DANIELA 12:7 - Lacid Common Language Bible

⁷ Moug: lagyoo: gi eig lo, goin" ri mougkhung: khyoo: tu: to' kaid lho: apyaid atoo: mo Mangsoo da" myeing" yo' geing: teing da" dang: so" to" da:. Nyang: tid zigi «He zigi soem" zain dakhyam" myang" loo wa. Mangso da" byu yiri shen" yhen zi thang byug lang" he: gu: dangain" bain bue" byug wa» ga: nyang: tid ziri ngoo shau" gyo:.

DANIELA 12:7 ပူးပေါင်းရင်းမြစ်များ

ESAIA 62:12

Nang gi «Mangso da" gyeung" shang: byumyu" Aseing wigi khyoid yu to" da" byumyu"» ga: myheing zi shau" boem wa. Yerusalem gi «Mangso wigi jheddab da" voomoo" Mangso wigi ashe: pyam' da" voomoo" ga: myheing zi shau" loo wa» ga: tid da:.

YEREMIA 4:2

Nanu" gi nga" da" myeing lang: wigi jham' tang: zigi jo boem wa. Houg: lang" byumyu" dangain" bang: gi nyangnu" ri mainkaid byid: wa shid re" ngoo ri tid loo goo" wa. Houg: lho: nyangnu" gi ngoo ri coung" loo goo" wa» ga: tid da:.

EZEKIEL 20:5

Ngoo tid nyid ziri nyangnu" ri tid kyoo" we'. Ngoo Israela byumyu" yiri khyen: yu uri nyangnu" ri ngoo dangsoo" daloem: byid: to". Ngoo gi Egutu moo nyangnu" ri ngoo nya: gung thu shug wigi ngoo nanu" Aseing Mangsoo nghoid ein: nyangnu" ri tid too" bye:.

DANIELA 10:5

Ngoo nghang yu" kaid ri zin: yung" pain" void lho: sheing: phyid" cu" cu" da" byu dayug ri shau" myang.

DANIELA 11:13

«Suri khokham gi doem tau" lo wigi shid mo lheing: tho' je myo: da" gyidab ri lo khe: zheing" loo wa. Ayo, akhyeing: gi ju" lo da" uri nyang: gi gyi zi gyi khoo: goo" lhoo: za: yo" ci: da" gyidab moo" daloem: yo' doem tau" re" loo wa.

DANIELA 12:6

Nya: eig yug mo dayug gi gyid moin shoid moo yab jo, da" moug: lagyoo: ri hid su" ga: myid: da:. «Hau: mau" pho" moo" zoo" joem bue" loo wa shid re" kha myhang myang" shi" wa lug la"» ga: myid:.

DANIELA 12:8

Nyang: tid ziri ngoo shau" gyo: nghoid loug we' hau: ziri ngoo ase' gyoo:- Houg: yoomo ngoo gi «Aseing we"- nghoid loug we' khasu" jo, bue" thang loo" wa la"» ein: myid: yu" bye:.

DANIELA 4:31

Hau: dang: khoin" joem nya: nhoid mo athu shi" re- mougkhung: mo thui: dathui: ji thu re" da:. «Khokham Nebukhadneza we" ngoo tid ziri tam" gyoo: byid: la. Re" khokham yoem: so' ri akhid" nang mo yu pyam byid: abye:.

DANIELA 4:34

Khokham phoo gi «Nyhed zain lid loo" lang" mougkhung: khyoo: ngoo nghang yu" kaid ri nga" nheig doem gyeing: lo da:. Ngoo gi gyi: sheung: myhang: thang Mangsoo ri coung" lho: apyaid atoo: moo dei nyid yug ri ngoo gi phung" yoeb yo' ngi: shab byid: bye:. Nyang: gi apyaid atoo: moo vhoeb loo wa. Houg: lho: nya: da" mungdain: gi ayo, dangain" mo lo" thang geing: teing jo, wa.

DANIELA 7:21

Ngoo yu" nyid uri hau: khyoug: gi Mangso da" byumyu" yiri meing: zain: wigi nyangnu" ri oung: pyam da:.

DANIELA 7:25

Nyang: gi gyi: sheung: myhang: thang da" Mangsoo ri thougtheung dang: tid lo wigi Mangso da" byumyu" yi adang moo doin: zeig zo: lo wa. Nyang: gi nyangnu" da" laloem lakhoug: tarha" joem yo' pui" joem ri thid wa shid re" soin' wigi Mangso da" byumyu" yigi nya: yoem: so' akhoug: moo soem" zain dakhyam" nyid loo wa.

DANIELA 8:14

Gootu: moug: lagyoo: gi «Hau: zigi nab soin 1150 yo' myen" thang: 1150 (1150 nyid") xo' myang shi" wa. Hau: ayo, gyoo: moo nab soin: yo' myen" thang: xoin" ri angei" byid: goo" wa. Hau: thang: Noku Yhoem: Moo" ri doem zhug loo goo" wa.

