DANIELA 2:28 - Lacid Common Language Bible

²⁸ Nghoid loug we' yau: da" mau" pho" khyoo: joem ri yo" pang shug su: mougkhung: mo Mangsoo dayug koem' nyid da:. Nyang: gi ju" loo wa da" ayo, moo bui" wa ziri aseing: khokham nang ri ci: shug byid: abye:. Nang yhoeb jo, uri mo, da" yhoebmo, yhoeb myang ri akhid" ngoo nang ri tid kyoo" ba.

DANIELA 2:28 ပူးပေါင်းရင်းမြစ်များ

APOEM AYANG: 40:8

Nya: tang: gi «Nga" tang: gi yhoebmo, dayug daja: mo, wigi hau: yhoebmo, da" dang: kang: ri se' phuid: da" byu hid moo: dayug we' anyid» ga: lhoem: tid. «Yhoebmo, ri yo" phuid: wa su: gi Mangsoo nghoid- nanu" da" yhoebmo, ngoo ri tid kyoo" ge'» ga: Yoseb tid.

APOEM AYANG: 41:16

Yoseb gi «Aseing: khokham we"- ngoo gi se' phuid: kyoo" wa anghoid- nghoid loug Mangsoo gi nang nheugshid: sho' phuid: kyo" loo baja" o"» ga: tid.

APOEM AYANG: 41:25

Yoseb khokham ri «Yhoebmo, eig loem: goin" da" dang: kang: dakhyoo" ti" nghoid. Mangsoo gi nyang: zei: loo wa da" moo" zoo" ri nang ri tid kyo" zi nghoid.

APOEM AYANG: 49:1

Yaku nya: zoo: tang: yiri khe: yu lho: «Zeing: loo ge'. he: thang: nyid" nanu" cisu" bue" loo wa khyoo: ngoo nanu" ri tid wa.

COUNG" NGHEI 115:3

Ngoonu" da" Mangsoo gi mougkhung: tho' moo: nyid wigi ce" noem ri nghoid loug we' nyang: vho: khyo" dakoid nyid.

ESAIA 2:2

Ju" loo wa da" ayo, moo: Noku yhoem: moo" jo, da" boem gi dangain" jang" mo myhang: thang nghoid wigi bouggung dangain" da" adang moo myhang: thang bue" nyid wa. Mungdain: myoo: sho' gi houg khyoo: jhen: re" wigi

YEREMIA 10:7

Byumyu" dangain" bang: da" khokham nang ri ngi: shab wa hang" nyid la" Nang gi ngi: shab byid: wa moin: su: nghoid Byumyu" yi da" phajhi" boo bang: akhoug: moo nghoid nghoid. Nyangnu" da" khokham khayug nghoid nghoid nang yo' du zi hang" anyid nghoid da:.

YEREMIA 48:47

Nghoid loug we' doem ju" loo wa da" ayo, moo Aseing gi Moba ri doem nyid de: nhang: wa. Aseing tid to" gu: dangain" gi Moba dang moo bue" loo wa.

EZEKIEL 28:3

Nang gi Danela tho' phajhi" je bo wigi ce: daja: we' nang moo ayo" nghoeb shoung: too" ga: myid da:.

EZEKIEL 38:16

Nang gi mougmyid moo hau' lid: lo" da" uglid yhang: ti" nga" byumyu" Israela ri khaid zain: loo wa. Hau: ayo, ju" loo lang" ngoo gi byumyu" yiri ngoo hang" nghoid ziri ci: shug byid: wa yo' nang khyo" wigi ngoo koid lo" da" moo" moo nga" gyeung" shang: ziri ci: shug byid: wa shid re" nang ri nga" da" mougmyid khyoo: jhen" vang yhi: nhang: kaid wa.

EZEKIEL 38:8

Zain nyid myoo" sho' lid: lo" thang: ri hau: byumyu" yi mungdain: myoo" sho' mo, shu" pyoung" yu lho: dage" nyid nyid da" joyoo- byumyu" yi gyipui" ri agyug ca" lo da" mungdain: daloem: ri yhe: jhen" vang seing: yu wa shid re" nyang: ri ngoo amyeing" byid: wa. Nyang: gi jham" coug: youg gye" myang" sho' she: pyam too" nghoid loug we' akhid" byu yi yug yoo tung" nyid boem da" Israela boem joem ri yhe: jhen" vang seing: yu loo wa.

DANIELA 1:20

Khokham pho wigi khasu" dang: myid: myid: nghoid loug we' khasu" ayoug: akhi" ci: thu loo nghoid loug we' he: myid: yug gi damung" goin" mo boid phyed se' phyed mo yo' maindain lagle sara: gootu: tho' daxi: zhang je se' ago".

DANIELA 10:14

Ju" loo wa da" ayo, moo re" byumyu" yi ce: noem thung" shau" wa ziri nang ri se' gyo: nhang: wa shid re" ngoo ju" re" zi nghoid. He: zigi ju" lo wa da" ayo, yo' sen da" yoeb myang nghoid» ga: tid da:.

DANIELA 2:18

Nyang: gi mougkhung: mo Mangso jhang nheig khyeug zi yo" yu wa shid re" yo' Babelon mo phajhi" byid: bang: yo' dage" nyangnu" ri we' abo said pyam sho' nyangnu" ri hau: mau" pho" khyoo: ri yo" tid sho' kyoo" wa shid re" akyu" mho' nhang: da:.

DANIELA 2:22

Nyang: gi dang: kang: no, lho: nyhoem" shoung: to" da" moo" zoo" joem ri di: di: za: pang shug da:. Nyang: gi moug: coid khoug: moo ci: shoung: to" ziri nyang: se'. Houg: lho: nyang: nyang: rigi bidbang yo' lheing khoem ci: da:.

