DANIELA 3:30 - Lacid Common Language Bible

³⁰ Houg: lho: khokham phoo gi Shadrag- Meshag- yo' Abednego ri Babelon mo mung du cang je myang: da" joyoo moo aya: to' byid: da:.

DANIELA 3:30 ပူးပေါင်းရင်းမြစ်များ

COUNG" NGHEI 1:3

Nyangnu" gi gyid yam, moo yug jo, lho: nya: da" ayo, moo ashi" zei: wigi afu' we' akyoug lo" da" seiggam yo' du nyid. Nyangnu" zei: da" moo" zoo" dangain" moo oung: doid lo.

COUNG" NGHEI 91:14

Mangsoo gi ngoo ri jheddab bang: ri ngoo khyoid yu wa. Ngoo ri Aseing ga: yhen: yu bang: ri ngoo goem loem byid: wa zi nghoid.

DANIELA 1:7

Gyizoug: moo" gi nyangnu" ri Bethesha- Shadrag- Meshag yo' Abednego ga: myheing seig myheing byid: da:.

DANIELA 2:49

Daniela wigi mho' ziyo' dakhyo" Shadrag- Meshag yo' Abednego bang: ri Babelon mung" du ri vhu" shi: wa shid re" moo" foin: to" da:. Nghoid loug we' Daniela koem' gi khokham vang khoug: moo za: nyid nyid da:.

DANIELA 3:1

Khokham Nebukhadneza gi myhang: khyoo: goug: xi: pe:- pyi: khyoo: goug: pe: bo da" sheing: soolhoo: daloem: koid nhang: lho: Babelon mung" Dura jang: pa: moo zhug too" nhang: da:.

DANIELA 3:12

Babelon mung" du ri vhu: shi: wa shid re" nang moo" foin: to" da" Yuda byumyu" yi dayham" nghoid da" Shadrag- Meshag yo' Abednego bang: gi aseing: khokham- re" amyeing" dang: joem ri atam" gyoo: bang: nghoid ago". Nyangnu" gi re" yu phara" ri we' ano' lho: nang zhug to" da" soolhoo: ri we' agoeb pid bang: nghoid ago"» ga: tid boem.

YOHAN 12:26

Ngoo nyid da" jo, yooo moonga" dei zoo: we' yo" nyid wa shigre" Nga" moo" voin, noug su: gi nga" thang: moo cang ca. Nga" moozoo" ri voin, vu, su: hang" nghoid loug ri nga" phoo we' coung" byid: wa zi nghoid.

Roma 8:31

Tho' moo tid lid lo da" khyoo: ri agung kaid' lho: dang: thang: said' loo wa. Mangsoo: gi ngoonu" thang: dab jo rigi hang" we' ngoonu" ri yo" ung: wa zi anghoid.

1 SAMUELA 2:30

Ngoo Israela byumyu" yi da" Aseing Mangsoo gi lid loo bye: da" ayo, moo re" ikoin deungkhu: yo' re" akung: ako' yiri khainjung moo" zoo" khyo" wigi pyaid goin" ngoo ri dei byid: wa shid re" dangsoo" to" too" bye: zi nghoid. Nghoid loug we' hau: zi khanham we' deing loo zi anghoid ein: ngoo tid. Hau: da" gungthid ngoo ri phau" myang: mo, ri ngoo we' phau" myang: wa zi nghoid. Ngoo ri anoug akhyoid koid mo, rigi ngoo we' anoug akhyoid koid wa zi nghoid.