DANIELA 3:26 - Lacid Common Language Bible

²⁶ Houg: lho: Nebukhadneza gi myikhyoem moo" khoem" duang: khyoo: yhe: lho: Shadrag- Meshag- Abednego we"- Gyi: sheung: myhang: thang Mangso da" dei zoo: lagyoo: yi we"- thu loo ge» ga: nyho: yoid kaid da:. Nyangnu" gi houg jang: nyang: thu lo ago".

DANIELA 3:26 ပူးပေါင်းရင်းမြစ်များ

APOEM AYANG: 14:18

Houg: lho: Salem khokham we' myhang: thang Mangsoo Khainjung moo" dayug nghoid da" Melkhizedeg gi zoo: noem yo' zabyid yhid: ri Abram jhang ci: ri" byid: wigi

1 KHOKHAM 8:51

Nyangnu" gi Egutu mung moo dab nyid da" myithoem" mo nang shu" thu lo da" nanya: byumyu" nghoid da:.

EZRA 5:11

Nyangnu" doem phoug tid zigi ngoonu" gi mougkhung: yo' myidjang mo Mangso da" dei zoo: yi nghoid nyid ziyo' ngoonu" gi Israela khokham dayug da" yoem: so' khyo" wigi shid phyang" mo koid to" da" Noku Yhoem: Moo" ri doem koid zi danghoid.

COUNG" NGHEI 66:12

Ngoonu" da" gyivoo joem ri nang ngoonu" da" atho' moo: nang: nhang: wigi ngoonu" gi myigyi gyidgyi ri- thoung" shau" lid lo yu" bye:. Nghoid loug we' akhid" koem gi nang ngoonu" da" goem loem joyoo khyoo: shu" lo" nyid abye:.

ESAIA 28:16

Akhid" gyi: sheung: da" Aseing tid zigi «Ziun moo geing: teing yoem: gyi: da" apoem: ayang: daloem: tam to" da:. Houg moo ‹Geing teing da" loem khau: myid gi nheigloem: we' sheing: da› ga: lhid" tab to" da" ajhoin: lugzeing daloem: ri ngoo kaid to" da:.

ESAIA 52:12

He: lheing: gi nanu" ahain: adoin thu loo" aca" goo" wa. Phang: loid wa asoin' ca" goo" wa. Nanu" Aseing Mangsoo gi nanu" ri shu" vhu" she: wigi shoid khang" moo" khyo" goem loem byid: loo wa.

YEREMIA 11:4

Hau: zigi nyangnu" da" phoug" phyid" yiri nyangnu" shid re" khyoem' moo" myi: yo' du da" Egutu mo ngoo shoug" thu lo da" uri nyangnu" yo' to" da" dang: theing nghoid. Ngoo gi ngoo ri tam" gyo: cang lo wigi ngoo amyeing" byid: to" da" ja: khang" moo" ri cang wa shid re" nyangnu" ri tid too" bye:. Nyangnu" ngoo ri tam" gyo: cang lo boem nghoid rigi nyangnu" gi nga" da" byumyu" yi bue" wigi ngoo gi nyangnu" da" Mangsoo bue" loo wa ein: nyangnu" ri ngoo tid bye:.

DANIELA 2:47

Khokham phoo gi «Re" da" Mangsoo gi yu phara" dangain" tho' je gyi: sheung: yug nghoid da:. Khokham yi dang mo aseing nghoid da:. Houg: lho: mau" pho" khyoo: joem ri phuid: kyoo" byid: su: nghoid da:. He: yau: da" mau" pho" khyoo: joem ri nang yo" phuid: kyo" da" gang mo he: ziri ngoo se'» ga: tid da:.

DANIELA 3:17

Ngoonu" dei byid: nyid da" Mangsoo gi ngoonu" ri myikhyoem moo" mo we' re" yoem: so' mo we' yo" khyoid yu nghoid ri nyang: khyoid yu wa.

DANIELA 4:2

Gyi: sheung: myhang: thang Mangso wigi ngoo ri toin" shed byid: da" mau" pho" ziyo' mau" pho" alhoo: again akhyoo" ri tam" gyoo: we'.

