DANIELA 3:1 - Lacid Common Language Bible

¹ Khokham Nebukhadneza gi myhang: khyoo: goug: xi: pe:- pyi: khyoo: goug: pe: bo da" sheing: soolhoo: daloem: koid nhang: lho: Babelon mung" Dura jang: pa: moo zhug too" nhang: da:.

DANIELA 3:1 ပူးပေါင်းရင်းမြစ်များ

1 KHOKHAM 12:28

Hau: ziri bain myid thang: ri nyang: gi sheing: nuloo: soolhoo: eig du: ri koid wigi nya: byumyu" yiri «Nanu" Yerusalem khyoo: lo" wigi noku wa shid re" gye" ve: nyid da:. Israela byumyu" yi we"- nanu" ri Egutu mung" mo shu" thu lo da" nanu" yu phara" gi he: joem nghoid da» ga: tid.

ESTHA 1:1

Khokham Ahasuru gi Persi voomoo" zeing Susa mo khokham zhungtang moo zhoung: lho: India mo wigi Etiopi ju" sho' mung" du 127 loem: ri vhoeb da:.

COUNG" NGHEI 135:15

Gootu: byumyu" yi da" Mangsoo joem gi ngei sheing: joem yo' koid to" zi nghoid wigi hau: zigi byu yi da" lo, yo' koid to" da" soolhoo: joem za: danghoid.

THU' LO" MOUGSOUG" 20:23

Nanu" gi ngoo ri za: noku ge'. Ngei yu phara" sheing: yu phara" joem ri akoid goo"- ano' goo".

THU' LO" MOUGSOUG" 32:31

Moshe Aseing jhang khyoo: doem do, lo" wigi «He: byumyu" yi gyoug pho" yooboo zeing daloem: koid shoid too" bye:. Nyangnu" sheing: wigi yu phara" koid lho: hau: ziri no' ago".

ESAIA 2:20

Hau: bidnyid ju" loo lang" nyangnu" koid ci: da" ngei yo' sheing: yu phara" soolhoo: joem ri nyangnu" she: pyam pyam wa. Hau: joem ri gyu, shoug" yo' pho shid joem jang" khyo: she: pyam pyam wa.

ESAIA 30:22

Ngei yo' sheing: wigi thoeb to" da" nanu" da" yu phara" soolhoo: joem ri nanu" yu wigi «Tho"- ngoo amyang jang khyoo:» ga: nyho: wigi anyhoin: athung" ziri yhang: ti" she: lhei" pyam goo" wa.

ESAIA 46:6

Byu yigi nyangnu" ngei thung joem ri phang wigi sheing: ri foid kyo' ago". Nyangnu" gi ngei ri jang moo leug ago". Nyangnu" gi yu phara" koid wa shid re" sheing: zi baid bang: ri vhookung: lhoung: ago". Hau: thang: nyangnu" goeb pid wigi hau: ziri no' ago".

YEREMIA 10:9

Nyangnu" da" soolhoo: joem gi Spain mo ngei wigi tab pyam lho: Uphaza mo sheing: wigi shoin" shoung: pyam da:. Lo, moo" si' bang: da" moo" zoo" za: nghoid da:. Hau: joem ri lo, moo" dab da" yo, gain: yo, bang: yo, to" da:. Khalham" void yo' mi: mi: da" pain" cu' joem wigi shoung: foid to" da:.

YEREMIA 16:20

Byu yigi nyangnu" da" Mangsoo ri yo" koid yu la". Ayo" koid yu. Nyangnu" yo" koid yu nghoid loug- hau: zigi Mangsoo gyeing" anghoid.

DANIELA 2:48

Hau: thang: nyang: gi Daniela ri myhang: da" aya: joyoo ri byid: lho: phoug" dab da" jhungshug myoo" sho' byid: da:. Nyang: ri Babelon mung" du moo vhoeb nhang: lho: khokham phajhi" byid: mo, da" vhujhung: khyo" moo" foin: to" da:.

DANIELA 2:49

Daniela wigi mho' ziyo' dakhyo" Shadrag- Meshag yo' Abednego bang: ri Babelon mung" du ri vhu" shi: wa shid re" moo" foin: to" da:. Nghoid loug we' Daniela koem' gi khokham vang khoug: moo za: nyid nyid da:.