DANIELA 8:24

Nyang: gi yoem bo loo wa. Nghoid loug we' nya: yoem: so' khyo" yoem: boo wa zi anghoid. Nyang: gi gyoug dain tung" pyo' shoin' ziri bui" nhang: lho: nyang: koid da" ja: khang" moo" moo oung: doid loo wa. Nyang: gi yoem: so' gyi: da" byu yiri yo' Mangsoo da" byumyu" seing: yiri phyo' shoin' loo" wa.

LUKA 21:14

Houg: yoomo nanu" gi ce: khyo" phougtu" wa ziri agung youg wa shid' mo nanu" da" nheigloem: ri nyang: soin' too" ge'-

LUKA 21:24

Byu dayham" gi sham: dam yo" said pyam zi shau" boem wa. Dayham" bang: rigi join khyo" myheig shu" lo" boem wigi mung" zoo: mung" zeing: moo byo sain" lo" boem wa. Tungbau Byumyu" yi gi nyang: nya: vhoeb khang" da" pyaid athang thang gi Yerusalem voo moo" ri khyidvoo: khoug: moo nang zeug ci: boem wa.

TARHA" TID POIN" 26:19

Nyang: gi nanu" ri phain" so: to" da" gootu: byumyu" ja: khang" moo" tho' je gyi: nhang: wa. Houg: lho: nang gi nya: myeing khyang" ri coung" wigi ngi: shab byid: loo wa. Nyang: dangsoo" byid: too" bye: ziyo' dakhyoo" ti" nanu" gi nya: da" byumyu" bue" ri" wa nghoid da:.

TARHA" TID POIN" 32:36

Aseing gi nya: byumyu" yi yoem: thang byug ziri shau" myang lang" Nyangnu" ri khyoid yu wa. Nyang: gi nyang: ri dei byid: da" bang: ri pang" thoug byu ayoo" lo: ziri myang lang" nheig khyeug byid: loo wa.

TARHA" TID POIN" 32:40

Ngoo gi gyeing" nyang: kangso' dei da" Mangsoo nghoid. Ngoo gi nga" lo, ri tu: wigi thang" cab to" zigi

TARHA" TID POIN" 7:6

Hid: su" koid ge'. Ciwim gari nanu" gi nanu" Aseing Mangso wigi seing: nyid zi nghoid. Mougmyid tho' mo byumyu" dangain" mo nanu" ri nyang: gi nya: goo" ki" lid byumyu" khyo" khyen: too" bye:.

1PETERU 2:9

Nghoid loug we' nyangnu" koem gi moug: coid' khoug: mo wigi nya: da" mau" pho" bidbang khyoo:- nanu' ri khe: yu su: Mangso da" mau" pho moozoo" ri tid fu" loo" wa shid re" khyen: yu to" da" byumyu"- Khokham" da" khain: jung yi gyeungshang: da" byumyu" yo'

Pang Shug 12:14

Hau: myi: yi myhi, gi main jung ni, zeung da" gyi mo loid byoin, loo" sho' soem" zain dakhyam" zung" lhug coung: goem zi shau" wa da" dain" pyoid yoo mo wigi Nya: joyoo khyoo: yo" dang: loo" wa shid re" zoin, bung: zeung da" dung eig khyab, nyang: ri byid: to" zi shau".

Pang Shug 12:6

Myi: yi: myhi, gi nya: shid re" Mangso wigi nyheung too" byid: da" dain" pyoid yoo khyoo: phang: yhe: lo" lho: hau: joyoo moo bidnyid 1260 nyid" ju" sho' nyang: ri coung" goem, zho' jhoug zi shau" nyid.

Pang Shug 13:5

Hau" akhyeung" da" gougnyhoug gi phau: khuang lo lho: wigi Mangsoo ri aphoug" akhyoid tid wa da" akhang" yo". Lham" moo" myid: xe: eig khyab, shid mo yoem: so' amyeing" yo" yu ci: abye:.

Pang Shug 4:10

Ludaid' eig xe: myid: youg bang: gi zhung: tang tho' moo zhoung: jo, apyaid atoo: moo dadei nyid su: da" shid khoin" moo goeb khyo' lho: vhu" pid' peid ago". Nyang: nu" gi nyang: nya: da" bidmug joem ri zhung tang shid khoin" moo khyoid khyo to" lho: tid zigi

Pang Shug 4:9

Hau: da" gougnyhoug myid: ja: gi zhung: tang tho' moo zhoung: jo, da" apyaid atoo: moo dadei nyid su: ri myonhoo: phung" yoeb yo' phoug" tab ngi shab, byid: lho: jeju" so" da" jikhoin" dang: seig joem yo' khoin" khang" moo"-