DANIELA 2:47 - Lacid Common Language Bible

⁴⁷ Khokham phoo gi «Re" da" Mangsoo gi yu phara" dangain" tho' je gyi: sheung: yug nghoid da:. Khokham yi dang mo aseing nghoid da:. Houg: lho: mau" pho" khyoo: joem ri phuid: kyoo" byid: su: nghoid da:. He: yau: da" mau" pho" khyoo: joem ri nang yo" phuid: kyo" da" gang mo he: ziri ngoo se'» ga: tid da:.

DANIELA 2:47 ပူးပေါင်းရင်းမြစ်များ

APOEM AYANG: 41:39

Khokham phoo Yoseb ri «Mangsoo gi he: khyoo: dangain" nang ri toin" shed bye:. Houg: yoomo nang gi gootu: dangain" bang: tho' re" phajhi" je boo su: yo' nheigloem: soozoo: lheing: su: nghoid zigi bang" bang nyang: nghoid bye:.

2 KHOKHAM 5:15

Nyang: gi nya: byu yi yo' dage" Elisha jhang tau" lo" wigi «Israela da" Mangsoo mo lid yu phara" gootu: anyid ziri akhid" ngoo si' bye:. Houg: yoomo jeju" khyo" nga" jhungshug ri lhoem: yu byid: la,» ga: tid da:.

YOBA 12:19

Nyang: gi khainjung yi yo' yoem: so' gyi: bang: ri doin: khyo' pyam da:.

COUNG" NGHEI 136:2

Phara" joem dangain" tho' mo gyi: thang su: ri jeju" boin: coung" nghei nyid we'. Nya: jhed khyeing: kang: khyeing: gi pyaid moo: too: moo: dageung: teung jo.

COUNG" NGHEI 136:3

Aseing yi dangain" tho' moo gi myhang: thang su: ri jeju" boin: coung" nghei nyid we'. Nya: da" jhed khyeing: kang: khyeing: gi pyaid moo: too: moo: dangeung: teung jo.

COUNG" NGHEI 72:11

Khokham nghoid moo: nghoid gi nya: shidkhoin" moo: re" goeb pid boem wa zi nghoid. Byumyu" yi bain sho' bang: we' nya: da" dei zoo: lo, nyab, yi bue" lo boem wa zi nghoid.

COUNG" NGHEI 82:1

Mangsoo gi mougkhung: tho' mo phung: kongsi ri shu" vhu" nyid wigi Mangso yi da" zoebphung: moo nyang: dang: phyed khyoo: ri tid kyo" nyid.

COUNG" NGHEI 96:4

Aseing gi gyi: sheung: nyid yoomo atho' tid loo: sho coung" nghei moin: su: nghoid nyid yu phara" joem dangain" tho' moo nyang: ri myonhoo: ngi shab byid: wa zigi ge nyid.

EZEKIEL 26:7

Yoem: moo" bo Aseing tid zigi «Ngoo gi khokham dangain" jang" mo gyi: thang su:- Babelon khokham Nebukhadneza ri shu" yu wigi Turu ri zain: nhang: wa. Nyang: gi mougzhung: shoid khyo" myang: joem gyi myang: rheing" joem yo' myang: dab bo bo wigi gyidab moo" dadab yo' re" loo wa.

DANIELA 11:36

«Suri khokham gi nyang: nau khyo" koid wa. Nyang: gi yu phara" tho' je gyi: sheung: ziyo' gyi: sheing: myhang: thang da:. Mangso tho' lang" je gyi: je reung: ga: phau: tid loo wa. Nyang: gi Mangso wigi nyang: ri yooboo dam byid: da" ayo, ju" sho' he: ziri yo" koid loo wa. Mangsoo gi nyang: myid soin' to" ziyo' dakhyoo" ti" toeb za: koid wa.

DANIELA 2:19

Hau: thang: hau: myen ri nyang: hau: mau" pho" khyoo: ri Daniela jhang yhoeb myang moo pang shug yoomo mougkhung: Mangsoo ri coung" da:.

DANIELA 2:22

Nyang: gi dang: kang: no, lho: nyhoem" shoung: to" da" moo" zoo" joem ri di: di: za: pang shug da:. Nyang: gi moug: coid khoug: moo ci: shoung: to" ziri nyang: se'. Houg: lho: nyang: nyang: rigi bidbang yo' lheing khoem ci: da:.

