DANIELA 2:20 - Lacid Common Language Bible

²⁰ «Mangsoo gi phajhi" bo lho: yoem: so' thain: da:. Nyang: ri apyaid atoo: moo coung" byid: we'.

DANIELA 2:20 ပူးပေါင်းရင်းမြစ်များ

APOEM AYANG: 14:20

Re" da" gyivoo joem tho' nang ri oung: doid khyoo: byid: da" myhang: thang Mangsoo gi coung" byid: shoug" baja"» ga: tid. Houg: lho: Abram gi gyivoo joem yu lo" jang" mo doem yhe: shoug" yu lo da" jonu" dangain" da" daxi: boem mo daboem Melkhizedeg ri byid: bye:.

1 KHOKHAM 8:56

«Nyang: dangsoo" to" to" ziyo' dayhang: ti" nya: byumyu" yiri myenjham" khyoo: byid da" Aseing ri coung" ge' o". Nya: dei zoo: Moshe khyo" wigi jang deung too" byid: da" ge da" dangsoo" dangain" ziri nyang: pyeing byid: bye:.

1 KHOKHAM MHOOMYID: 29:20

Hau: thang: David gi byumyu" yiri "Nanu" Aseing Mangsoo ri coung" ge' ” ga: amyeing" byid: da:. Houg: lho: Shava phung: dangain" gi nyangnu" phoug" phyid" yi da" Aseing Mangsoo ri coung" boem ago". Nyangnu" gi goeb pid lho: Aseing ri ngi: shab byid: da:. Khokham phoo ri we' ngi: shab byid: da:.

2 KHOKHAM MHOOMYID: 20:21

Mung" byu yi yo' bain sham: go" thang: khokham phoo gi music phung: yi' dayham" ri gyeung" shang: da" moo" khyo" nyangnu" ci: da" byisheing: ri void wigi gyidab shid vhu" moo so" wigi «Aseing ri coung" byid: ge'. Nya: jheddab myid gi apyaid atoo: moo nghoid da o"» ga: jikhoin" khoin" wa shid re" amyeing" byid: da:.

NEHEMIA 9:5

Vhoo mo Levi byu yi nghoid da" Yeshua- Kadmiela- Bani- Hashabania- Sherebia- Hodia- Shebania- yo' Pethahia bang: gi noku coung" wa shid re" khe: yu shoug" bang: nghoid. Nyangnu" gi «To' yab lho: nanu" da" Aseing Mangsoo ri coung" byid: we'. Nyang: ri apyaid atoo: moo coung" ge'. Xangsu:- byu wigi coung" zi atham: nghoid loug we' Yugkhang" moo" gi nyang: da" phung gyi: myeing ri coung" byid: goo" baja"» ga: coung" ago".

COUNG" NGHEI 113:1

Aseing ri coung" byid: nyid ge'. Aseing da" deizoo: yi we' nya: myeing khyang" ri coung" nghei nyid we'.

COUNG" NGHEI 113:2

Aseing da" myeing khyang" ri akhid" mo wigi pyaid didu moo: ju" sho' coung" nghei nyid goo" baja".

COUNG" NGHEI 115:18

Nghoid loug we' kangso' dei nyid shi" da" nanu" koem gi akhid" mo zi apyaid atoo: moo: ju" sho' nyang: ri jeju" boin: coung" nghei nyid boem wa zi nghoid.

COUNG" NGHEI 147:5

Ngoonu" da" Aseing gi tho' mo su: nghoid nyid yoomo athang agoin da" yoem: moo" yo' byeung" jo, su: nghoid. Nya: da" lasi phajhi" ri hang yo" tho' ke' yu" wa zi anghoid.

COUNG" NGHEI 41:13

Israela da" Mangsoo Aseing ri coung" nghei nyid we'. Akhid" mo wigi pyaid moo: too: moo coung" nghei nyid boem shang o". Amen Amen.

COUNG" NGHEI 50:23

Jeju" boin: so" khyoo: joem gi ngoo ri phoug" tab, ngi: shab xoin" nghoid. Nga" da" dang: tam" gyoo: bang: dangain" mo, ri ngoo gi gyeing" gyeing" nyang: khyoid yu wa zi nghoid.

COUNG" NGHEI 62:11

Aseing gi phung" yoeb yoem: so' bo nyid da" khyoo: ri nyha" Mangsoo tid nyid ziri ngoo myoo" sho' lheung: shau" gyo: loo bye:.

DANG: ZHOEM 8:14

Ngoo gi moo" ze" bui" wa da" phajhi" khyau" ziyo' hau: khyoo: ri zei: bue" nyid. Ngoo moo: se' gyo: da" nheigloem bo ziyo' ngoo moo: yoem: so' bo nyid.

YEREMIA 32:19

Nang gi phajhi" bo da" soin nyheing khyoo: joem ri koid wigi gyi: sheung: da" moo" joem ri koid da:. Nang gi byu yi zei: da" ja: khang" moo" ri myang wigi nang gi nyangnu" lo, moo" joem ri cang wigi nyangnu" ri aphoug" jhungshug byid: da:.

EZEKIEL 28:3

Nang gi Danela tho' phajhi" je bo wigi ce: daja: we' nang moo ayo" nghoeb shoung: too" ga: myid da:.

MATHE 6:13

Ngoonu" ri jhu' phyo' jang" moo ayhi: nhang: lo za: yu deizoo: lo, mo khyoid yu we' o". ‹Coid doem: boo" doem: ri vhoeb da" akhang" yo"- phung" yoeb myonhoo: ngilang: gi Apyaid atoo: nang moo za: dajo, jo, baja" o"- Amen.›

YUDA 1:24

Nanu" ri ajhoid leung nhang: sho' zung" lhug byid: su: yo' ce: yooboo we' aboo nhang: loo: za: gau, yi ngei pyo: ziyo' myonhoo: phung: yoeb, doug bang da" Aseung: shid' khoin" khyoo: - yo" shu" vang yi su.

Pang Shug 5:12

Nyangnu" tid boem zigi " Said pyam' zi shau" bye: da" yang nu" gi myonhoo: phung" yoeb, soid gain ziyoo- phajhi" juyhi: yo' yoem: so' yoem: vhoo" - myonhoo: ngilang: phoug" tab ngi shab, byid: moin: zigi coung" nghei byid: zi: kham: yu wa moin" yi" nyid o"- ga: thui: zeing thui: moo" yo' coung" nghei nyid boem ago".