DANIELA 4:21 - Lacid Common Language Bible

²¹ Hau: da" seig fu' joem gi gye" young" lho: houg: moo damoug: gyab goin" mo yugkhang" moo" ri yo" khu: wa yhi' shi" zei: da:. Hau: da" seiggam yoeb vhoo: moo siyoo gougnyhoug joem theing: no: nyid wigi hau: da" seig kung: joem moo ngho' joem gi ngho' soid soid nyid ago".

DANIELA 4:21 ပူးပေါင်းရင်းမြစ်များ

COUNG" NGHEI 104:17

Hau: joyoo moo ngho' joem we' nyangnu" nya: shid re" ngho' soid soid lho: gyid ngho' joem we' shithang: gam joem da" atho' moo ngho' soid koid to" boem.

EZEKIEL 17:23

Hau: zigi Israela mo myhang: thang da" boem nghoid wa. Hau: zigi akung: ako'' joem thu re" wigi ashi" zei: loo wa. Houg: lho: atho' tid mung" da" shamu gam bue” loo wa. Byumyu" cang: joeb da" ngho' joem gi houg: moo nyid wigi hau: seig yoeb moo khau: nghi: joyoo myang boem wa.

EZEKIEL 31:6

Ngho' ja: khang" moo" hau: seig kung: joem moo ngho' soid soid ago". Siyoo gougnyhoug lam" joem gi hau: seiggam yoeb moo nyangnu" da" azoo nu" joem ri xang" boem. Mougmyid mo byumyu" yigi hau: seig yoeb khoug: moo theing: no: ago".

DANIELA 2:38

Nyang: gi nang ri mougmyid dang moo nyid da" byu dangain" ri vhoeb wa khokham yo' gougnyhoug joem ngho' joem dangain" dang moo vhoeb da" khokham bui" nhang: da:. Nang gi sheing: vhuloem nghoid da:.

DANIELA 4:11

Hau: zigi je je yug gyi: re" lho: mougkhung: khyoo: ju" da:. Houg: lho: myidgung tho' moo byu yugkhang" moo" wigi hau: ziri yo" myang boem ago".

DANIELA 4:20

Hau: seiggam gi mougkhung: ju" myi: sho' myhang: wigi mougmyid dang moo byu dangain" bang: wigi coem' myang boem ago".

DANIELA 4:22

«Aseing khokham we"- nang gi hau: gye" myhang: lho: geing: da" seig moo" gam nghoid da:. Nang gi gye" gyi: sheung: sho' yug do, lo" lho: mougkhung: ri myhi: da:. Houg: lho: re" da" yoem: so' gi damoug: gyab goin" khyoo: lam je: lo" da:.

LUKA 13:19

Hau: Mungdain: gi hid: su" bue" ziyo' du nyid. Byu dayug gi nghang" shi" ri ci: lho: nya: yoo moo yhe: sain. Hau: ashi" mo agam youg lo lho: gyi: myhang: lo wigi hau: da" akung: ako'' moo ngho' joem lang" soid, yo" soid, ga: tid.