DANIELA 2:11 - Lacid Common Language Bible

¹¹ Aseing khokham nang mho' zigi sung youg: wigi yu phara" joem za: anghoid rigi xangsu: byu hang" we' ayo" koid byid: goo" wa Houg: bang: gi xangsu: byu yi phung gung moo anyid nghoid ago"» ga: tid.

DANIELA 2:11 ပူးပေါင်းရင်းမြစ်များ

APOEM AYANG: 41:39

Khokham phoo Yoseb ri «Mangsoo gi he: khyoo: dangain" nang ri toin" shed bye:. Houg: yoomo nang gi gootu: dangain" bang: tho' re" phajhi" je boo su: yo' nheigloem: soozoo: lheing: su: nghoid zigi bang" bang nyang: nghoid bye:.

APOEM AYANG: 41:8

Nab soin: moo nyang: gi seing" khoo" yoomo Egutu mung" mo maindain: sara: yi yo' phajhi" boo mo, dangain" ri khe: yu lho: nya: yhoebmo, ri tid kyo". Nghoid loug we' hau: yhoebmo, ri hang" we' ayo" tid phuid: kyoo".

1 KHOKHAM 8:27

Nghoid loug we' O" Mangsoo we"- nang gi mougmyid tho' moo gyeing" yo" nyid wa la". Mougkhung: mungdain: dangain" zi nang nyid wa shid re" agi" ri ngoo koid to" da" he: Noku Yhoem: Moo" gi khasu" yo" tho' gi" wa la".

2 KHOKHAM MHOOMYID: 6:18

Nghoid loug we' O" Mangsoo we"- he: mougmyid dang myi yi: yi yuggi yi da" agyoo: moo nang gyeing" nyang: yo" nyid wa la". Mougkhung: dangain" yhi nghoid rilang" re" shid re" agi" nghoid rigi ngoo koid to" da" Noku Yhoem: Moo" gi khasu" yo" go" wa la".

COUNG" NGHEI 132:14

He: joyoo gi ngoo khokham we' nyid wa joyoo nghoid. He: zigi ngoo khoo" zhung: wa vho: ngei da" joyoo nghoid.

COUNG" NGHEI 68:18

Gyipui" mo myheug lo da" byu yi myoo" sho' yo' hau: myhang: da" boem khyoo: nyang: do' lo" nyid. Nyang: gi tu: lhoin" da" byu yi jang" mo jhungshug joem ri lhoem: yu to". Aseing Mangsoo gi hau: joyoo moo: danyid nyid wa nghoid.

THU' LO" MOUGSOUG" 29:45

Israela byumyu" yi da" akhoug: moo ngoo nyid wa zi nghoid wigi ngoo gi nyangnu" Mangsoo nghoid wa.

THU' LO" MOUGSOUG" 8:19

Fa" mo, gi khokham ri «He: zi Mangsoo koid zi danghoid» ga: tid ago". Nghoid loug we' khokham nheigloem: thain: wigi Aseing tid ziyo' dakhyoo" ti" Moshe yo' Arun dang: ri khokham atam" gyoo: nghoid da:.

ESAIA 47:12

Re" da" fa" ziyo' main dain khain" pha' dangain" ziri zoem: ci: we'. Hau: joem ri nang ngi shi" ayo, mo ci: lo abye:. Hau: joem gi nang ri daja: ja: yo" pang" thoug byid boem abe. Re" gyivoo joem ri yo" kyug tang" kaid abe.

ESAIA 57:15

«Ngoo gi myhang: wigi apyaid atoo: moo dei nyid da" gyeung" shang: Mangsoo nghoid. Ngoo gi myhang: da" joyoo yo' gyeung" shang: da" joyoo moo nyid su: nghoid. Nghoid loug we nyangnu" myid loem ziyo' myid byu ziri ngoo yo" doem nyeing kaid byid: wa shid re" nheigloem: nyhoem: khyo' wigi myid thid da" byu yi yo' we' dage" nyid da:.

ESAIA 8:18

Ngoo gi Aseing wigi byid: to" da" zooshang: yi' yo' dage" nghoid. Ziun boem mo zhungtang moo zhung: da" myhang: thang Aseing gi Israela byu yi shid re" dei nyid da" mungdang: khyo" ngoonu" ri nhang: to" abye:.

DANIELA 4:4

«Ngoo gi nga" Khokham khoo" moo jonu" ziyoo myoo: sho' kham zo: wigi myen myen nyid loo bye:.

DANIELA 5:11

Re" mungdain: khoug: moo gyeung" shang: da" yu phara" yi Venyi: bo da" byu dayug nyid da:. Re" phoo khokham bue" nyid uri he: yug gi myid lasi ge'- Lasi phajhi" bo lho: yu phara" joem da" phajhi" juyhi: yhang: ti" phajhi" juyhi: yo" ci: shug lid loo bye:. Houg: lho: re" phoo khokham Nebukhadneza gi nyang: ri boid phyed bang:- maindain si' bang:- join zei: bang: yo' lo, kyo' yu" bang: adang moo vhujhung: khyo" aya: byid: to" da:.

GYUNG: SOO" 35:34

Nanu" nyid nyid da" mungdain: moo: aco' ajhoid age koid ciwim gari: ngoo gi Aseing nghoid wigi Israela byu phung: gung moo ngoo nyid» ga: tid.

MATHE 19:26

Yesu phougtu" zigi «houg: bang: ri yu" zhug to" lho: Byu khyo" te: soin: yu rigi he: khyoo: ayo" bui. Nghoidloug we' Mangsoo gi ci" we' yo" bue"» ga: tid kyo.

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

YOHAN 14:17

Hau: da" Aseing: gi Mangso da" deung main" khyoo: ri toin" shid' wa da" Venyi: nghoid. Mougmyid gi hau: Venyi: ri myang we' amyang- si' we' asi yoomo ayo" kham: yu boem. Nghoidloug we' Hau: Venyi gi nanu" yo" dage" nyid lho: nanu" da" khoug: moo loung" jo.Hau: Aseing: ri nanu" se' boem bye.

YOHAN 14:23

Yesu doem tid da" zigi Ngoori jhed' dab, su: gi nga" da" moo" myeing" ung: voin su: nghoid. Houg: yoomo nga" Phoo gi nyang: ri jheddab wa. Nga" phoo yo" ngoo we' nya: jang" moo yhe: lho: nyang: yo" dage" nyid wa zi nghoid.

2~KORINTHU 6:16

Mangsoo da" noku yhoem: gi goug ngu shoolhoo joem yo' khasu" koid lho" e" myed se' zhung" goo" wa lha"., Khasu" wim gari ngoonu" gi dadei nyid da" Mangso noku yhoem: moo" joem nghoid nyid boem. Mangsoo nyang: tid zigi-Ngoo gi nga" byumyu" yi moo nga" yhoem: koid wigi nyangnu" moo bo nyid wa zi nghoid. Ngoo gi nyangnu" da" Mangsoo bue" nyid a zi nghoid wigi nyangnu" gi nga" byumyu" yi bue" lo boem wa nghoid- ga: wigi tid nyid.

Pang Shug 21:3

Hau: lho: wigi zhung: tang mo thui: zeing dakhoin" tid thu' lo da" zigi Yu" ge" - noku yhoem: gi xangsu: byu yi yo' dage" nghoid bye- Nyang: gi nyangnu" yo' dage" nyid lho: nyangnu" gi nya: da" byumyu" bue" loo wa Mangsoo gi nya: gung nyang: nyangnu" yo' dage" nyid lho: nyangnu" da" Mangsoo bue" loo wa nghoid.