DANIELA 2:44

Hau: khokham yi da" apyaid moo mougkhung: mo Mangsoo gi khanham we' athang agoin da" mungdain: daloem: ri jo, loo nhang: wa. Hau: ziri khanham we' ayo" oung: pyam goo" wa. Nghoid loug we' hau: ze wigi koem' gi hau: mungdain: dangain" ri bain sho' phyo' shoin' pyam lho: hau: thang: hau: zigi apyaid atoo: moo geing: teing jo wa.

DANIELA 2:45

Lug boem daloem gi hang" wigi we' azang" thung" ri pyo, khyam" mo be" gyoo" re" lho: joto'- gyid: mid"- zhoo" nhau:- ngei yo' sheing: wigi koid to" da" soolhoo: ri lo du" zang" ziri nang shau" myang da:. Myhang: thang Mangsoo gi aseing: khokham nang ri ju" loo wa da" ayo, moo bui" wa ziri tid kyo" nyid da:. Ngoo gi nang ri nang mo, da" yhoebmo, ri goolhoo: tid kyoo" bye: lho: hau: da" dang: kang: deingmain" jo, ziri phuid: kyoo" bye:» ga: tid da:.

DANIELA 2:47

Khokham phoo gi «Re" da" Mangsoo gi yu phara" dangain" tho' je gyi: sheung: yug nghoid da:. Khokham yi dang mo aseing nghoid da:. Houg: lho: mau" pho" khyoo: joem ri phuid: kyoo" byid: su: nghoid da:. He: yau: da" mau" pho" khyoo: joem ri nang yo" phuid: kyo" da" gang mo he: ziri ngoo se'» ga: tid da:.

DANIELA 4:5

Nghoid loug we' ngoo yhoeb jo uri gyoug dain thung" da" yhoebmo, daja: mo, wigi yu" gyoug yu" lhung: sho' da" yhoeb myang joem ri shau" myang.

HOSEA 3:5

Nghoid loug we' Israela byumyu" yigi nyangnu" da" Aseing Mangsoo yo' nyangnu" da" khokham David da" amyed ashen" yi jhang khyoo:- doem lheing: tau" lo da" ayo, ju" loo goo" wa. Hau: thang: nyangnu" gi Aseing ri gyoug phoug" wigi nya: da" jhungshug gi joem ri shoug" kham yu loo wa.

AMO 4:13

Mangsoo gi boem joem ri koid to" lho: lid joem ri phain" so: too" su: nghoid. Nyang: gi nyang: myid soin' to" khyoo: ri xangsu: byu yiri si' nhang: da:. Nyang: gi nyid" khyoug ri myen" bue" loo nhang: da:. nyang: gi myidjang tho' moo myhang: thang khyo" so" lid: lo" da:. Myhang: thang Aseing Mangsoo ga: zigi nya: myeing nghoid nyid.

GYUNG: SOO" 24:14

Balam gi Balag ri «Akhid" ngoo gi nga" byumyu" yi jhang khyoo: doem phang: loo" wa. Nghoid loug we' ngoo aloo" shi" ri hid: thang: ri re" byumyu" yiri Israela bang: wigi khasu" coem' koid pyam wa ga: ziri tid poin" shi" wa» ga: tid.

MATHE 6:9

Houg: su" yoomo nanu" gi hid: su" ein: akyu" mho' ge'. ‹Mougkhung: tho' mo ngoonu" da" phoo Mangsoo we'. Re" myeing re" khyang" gyeungshang: nyid baja".

TARHA" TID POIN" 31:19

«Akhid" he: jikhoin" ri lhid" too" we'. Hau: ziri Israela byumyu" yiri jhau" byid: we'. Hougsu" lang" hau: zigi nyangnu" ri sagse: bue" jo, wa.

TARHA" TID POIN" 4:30

Nanu" yau: khe" kyi" khyeug shoug" lho: hau: gu: dangain" nanu" moo bui" lang" nanu" gi lo" thang moo Aseing jhang phug lo wigi nyang: ri tam" gyo: nyid boem wa nghoid.

2 TIMOTHI 3:1

Lo" thang da" bidnyid moo yau: khe" da" ayo, gi ju" loo wa ziri se' nyid we'.

HEBRE 1:1

Goonham, da" apyaid moo Mangsoo gi ngoonu" da" phoug" phyid " yi ri dang: tid da" khyoo: myoo" sho' lheing- akhyoo" again aja: ja: khyo" lapi: yi da" nhoid mo tid kyo" lid loo bye.

2PETRU 3:3

Hau: da" lo" thang bidnyid joem moo gi nyang: tu: nya: gungshoo" aco' ajhoid da" nheugloem: vho: khyo" cang wigi kangso' dei bang: thu' loo wa ziri dangain" da" shid moo se' too" ge'. Nyangnu" gi nanu" ri juang" yi zoore"- Hau: Aseing: doem ju" ri" wa ga: dangsoo" khoin" byid: to" anghoid goo" la". akhid" nyang: khayoo: lo" lha".

Pang Shug 1:1

He: da" jhoem: mungdang: gi Yesu Khristu da" pang shug byid: khyoo: ri lhid" xoem" to" da" khyoo: nghoid. Mangsoo hid: su" pang shug da" khyoo: gi Ade: myang" loo: ri bue" thu' loo wa da" khyoo: nya: dei zoo: yi yo" se' toin" shid' byid: nyid. Khristu gi nya: moug: lagyoo: yi ri nhang: kaid khyo" nya: dei zoo: Yohan ri he: khyoo: se' nhang: ziyo'