DANIELA 6:20

Nyang: houg: khyoo: ju" yhe: ri nyang: gi seing" kho" ziyo' hid: su" ga: khe: kaid da:. «Kangso' dei nyid da" Mangso da" dei zoo: Daniela we"- nang jhug zug tung" dei byid: da" Mangsoo gi nang ri khangkhyi joem mo yo" khyoid yu bye: rhe"» ga: nyho: tid da:.

DANIELA 6:21

Daniela gi «Aseing khokham kang: sheing: baja" o".

DANIELA 7:25

Nyang: gi gyi: sheung: myhang: thang da" Mangsoo ri thougtheung dang: tid lo wigi Mangso da" byumyu" yi adang moo doin: zeig zo: lo wa. Nyang: gi nyangnu" da" laloem lakhoug: tarha" joem yo' pui" joem ri thid wa shid re" soin' wigi Mangso da" byumyu" yigi nya: yoem: so' akhoug: moo soem" zain dakhyam" nyid loo wa.

ACTS 16:17

Nyang: gi Polu yo' ngoonu" da" thang: moo cang lho: hid: bang: gi myhang: thang da" Mangso dei zoo: yi nghoid ago" - nyangnu" gi ngoonu" khyoid yu da" khyoo: khasu" shau" wa da" khyoo: ri tidfu" yen" mo, nghoid da- ga: wigi nyho: tid nyid.

ACTS 16:37

Nghoid loug we' Polu gi hau: da" pya: da: zoug: yi ri nga" eig yug gi Roma mung" byu nghoid- nyangnu" gi nga" eig" yug ri ce" yooboo we' amyang zi mung" byu yi da" shid' khoin" moo gyoem, thoung" wigi baid' lho: thung: moo lhoung kaid' boem, hau: lho: akhid" nghoid lang" yen, gi nga" eig yug ri sam" zoo: nhang: kaid' noug goonhung: lha". khasu" se' gi wa Roma zoug: yi nyang: hid: khyoo: re" wigi nga" eig yug ri re" khe: thu' yu goo" baja" - ga: tid da.

ACTS 27:23

Khasu" wim gari Ngoo noku nyid da" nga" Aseing: - Mouglagyoo: dayug gi amain' nga" jang" moo ju" re" lho:

GALATI 1:10

Khasu" wim gari ngoo hid: su" tid nyid zigi byu yi wigi coung" byid: nghei byid: zi yo" yu wa shid re" koid nyid zi nhghoid la". Houg: su" we' anghoid o". Ngoo vho: ngei nyid da" khyoo: gi Mangso myid veung" vho: ngei da" khyoo: yo" yu wa shid re nghoid. Ngoo gi byu shid khoin" moo myeing fu" nheing" sho' ein: yoem: kaid la". ngoo houg: su" dakoid nyid nghoid rigi Khristu da" dei zoo ngoo nghoid wa zi anghoid..

TARHA" TID POIN" 4:20

Nghoid loug we' nanu" gi myikhyoem' yhang: ti" da" Egutu mo nyang: khyoid yu da" byumyu" yi nghoid. Akhid" nyid" nanu" nghoid nyid ziyo' dakhyo" nya: byumyu" koid yu wa shid re" nyang: gi nanu" ri shu" thu lo zi nghoid.

YOSHU 3:17

Byumyu" yi myid kyug jang: khyo" so" lid: lo" nyid uri khainjung yigi Yodan gyid lang agung myid kyug jang: moo: byumyu" yi dangain" mo, bain so" lid: sho' yab jo, boem ago".

YOSHU 4:10

Khainjung yigi byumyu" yi koid wa shid re" Aseing wigi Yoshu ri amyeing" byid: da" gu: ja: khang" moo" bain koid sho' Yodan gyid lang gung moo: yab jo, ago". He: zigi Moshe byid: da" amyeing" dang: nghoid. Byumyu" yigi gyid lang ri hain: hain: gu: dab ago".

Pang Shug 19:5

Hau: zhung: tang mo thui: zeing thu' lo zigi Mangsoo dei zoo: yi ga: da" nyang: ri gyoug phau" nyid da" ngi, mo, gyi: mo, dangain" bang: we"- yha" da" Mangsoo ri coung" nghei nyid ge' ga: tid.