DANIELA 4:18 - Lacid Common Language Bible

¹⁸ Khokham Nebukhadneza gi «He: zigi ngoo myang da" nga" yhoebmo, nghoid da:. Belteshaza we"- yhoebmo, hau: zi ce: dang: kang: bo zi ngoo ri akhid" tid kyoo" la- nga" khokham vang" mo phajhi" byid: mo, hang" we' ngoo ri ayo" tid kyoo" nghoid ago". Nghoid loug we' nang koem' gi yo" tid kyo" da:. Ciwim gari gyeung" shang: da" yu phara" joem Venyi: gi re" da" akhoug: moo bo da» ga: tid.

DANIELA 4:18 ပူးပေါင်းရင်းမြစ်များ

APOEM AYANG: 40:12

Yoseb gi «Hau: yhoebmo, da" dang: kang: gi hid: su" nghoid. Soem" ko' ein: zigi soem" nyid" nghoid.

APOEM AYANG: 41:15

Khokham pho nyang: ri «Hang" we' ase' phuid: kyo" da" yhoebmo, daloem: ngoo myang. Nang yo" tid shid kyo" wa shid re" hau: ziri ngoo nang ri tid kyoo" ba» ga: tid.

APOEM AYANG: 41:8

Nab soin: moo nyang: gi seing" khoo" yoomo Egutu mung" mo maindain: sara: yi yo' phajhi" boo mo, dangain" ri khe: yu lho: nya: yhoebmo, ri tid kyo". Nghoid loug we' hau: yhoebmo, ri hang" we' ayo" tid phuid: kyoo".

ESAIA 19:3

Egutu byu yi soin' to" da" moo" joem ri yoem: shoin: pyam nhang: wigi nyangnu" da" myid yoem: ri ngoo khyoug" pyam byid: wa. Nyangnu" ri pang" yu wa shid re" nyangnu" da" yu phara" soolhoo: joem ri mho' yoid ri" goo” wa. Nyangnu" gi goem phain" phain" bang: jhang khyoo: sham: goo" wa shid re" yhe: lo" wigi shid: bang: da" soobyoo joem ri phajhi" yhe: mho' ri" goo" wa.

DANIELA 1:20

Khokham pho wigi khasu" dang: myid: myid: nghoid loug we' khasu" ayoug: akhi" ci: thu loo nghoid loug we' he: myid: yug gi damung" goin" mo boid phyed se' phyed mo yo' maindain lagle sara: gootu: tho' daxi: zhang je se' ago".

DANIELA 2:38

Nyang: gi nang ri mougmyid dang moo nyid da" byu dangain" ri vhoeb wa khokham yo' gougnyhoug joem ngho' joem dangain" dang moo vhoeb da" khokham bui" nhang: da:. Nang gi sheing: vhuloem nghoid da:.

DANIELA 2:7

Nyangnu" gi khokham phoo ri «Aseing khokham nang khyo" yhoebmo, za: dayo" tid kyoo" lang" gi hau: ziri ngoonu" phuid: sho' kyoo" wa» ga: doem tid ago".

DANIELA 5:15

Phajhi" byid: bang: yo' main tain sara: yiri shu" re" wigi he: lhid" cab' nghab nhang: lho: dang: kang: ri tid nhang: bye:.Nghoid loug we' nyangnu" gi dang: kang: ri ayo" shoo: nghoid ago".

DANIELA 5:8

Khokham da" phajhi" byid: nheigboo yi ju" re" boem nghoid loug we' khokham phoo ri hau: mougsoug" cab joem ri ayo" nghab kyoo"- hau: da" dang: kang: ri we' ayo" tid kyoo" nghoid ago".

AMO 3:7

Myhang: thang yoem: moo" bo da" Aseing gi nya: dei zoo: lapi: yiri nyang: myid soin' to" khyoo: ri atoin" shid loo: da ja: ja: lhoung koid thu kaid yu" la".