DANIELA 4:32 - Lacid Common Language Bible

³² Nang ri xangsu: byu phung: mo kaid thu pyam zi shoug" wa bye:. Siyoo gougnyhoug joem yo' nyid ca" wa. Houg: lho: nyhed zain myang" sho' nuloo: dadu: yhang: ti" vufu" zoo: ca" wa. Houg: lang" gyi sheing: myhang: thang da" Mangsoo gi xangsu: byu yi da" mungdain: joem ri vhoeb wa yoem: so' yo" lho: nyang: khyen: to" da" byu hang" ri nghoid loug we' hau: zi yo" byid: ziri nang yhen: yu loo wa» ga: tid.

DANIELA 4:32 ပူးပေါင်းရင်းမြစ်များ

2 KHOKHAM MHOOMYID: 33:13

Mangsoo gi Manashe da" akyu" mho' dang: ri tam" gyoo: byid: lho: nyang: ri Yerusalem khyoo: tau" loo" nhang: ziyo' doem vhoeb nhang: da" khyo" nyang: dang: phyed byid: da:. He: zigi Aseing gi Mangsoo nghoid ziri si' nhang: loem" nhang: da:.

YOBA 42:2

Aseing we"- nang gi yoem: so' gyi: lho: nang koid nau da" moo" dangain" ri yo" koid su: nghoid ziri ngoo si' bye:.

YOBA 9:12

Nyang: vho: ziri nyang: yu pyam da:. Nyang: ri hang" ayo" toem'. Nyang: ri hang" wigi we' «Nang cikoid nyid» ga: ayo" myid.

COUNG" NGHEI 115:3

Ngoonu" da" Mangsoo gi mougkhung: tho' moo: nyid wigi ce" noem ri nghoid loug we' nyang: vho: khyo" dakoid nyid.

COUNG" NGHEI 135:6

Mougkhung: mougdi yo' mougmyid yoosoo" tho' moo: we' panglai: joem yo' no, thang joyoo khyi khang" moo" moo: we' nyang: myid vho: khyo" za: dakoid nyid.

THU' LO" MOUGSOUG" 8:10

Khokham gi «Nga" shid re" nab kyoo' mho' byid: we'» ga: tid. Moshe gi «Ngoonu" Aseing Mangsoo yhang: te" mangsoo gootu: anyid zi nang si' baja" nang tid ziyo' dakhyoo" ti" ngoo mho' wa nghoid.

THU' LO" MOUGSOUG" 9:14

Mougmyid tho' moo ngoo yo' du zi hang" we' anyid ein: ziri nang si' wa shid re" akhid" lheing: gi re" gyizoug: yi yo' re" byu yi riza: yooboo dam byid: wa zi anghoid- nang nyang: riwe' ngoo yooboo dam byid: wa.

THU' LO" MOUGSOUG" 9:29

Moshe gi nyang: ri «Ngoo gi voomoo" mo thu yhi: yo' nga" lo, ri tu: lho: Aseing jhang akyu" yhe: mho' wa. Houg: lang" mouggoem: goem: zi we' theung: wigi leigvoo we' gyoo" loo: wa zi anghoid. Houg: lang" Aseing gi he: mougmyid ri seing: nyid su: nghoid zi nanu" si' wa.

ESAIA 37:20

Ngoonu" Aseing Mangsoo we"- akhid" ngoonu" ri Asuri byu yi lo, mo khyoid yu la o"- houg: lang" Aseing we" nang za: Mangsoo nghoid khyoo: ri mougmyid dang mo byumyu" mungdain: dangain" se' ri" goo" wa» ga: akyu" mho' da:.

ESAIA 40:15

Aseing shid re" byumyu" yigi ci: anghoid. gyid dazo, tho' gootu: aje jain". gye" gyi: da" gugyoo: kang joem gi pheilhoug: yhang: ti" soem" da:.

ESAIA 40:17

Byumyu" joem gi nya: shid re" ci: anghoid nghoid da:.

ESAIA 45:3

Ceug no, da" nyhoem" shoung: joyoo mo jonu" joem ngoo nang ri byid: wa. Houg: lang" ngoo gi Aseing nghoid wigi Israela da" Mangsoo gi myeing lang: wigi nang ri khe: to' ziri nang se' loo wa.

YEREMIA 27:5

Hau: zigi «Nga" gyi: sheung: da" yoem: so' yo' yoem: moo" wigi moug: gyab- xangsu: byu- mougmyid moo nyid da" gougnyhoug dangain" ri ngoo phain" so: to". Houg: lho: hau: ziri ngoo khyen: yu su: hang" ri nghoid loug ngoo byid: da:.

DANIELA 2:21

Nyang: gi ayo, akhyeing: yo' yo, boin: ri zei: ci: da:. Nyang: gi khokham yiri tu: to' lho: phyo' pyam da:. Phajhi" juyhi: yo' lasi phajhi" byid: su: nyang: nghoid da:.

DANIELA 4:31

Hau: dang: khoin" joem nya: nhoid mo athu shi" re- mougkhung: mo thui: dathui: ji thu re" da:. «Khokham Nebukhadneza we" ngoo tid ziri tam" gyoo: byid: la. Re" khokham yoem: so' ri akhid" nang mo yu pyam byid: abye:.

DANIELA 5:21

Nyang: gi byu xangsu: phung: mo khaid thu pyam zi shoug" lho: nya: da" nheigloem: gi gougnyhoug dadu: da" nheigloem: yo' dayhang: ti" bue" byug da:. Nyang: gi loo zei: lam" joem yo' dage" nyid wigi nuloo: dadu: yhang: ti" vufu" zo: lho: nghain: goo joem ajo, da" jang: pa: moo yhoeb da:. Lo" thang moo nyang: gi byu xangsu: da" mungdain: dangain" ri gyi: sheung: myhang: thang da" Mangso wigi vhoeb lho: nyang: byid: wa khyen: too" bang: kha: yug ri we' yo" byid: pyam ga: ziri yhen: yu da:.

YOSHU 4:24

He: zi yoomo moug: gyab goin" mo yugkhang" moo" gi Aseing da" yoem: so' khayhi' gyi: sheung: ga: ziri se' myang ri" goo" wa. Houg: lho: nanu" gi nanu" da" Aseing Mangsoo ri apyaid atoo: moo: ngi: shab byid: nyid wa zi nghoid» ga: tid.