DANIELA 2:28

Nghoid loug we' yau: da" mau" pho" khyoo: joem ri yo" pang shug su: mougkhung: mo Mangsoo dayug koem' nyid da:. Nyang: gi ju" loo wa da" ayo, moo bui" wa ziri aseing: khokham nang ri ci: shug byid: abye:. Nang yhoeb jo, uri mo, da" yhoebmo, yhoeb myang ri akhid" ngoo nang ri tid kyoo" ba.

DANIELA 2:29

Aseing: khokham nang yhoeb nyid uri ju" loo wa da" ayo, da" akhyoo" ri nang yhoebmo, mo, da:. Houg: lho: yau: da" mau" pho" khyoo: joem ri pang shug da" Mangsoo gi bue" lo wa ziri nang ri ci: shug byid: bye:.

DANIELA 2:30

Akhid" ngoo ri he: yau: da" mau" pho" khyoo: ri ci: shug byid: bye:. Ngoo gi gooji yi tho' phajhi" je boo yoomo anghoid. Aseing: khokham nang khyo" wigi re" yhoebmo, da" dang: kang: ri se' yu lho: nang jhang ju" re" da" myid yu" khyoo: joem ri se' gyoo: wa shid re" nghoid da:.

DANIELA 2:37

Aseing khokham we"- nang gi khokham dangain" mo je gyi: sheung: thang su: nghoid da:. Mougkhung: mo Mangsoo gi nang ri khosen bui" nhang: wigi nang ri yoem: so' yoem: moo" yo' ngi: shab byid: bye:.

DANIELA 3:15

Akhid" laboo"- khoolhang- teing shi- jhabceing yo' gootu: baid myheing ja: thui: ri shoug" gyoo: yo' dage" soolhoo: ri goeb pid no' byid: we'. Nanu" hougsu" akoid nghoid rigi nanu" ri akhid" nyang: gye" dab nyid da" myikhyoem moo" khoug: khyoo: du" zei kaid zi shoug" goo" wa. Nanu" ri yo" khyoid yu da" yu phara" nyid ein: jhoo: go" rhe"» ga: tid da:.

DANIELA 3:28

Khokham phoo gi «Shadrag- Meshag yo' Abednego da" Mangsoo ri coung" o". Nyang: gi nyang: ri loem khau: lho: dei byid: da" he: byu yiri khyoid yu wa shid re" nya: da" moug: lagyoo: ri nhang: kaid da:. Nyangnu" gi nyangnu" nya: Mangsoo mo lid lho: gootu: yu phara" ri agoeb pid- adei byid: wa ga: nyangnu" nya: kangso' ri ab pyam sho' nga" amyeing" dang: joem ri atam" gyoo: loo ngeug pyam ago".

DANIELA 3:29

Houg: lho: akhid" ngoo khyo" wigi Shadrag- Meshag yo' Abednego da" Mangsoo ri aphoug" akhyoid tid da" yug gi kha: byumyu"- kha: mung"- ce: myeing" ji bang: nghoid loug we' khyid: lo, adu atoem phyed sain" pyam lho: nya: da" yhoem: ri byo, yoin" jo, sho' phyo' pyam byid: zi shoug" ca" wa ein: amyeing" khyo' kaid da:. Hidsu" yo" khyoid yu da" gootu: yu phara" anyid nghoid da» ga: tid da:.

DANIELA 4:17

He: zigi lhid zid" zoo" re lhoug yu" nyid da" moug: lagyoo: joem da" myid phyed to" da" khyoo: nghoid da:. Houg: yoomo khyi' khang" moo" mo byu dangain" ri xangsu: byu mungdain: joem dang mo myhang: thang gyi: sheung: da" Mangso yoem: so' wigi vhoeb nyid lho: nyang: gi nyang: khyen: yu da" byu nghoid da" je abui" adoid thang da" byu yiri lang" hau: mungdain: joem ri yo" byid: khyoo: ri si' nhang: da:.›

DANIELA 4:25

Nang gi byu phung: mo khaid thu pyam zi shau" wigi siyoo gougnyhoug joem yo' nyid ca" wa. Nang gi nuloo: yhang: ti" nyhed zain goin" vufu" zo: lho: re" adang moo nghain: gyo" da" jang: pa: moo yhoeb ca" wa. Houg: lang" nang gi xangsu: byu mungdain: dangain" ri gyi: sheung: myhang: thang da" Mangso wigi zei: ci: ziyo' nyang: gi hau: ziri nyang: yo" byid: pyam ziri nang kham: yu loo wa.

