DANIELA 4:24 - Lacid Common Language Bible

²⁴ Houg: lho: hau: dang: kang: gi hidsu" ga: zi nghoid da:. «Aseing: khokham we"- he: zigi nang moo bue" loo wa ziri gyi: sheung: myhang: thang da" Mangso wigi tid kyo" zi nghoid da:.

DANIELA 4:24 ပူးပေါင်းရင်းမြစ်များ

YOBA 20:29

He: zigi akhyeing" bang: da" vhu" pi: lo, kyo' nghoid da:. Mangso wigi nyangnu" ri kho' byid: to" da" vhu" pi: lo, kyo' nghoid da:.

COUNG" NGHEI 107:40

nyangnu" tho' moo: doin: zeig zoo: bang: ri nyang: gi latoo: phoug lho: nyangnu" ri khyoo: abang" da" siyoo khoug: moo: so" du: dam: yen" nhang:.

COUNG" NGHEI 148:6

Re" da" amyeing" mungdang: yo' dakhyoo" ti"- nyangnu" da" joyoo joem moo: pyaid didu dageung: teung jo, boem ago". Houg: bang: gi nya: amyeing" dang: ri ayo" lid nghoid ago".

COUNG" NGHEI 2:7

Khokham phoo ri «Aseing khasu" ga: tid nyid da" khyoo: ri ngoo tid fu" byid: wa zi nghoid» ga: tid. Hau: lho: nyang: gi ngoo ri ‹nang gi nga" zoo: nghoid nyid da:. Akhid" nyid" ngoo gi re" phoo bue" nyid bye:.

DANG: ZHOEM 16:6

Ventang: tam" gyo: cang yhe: lho: nheigloem: zung" we' Houg: lang" Mangsoo gi re" yooboo ri khyoid pyam byid: wa zi nghoid. Aseing dang: tam" gyo: lho: nyid we' hau: akhyeung" da" khyoo: gi nang moo: thoung" shoug" wa zi anghoid.

DANG: ZHOEM 20:28

Khokham gi deingmain" da" khyoo: tarha" dain: da" khyoo: yo' nyeung veung" da" khyoo: khyo" davhoeb, khang" nyid, nyid gi Nya: khoin" so, gi dageung: teung jo, wa zi nghoid.

ESAIA 23:9

Myhang: thang Aseing gi hau: ziri soin' byid: su: nghoid da:. Nyangnu" koid lo da" moo" yoomo nghoid boin: boem ziri thang loo” nhang: wa yo' nyangnu" ngi: shab da" byu yiri ngi yoem" nhang: wa shid re" nyang: hau: ziri soin' to" zi nghoid da:.

DANIELA 4:17

He: zigi lhid zid" zoo" re lhoug yu" nyid da" moug: lagyoo: joem da" myid phyed to" da" khyoo: nghoid da:. Houg: yoomo khyi' khang" moo" mo byu dangain" ri xangsu: byu mungdain: joem dang mo myhang: thang gyi: sheung: da" Mangso yoem: so' wigi vhoeb nyid lho: nyang: gi nyang: khyen: yu da" byu nghoid da" je abui" adoid thang da" byu yiri lang" hau: mungdain: joem ri yo" byid: khyoo: ri si' nhang: da:.›

DANIELA 4:19

Hougsu" lang" Belteshaza ga: we' myeing da" Daniela gi gyo: dain mau" pyam lho: ci: asi' tid loo nghoid da:. Khokham phoo gi nyang: ri «Belteshaza- hau: yhoebmo, yo' hau: da" dang: kang: gi nang ri agyug mau" nhang: baja"» ga: tid. Belteshaza gi «Aseing: khokham we"- hau: yhoebmo, yo' hau: da" dang: kang: gi nang ri anghoid loo:- re" gyivoo yiri nghoid wa ziri ngoo myid vho:-

DANIELA 4:2

Gyi: sheung: myhang: thang Mangso wigi ngoo ri toin" shed byid: da" mau" pho" ziyo' mau" pho" alhoo: again akhyoo" ri tam" gyoo: we'.