DANIELA 4:30 - Lacid Common Language Bible

³⁰ Nyang: gi «Babelon khayhi' gyi: sheung: ziri yu" yu" shige'- ngoo gi nga" da" yoem: so'- yo' yoem: vhoo"- nga" da" phung: yo' phung" yoeb ri ci: shug byid: wa shid re" hau: ziri nga" voomoo" khyo" tam: to" zi nghoid» ga: tid da:.

DANIELA 4:30 ပူးပေါင်းရင်းမြစ်များ

APOEM AYANG: 10:10

Xang: shi" moo nyang: seing: da" nya: meing joem gi Babelon mo Babelon- Ereg yo' Akhado voo joem nghoid.

ESTHA 1:4

Nya: da" khokham vang" moo yoo" zoo: yoo" shug khyoo: yo" gyi: sheung: reung: thang khyoo: ri lhammoo" khyug khyab ci: shug byid: da:.

COUNG" NGHEI 104:1

Nga" soozoo: we' Aseing ri coung" nghei nyid we'. O" Aseing nga" Mangsoo we"- nang gi khayhi' gyi sheung: nyid lha". Nang gi: zoug: myeing" yoem: so' yo' myonhoo: phung" yoeb ri: void, ci.

COUNG" NGHEI 49:20

Byu yi da" gye" nghoid bye: ga: khyoo: gi shid: jang" mo nyang: ri ayo" khyoid yu. Nyang: gi gougnyhoug joem yhang: ti" shid: loo" shi" wa zi nghoid.

COUNG" NGHEI 73:8

Nyangnu" gi gootu: byu yiri juang" yi nyid boem wigi ashoeb da" khyoo: riza: datid go" nyid boem. Nyangnu" gi phau: khuang nghoid boin: nyid boem ziyo' gootu: byu yiri doin: zeig zoo wa ziri myid soin: nyid boem.

DANG: ZHOEM 11:2

Phau: khuang nyid da" byu yigi daso, ri nyang: gi asho' ashed: zi thoung" shoug" wam: bye:- khyo, nyhoem: da" nheigloem: koem gi phajhi" je boo su: nghoid nyid.

DANG: ZHOEM 16:18

Nghoid boin: da" khyoo: gi byo, yoin" da" khyoo: khyoo: shu" lo" lho nghoid thui: gyo: da" khyoo: gi byo, yoin" lo" da" khyoo: nghoid.

DANG: ZHOEM 29:23

Nghoid boin: khyoo: gi nang byed byo" byug wa khyoo: nghoid. Nheigloem: khyo' lho: nyid su: koem gi sube" wigi phau" myang: khyoo: shoug" nyid wa zi nghoid.

ESAIA 13:19

Babelon gi mungdain: dangain" tho' yung" thang da" mungdain: nghoid da:. Hau: zigi nya: byumyu" yi da" nghoid boin: wa khyoo: nghoid da:. Nghoid loug we' Sodom yo' Gomora ri ngoo koid lo: bye: ziyo' dayhang: ti" ngoo Aseing gi Babelon ri phyo' sain" pyam wa.

EZEKIEL 29:3

He: zigi yoem: moo" bo Aseing gi Egutu khokham ri tid nyid ziri tid kyoo" we'. Gyid gyung: moo jhang" jo, da" mainjung: khang" se" we"- ngoo gi re" gyivoo nghoid. Nila gyid gyung: gi re" zi nghoid. Hau: ziri nang koid to" ga: nang tid da:.

DANIELA 4:31

Hau: dang: khoin" joem nya: nhoid mo athu shi" re- mougkhung: mo thui: dathui: ji thu re" da:. «Khokham Nebukhadneza we" ngoo tid ziri tam" gyoo: byid: la. Re" khokham yoem: so' ri akhid" nang mo yu pyam byid: abye:.

HABAKU 1:11

Hau: thang: nyangnu" gi lid yhang: ti" shoem" she: pyam' wigi lid lo" ago". Nyangnu" da" yoem: so' gi nyangnu" da" phara" nghoid nyid.

LUKA 14:11

Houg: su" nghoid yoomo nyang: nya: gung ri coung" byid: mo, gi khyo, nyhoem: pyam byid: zi shau" wa. Nyang nya: gung ri khyo, nyhoem: su: gi phau" myang: tu: to' kaid zi shau" wa ga: tid.

LUKA 14:9

Pui" seing: gi re" jang" moo re" lho: He: zoug: phoo ri joyoo shu byid: we' ga: tid wa. Hau: uri nang gi sho' thu' lho: nyhoem: gyo" da" joyoo moo shau" zhung: wa.

1Korinthians 10:31

Houg: yoomo nanu" zoo: nghoid loug we' shug nghoid loug we'- Mangso da" myonhoo: phung" yoeb, ri yo" thoin" pang byid: wa shid re" dangain" ziri: zei: so' nyid ge'.

1PETERU 5:5

Houg: yo' dakhyoo" ti"- nanu" zoolu: zoomyi: yi we' ludaid' yi da" dang: ri tam" gyo: nyid ge'. nyang: cang" nyang: zoem" khau: da" khyoo: moo nanu" dangain" mo, gi khyo, nyhoem: ein: da" khin' ri void, ci: lho: dayoug da" dei zoo: dayug koid nyid ge'. Khasu" wim ga: ri jhoem: mungdang: moo Mangsoo gi nghoid boin: mo, ri doin: khyo' pyam lho: nheigloem: nyhoem: mo, ri jeju" byid: nyid ga: lhid" to".

Pang Shug 14:8

Hau: thang: ri eig yug ein: da" moug: lagyoo: gi xang: shed" youg thang: moo cang ju" re" lho: " Babelon voomoo" zeing gi byo, leung loo" bye- nya: aved avhu: koid moo" ein: da" so' thain: da" zabyid yhid: ri byumyu" bain' sho' mo, ri shug nhang: abye:"- ga: tid nyid.

Pang Shug 16:19

Babelon voomoo" zeing gi soem" gang go, gyam: gyo" pyam' bye- moug: myid tho' moo voomoo" joem dangain" we' byo, yoin" lo" pyam' bye. Mangsoo gi Babelon voomoo" ri myid boin: nyid zoore"- nya: da" goem, mo nheig gyed" ein: da" so' thain: thang da" zabyid yhid" ri shug nhang: abye:.

Pang Shug 17:5

Nya: ngeilang: tho' moo gi shava myhi, yi yo' " Moug: gyab, goin" ziri khyoo: shu" vhang: lo" da" nya: myhi' - gyi: thang da" Babelon - ga: wigi gau: thang dang: kang: yo' lhid" to".

Pang Shug 18:10

Nyangnu" gi nyang kham, zo: nyid da" dam, ri myang lang" gyoug dain yoomo vi" vi" moo yab, jo, boem lho: nyangnu" tid boem zigi " Apho" apho"- ce: byo" lha". myo, nhoo bo ziyo' gyi: thangda" Babelon we"- joem: loo" bye: nhung: lha". dana: yi: khoug: moo za: yoobo dam, kaid' zi shau" bye: nhung: ga: tid nyid boem wa nghoid.

Pang Shug 18:21

Hau: thang: moo yoem: moo" bo da" moug: lagyoo: dayug gi gyi: da" lug lheing: zeing yhi' bo da" lug daloem: ri yu lho: panglai gyid thoem" moo du" zei, kaid' wigi " Babelon voomoo" gi hid: yhang: ti" du" khyo' kaid' zi shau" wa nghoid lho: thang: phyang" hau: voomoo" ri khanham we' doem myang loo: wa zi anghoid- ga: tid.