DANIELA 4:32

Nang ri xangsu: byu phung: mo kaid thu pyam zi shoug" wa bye:. Siyoo gougnyhoug joem yo' nyid ca" wa. Houg: lho: nyhed zain myang" sho' nuloo: dadu: yhang: ti" vufu" zoo: ca" wa. Houg: lang" gyi sheing: myhang: thang da" Mangsoo gi xangsu: byu yi da" mungdain: joem ri vhoeb wa yoem: so' yo" lho: nyang: khyen: to" da" byu hang" ri nghoid loug we' hau: zi yo" byid: ziri nang yhen: yu loo wa» ga: tid.

DANIELA 5:11

Re" mungdain: khoug: moo gyeung" shang: da" yu phara" yi Venyi: bo da" byu dayug nyid da:. Re" phoo khokham bue" nyid uri he: yug gi myid lasi ge'- Lasi phajhi" bo lho: yu phara" joem da" phajhi" juyhi: yhang: ti" phajhi" juyhi: yo" ci: shug lid loo bye:. Houg: lho: re" phoo khokham Nebukhadneza gi nyang: ri boid phyed bang:- maindain si' bang:- join zei: bang: yo' lo, kyo' yu" bang: adang moo vhujhung: khyo" aya: byid: to" da:.

AMO 3:7

Myhang: thang yoem: moo" bo da" Aseing gi nya: dei zoo: lapi: yiri nyang: myid soin' to" khyoo: ri atoin" shid loo: da ja: ja: lhoung koid thu kaid yu" la".

1Korinthians 14:25

Nyangnu" shoug" gyo: da" mungdang: joem yoomo- nyangnu" da" nheigloem: emyid, khoug: moo: tarha" dang: kho' nyid zi shau" wigi- nyangnu" zau" to" da" age, khyoo: gi bang thu loo wa nghoid wigi- nyangnu" gi boe, no" lho: Mangsoo ri loem, khau: ziyo'- Gyeing" nyang: Mangsoo gi ngoonu" yo' dage" he: khyi, moo: nyid nyid nhung ga: yhen: yu boem wa zi nghoid.

TARHA" TID POIN" 10:17

Nanu" Aseing Mangsoo gi yu phara" dangain" tho' moo we' yoem: so' dangain" tho' moo we' je" gyi: myhang: su: nghoid. Nyang: gi gyi: sheung: ziyo' yoem: bo yug nghoid lho: nyang: gi phau" myang: moin: su: nghoid. Nyang: gi myonhoo: akhyen: nghoid da:. Nyang: gi khougvhoid jhungshug we' akham yu nghoid da:.

1 TIMOTHI 6:15

Dayug kyeing" nghoid lho: myonhoo: phung" yoeb, bo wigi vhoeb, khang" nyid da" kho: kham" yi tho' mo khokham" Aseing: yi tho' mo Aseing:- Mangsoo gi ayo, akhyeing: ju" lang" Aseing Yesu ri dalheing: doem thu' myang: loo wa zi nghoid nyid.

YOSHU 22:22

«Myhang: thang zigi Mangsoo nghoid. Nyang: gi Aseing nghoid da:. Myhang: thang zigi Mangsoo nghoid. Nyang: gi Aseing nghoid da:. Nyang: hau: ziri ciwim koid lid lo ziri nyang: se'. Houg: lho: ngoonu" we' nanu" ri si' nhang: nau da:. Ngoonu" gyi koid wigi Aseing ri loem khau myid abo nghoid rigi ngoonu" ri adei anyid nhang: loo: goo".

Pang Shug 1:5

Kyed' da" sagsi: phoo- shid: jang" mo xang: shed" doem dei to'' yu zi shau" da" mougmyid Khokham" yi ri vhoeb khang" nyid da" Yesu jang" mo nghoid loug we' jeju" yo' myenjham" khyoo: ri nanu" shau" kham: yu goo" baja"- nyang: gi nanu" ri jheddab yoomo shid kham: khyo" wigi ngoonu" da" youg: noo yooboo mo loid byoin loo" nhang: lho:

Pang Shug 17:14

Houg: bang: gi hau: yang nu" yo' meing: zain: goo" wa zi nghoid loug we' hau: yang nu" ginyang: khe: yu too" mo, khyen: yu too" mo, yo' nheigloem: zung" lho: nya: thang: cang mo yo' dage" houg: bang: ri oung: pyam wa zi nghoid. Khasu" wim gari nyang: gi Aseing: yi tho' mo Aseing: - Khokham" yi tho' mo khokham" nyang: nghoid nyid.

Pang Shug 19:16

Nya: da" byisheing: yo' nya: tang" boug" moo " Lhed" tab to" da" myeing gi " Khokham" yi da" Khokham" - Aseing: yi da" Aseing:,, ga: lhid" to".