DANIELA 4:14 - Lacid Common Language Bible

¹⁴ Nyang: gi thui: zeing yo' ‹Hau: seiggam ri thug lheing: kaid lho: seig kung: joem ri khyau" pyam seig fu' joem ri kyid pyam wigi shi" joem ri phyo' pyam we'. Hau: seiggam yoeb mo gougnyhoug joem ri we' khaid tang" pyam lho: seig kung: joem mo ngho' joem ri we' khaid sain" pyam we'.

DANIELA 4:14 ပူးပေါင်းရင်းမြစ်များ

YOBA 24:20

Akhid" nya: myhi' wigi lang" nyang: ri amyed boin loo nghoid da:. Nyang: ri lug dung: joem wigi coem' zo: pyam lho: leung gyo" jo, da" seiggam ri yhang: ti" phyo' shoin' pyam zi shau" da:.

YEREMIA 27:5

Hau: zigi «Nga" gyi: sheung: da" yoem: so' yo' yoem: moo" wigi moug: gyab- xangsu: byu- mougmyid moo nyid da" gougnyhoug dangain" ri ngoo phain" so: to". Houg: lho: hau: ziri ngoo khyen: yu su: hang" ri nghoid loug ngoo byid: da:.

YEREMIA 51:6

Babelon mo tang" phang: ge'. Nanu" kangso' loid sho' tang we'. Babelon da" yooboo yoomo said pyam ashau" nhang: goo". Nya: moin: yi" ziyo' dayhang: ti" nyang: ri yooboo dam byid: lho: akhid" ngoo latoo: phug byid: bye:.

YEREMIA 51:9

Houg moo nyid boem da" tungbau byu yi tid zigi «Ngoonu" Babelon ri pang" thoug byid: wa soin' nghoid loug we' soung thang: gyo" byug bye:. Akhid" too" kho' wigi yhoem: byug bye:. Akhid" too" kho' wigi yhoem: khyoo: phang: lo" boem loo shang. Mangsoo gi nya: yoem: so' dangain" yo' Babelon ri yooboo dam byid: wigi hau: ziri bain sho' phyo' shoin' pyam abye:» ga: tid ago".

EZEKIEL 31:10

Akhid" ngoo yoem: moo" bo Aseing gi hau: jhoemmoug" khyoo: ju" myi: sho' myhang: da" seig moo" gam moo cibue" loo wa ziri nang ri tid kyoo" wa. Hau: zigi je yug myhang: re" ri je nghoid boin: lo da:.

DANIELA 2:21

Nyang: gi ayo, akhyeing: yo' yo, boin: ri zei: ci: da:. Nyang: gi khokham yiri tu: to' lho: phyo' pyam da:. Phajhi" juyhi: yo' lasi phajhi" byid: su: nyang: nghoid da:.

DANIELA 3:4

hid: su" ga: fu" dang: ri thui: zeing yo' nyho: tid kaid ago". Mungdain: dangain" mo byu yi byumyu" yi yo' myeing" cang: joeb dangain" bang: we"-

DANIELA 4:12

Hau: da" afu' joem gi young" lho: ashi" joem gi mougmyid gyab goin" coem' zoo: wa nhoo' nyang: to' to' zei: lhang" jo, da:. Hau: seiggam yoeb moo siyoo gougnyhoug joem no: nyid ago". Hau: seig kung: joem moo ngho' joem ngho' soid koid lho: kangso' dei da" ja: khang" moo" gi hau: ashi" ri zo: ago".

DANIELA 4:23

Aseing: khokham nang lhoug yu" nyid uri mougkhung: mo moug: lagyoo: dayug gyoo" lo lho: tid zigi «Hau: seiggam ri thug lheing: kaid wigi phyo' shoin' pyam we' nghoid loug we' seig ngoid rigi myidgung moo teing too" byid: we'. Hau: ziri joto' yo' gyid: mid" tei" wigi tei" lho: hau: jang: pa: moo vufu" yo' dage" too" kho' we'. He: yug dang moo nghain: gyoo" baja"- Houg: lho: nyang: gi gougnyhoug joem yo' dage" nyhed zain nyid nyid baja".

DANIELA 4:29

Lhammoo" daxe: eig khyab shi" dakyo: thang: ri Babelon mo nya: da" khokham khoo" yhoemkhung: dang mo so" ei" yen" uri

DANIELA 5:20

Nghoid loug we' nyang: gi nghoid boin: nheigloem: thain: lho: anoug akhyoid koid yoomo nyang: ri nya: khokham zhungtang mo yu pyam byid: wigi nya: phung" yoeb ci: phyug pyam da:.

DANIELA 5:21

Nyang: gi byu xangsu: phung: mo khaid thu pyam zi shoug" lho: nya: da" nheigloem: gi gougnyhoug dadu: da" nheigloem: yo' dayhang: ti" bue" byug da:. Nyang: gi loo zei: lam" joem yo' dage" nyid wigi nuloo: dadu: yhang: ti" vufu" zo: lho: nghain: goo joem ajo, da" jang: pa: moo yhoeb da:. Lo" thang moo nyang: gi byu xangsu: da" mungdain: dangain" ri gyi: sheung: myhang: thang da" Mangso wigi vhoeb lho: nyang: byid: wa khyen: too" bang: kha: yug ri we' yo" byid: pyam ga: ziri yhen: yu da:.

MATHE 3:10

Akhid" nyang: hau: da" voozung: gi shi" gam poem: moo zhung: too" bye. Houg" su" wigi ge da" ashi" azei: da" shi" gam jo, moo jo, ri thug lheing: pyam lho: myikhyoem' moo du" zei pyam' wa.

MATHE 7:19

Amo da" ashi" zei: da" shi" gam jo, moo jo, rigi thoug lheing: pyam' lho: myi: khyoem moo du" zei pyam' zi shau" nyid ago".

LUKA 3:9

Hau: tho' moo gootu: seig gam poem: moo voozung: zung: too" bye ge da" ashi" azei: da" shi" gam bain sho' ri thoug lheing: pyam lho: myi: khyoem moo du" zei pyam zi shau" wa ga: byu dangain" mo ri kho" kyo.

Pang Shug 10:3

Khang khyi, myeung yhang: ti" - nyang: gi thui: zeing yo' nyho: thu' kaid. Nyang: houg: su" ga: nyho: thu' kaid da" thang: ri moug: goem: thui: nyhed, loem: yo' phug tu" myeung thu lo.

Pang Shug 18:2

Nyang: gi thui: zeing yo' tid zigi nyang: gi byo, yoin" loo" bye:- Babelon voomoo" gi byo, yoin" loo" bye- byo, yoin" loo" bye- nyang: rigiakhuid" main: yu joem yo' mi: byoo joem wigi byo" too" zi shau" su:- aco' jhoid khyoo: aja: ja: yo' ngho' ngheing" joem da" nyid jang: nghoid.