DANIELA 3:14

Nyang: gi nyangnu" ri «Shadrag- Meshag yo' Abednego we"- nanu" gi nga" yu phara" ri ano'- ngoo zhug to" da" soolhoo: ri we' agoeb pid mo, ga: zi jo, rhe".

DANIELA 3:30

Houg: lho: khokham phoo gi Shadrag- Meshag- yo' Abednego ri Babelon mo mung du cang je myang: da" joyoo moo aya: to' byid: da:.

DANIELA 5:23

Nang gi mougkhung: mo Aseing ri thougtheung da" khyo" koid lho: nya: Noku Yhoem: Moo" mo khu yo' goem joem ri yu vang lo da:. Nang yo' re" nheigboo ludaid yi re" yhoem: seing: myhi' yi re" dangcang: myhi' yigi hau: joem mo zabyid yhid: kaid shug wigi sheing:- ngei- gyid: mid"- joto'- seig- lugzeing yo' koid to" da" yu phara" joem myo, we' amyang noo: we' agyo: da" yu phara" joem ri coung" ago". Nghoid loug we' nang dei wa anghoid lang" shid: wa myid phyed ziyo' nang koid da" moo" dangain" ri khang" da" su: nghoid da" Mangsoo ri nang ngi: ashab nghoid da:.

DANIELA 5:4

Houg: lho: nyangnu" gi sheing:- ngei- gyid: mid"- joto'- seig- lugboem joem yo' koid to" da" yu phara" joem ri coung" boem ago".

HOSEA 2:8

Nyang: gi nyang: ri shivoo:- zabyid yhid:- zhainloin: xu: yo' nyang: Bala ri no' da" uri nyang: ngei" byid: da" ngei yo' sheing: dangain" gi ngoo byid: zi nghoid ga: ziri khanham we' yhen: yu zi anghoid.

HOSEA 8:4

Nga" byumyu" yigi khokham yi khyen: nghoid loug we' nyangnu" nya: myid khyo" khyen: ago". Nyangnu" gi vhujhung: yi khyo" moo" foin: too" loug we' nga" myid veing" khyoo: aboo nghoid da:. Nyangnu" gi nyangnu" da" ngei yo' sheing: ri yu lho: soolhoo: joem koid ago". Hau: zigi nyangnu" da" byo, yoin" khyoo: nghoid da:.

HABAKU 2:19

Nang gi joem: lo" zi shoug" wa. Nang gi seig thung" ri «Too' we'»- anghoid lang" gi lugzeing ri «To' yab we'» ga: tid da:. Phara" soolhoo: gi nang ri daja: ja: yo" ci: shug la". Hau: ziri ngei yo' sheing: yo' shoin" nghoeb too" nghoid loug we' hau: moo kangso' aboo nghoid da:.

ACTS 17:29

Ngoonu" gi Mangso zoo: du yi nghoid boem yoomo Mangsoo gi byu da" lo, moo" phajhi" khyo" koid to" da- ngei sheing: soolhoo- lug boem' soolhoo: yo' du ein: age jhoo: nghoid da.

ACTS 19:26

Akhid" gi hau: da" Polu ga: su: gi ce: noem koid nyid da" khyoo: ri nanu" nyang: shaug" gyoo: bye: ziyo' - hau: zigi myang nyid gu nghoid ago". Nyang: tid zigi-byu lo, wigi koid da" phara" soolhoo: joem gi Mangsoo anghoid ga: tid wigi He: Ephesu Voogung bang: yo' Asia mung" goin" moo nyid mo, alug dangain" ziri yo" loem" jeing" sho' tid oung: too" bye.

TARHA" TID POIN" 7:25

Nyangnu" yu phara" soolhoo: ri nghe' pyam ge'. Hau: joem adang moo dab da" ngei anghoid lang" sheing: ri vho: da" myid aboo goo". Nanu" shid re" hau: zi joem ri ayu goo". Nanu" yu nghoid rigi shid: shoug" wa zi nghoid. Ciwim gari Aseing gi yu phara" soolhoo: no' ziri ngheing" nyid da:.

Pang Shug 9:20

He: da" shid gyoin, mo deung nyid mo, gi nyangnu" koid da" lo, moozoo" mo nheigloem: athed, lo boem shi" nghoid ago". Nyangnu" gi yu joem ri we' myo, we' amyang nu: we' agyoo: ayo" so" yen" da" sheing: gyid: lugboem seig thung" yo' koid to" da" phara" soolhoo joem ri anoo: loo: dano" nyid boem ashi" go.