gyeung" shang: da" yu phara" joem Venyi: gi re" da" akhoug: moo bo da» ga: tid.

DANIELA 4:5

Nghoid loug we' ngoo yhoeb jo uri gyoug dain thung" da" yhoebmo, daja: mo, wigi yu" gyoug yu" lhung: sho' da" yhoeb myang joem ri shau" myang.

DANIELA 4:8

Hau: thang: Daniela vang lo da:. (Nyang: myeing gi nga" da" yu phara" myeing khyo" cang wigi Belteshaza ga: we' myheing da). Gyeung" shang: da" yu phara" joem da" Venyi: gi nyang: moo bo wigi ngoo yhoebmo, myang khyoo: ri: nyang: ri tid kyoo" bye:.

DANIELA 5:11

Re" mungdain: khoug: moo gyeung" shang: da" yu phara" yi Venyi: bo da" byu dayug nyid da:. Re" phoo khokham bue" nyid uri he: yug gi myid lasi ge'- Lasi phajhi" bo lho: yu phara" joem da" phajhi" juyhi: yhang: ti" phajhi" juyhi: yo" ci: shug lid loo bye:. Houg: lho: re" phoo khokham Nebukhadneza gi nyang: ri boid phyed bang:- maindain si' bang:- join zei: bang: yo' lo, kyo' yu" bang: adang moo vhujhung: khyo" aya: byid: to" da:.

1 SAMUELA 4:8

Hid: yhang: te" da" yoem: so' gyi: da" yu phara" yi lo, mo ngoonu" ri hang" yo" khoid yu wa lha". Hau: yu phara" gi Egutu byumyu" yiri midcoo: doem: moo said toem" pyam bye: zi nghoid.