DANIELA 12:10 - Lacid Common Language Bible

¹⁰ Byu myoo" sho' bang: gi kyeing sain' pyam byid: zi shau" boem wa. Akhyeing" ashoeb bang: gi ase' gyoo: goo" wa. Nghoid loug we' nyangnu" gi akhyeing" ashoeb moo" ri zei: nyid boem goo" wa. Phajhi" boo bang: kyeing dase' gyoo: goo" wa.

DANIELA 12:10 ပူးပေါင်းရင်းမြစ်များ

COUNG" NGHEI 107:43

Phajhi" boo bang: gi he: moo" zo" da" akhyoo" ri myid soin: yu" nyid goo" baja". Nyangnu" gi Aseing da" geung: teung jhed khyeing: kang khyeing: ri myid yu" nyid goo" baja" o".

COUNG" NGHEI 51:7

Nga" yooboo ri yu pyam byid: we'- houg: lang" ngoo gyeung" shang: loo wa. Ngoo ri: ced" shang: yu we'- houg: lang" ngoo gi gyu: tho' je phyu: loo wa nghoid.

DANG: ZHOEM 1:5

He: da" dang: zhoem joem gi- phajhi" boo su: da" lasi laleug rilang" lung: byid: nyid tho' moo: agoo- phajhi" boo mo, ri we' khyoo: yo" toin" shed byid: nyid.

ESAIA 1:18

Aseing gi «Akhid" hau: moo" ri sho' pyam boem ge'. Nanu" yooboo gi suid" su" ne dab jo, nghoid loug we' ngoo gi nanu" ri gyu: yhang: ti" phyu: sho' cid" pyam byid: wa. Nanu" byang: byang: ni sho' dab nghoid loug we' yang moug" yhang: ti" phyu: loo goo" wa.

EZEKIEL 36:25

Ngoo gi nanu" da" jang" moo gyid gyeing: yo' pyi: sain" wigi nanu" ri nanu" da" yu soolhoo: joem dangain" mo yo' nanu" ri ayung" alho' bui" nhang: da" gootu: ja: khang" moo" mo younglho' loo nhang: wa.

EZEKIEL 47:11

Nghoid loug we' gyid yam cang jo, boem da" thoem" nhoin: joem yo' gyid thoem" nu" joem mo gyid: rigi gyeing: nhang: wa zi anghoid. Hau: joem gi houg: moo xoo" thoem" khyo" deing jo, wa.

DANIELA 11:33

Hau: byumyu" yi da" phajhi" bo da" vhu" shi: bang: gi nyangnu" phajhi" ri byu myoo: sho' bang: yo' gam yu ri" goo" wa. Nghoid loug we' dayo, zoo: myang" ri nyangnu" mo dayham" gu: ri gyi khaid jang: moo said pyam shoug" wa anghoid lang" myi nghe' pyam zi shoug" wa. Houg: lho: dayham" gu: rigi lhoid zo: zi shau" wigi thung: byu yi bui" nhang: pyam zi shoug" ri" goo" wa.

DANIELA 11:35

Phajhi" bo da" vhu" shi: bang: dayham" ri said pyam zi shoug" wa. Nghoid loug we' he: gang mo hau byumyu" yigi kyeing sain' yu zi shau" boem wa. He: zigi Mangso wigi asoo" so" to" da" lo" thang da" ayo, ju" sho' xo" bue" nyid wa.

DANIELA 12:3

Phajhi" bo da" vhu" shi: bang: gi mougkhung: moo bang jo, ja: yo' dage" dug bang nyid wa. Houg: lho: byumyu" myoo: sho' bang: we' jo ziri koid wa shid re" jhau" yu loo bang: gi kyi: joem yo' dakhyoo" ti" khanham we' dabang jo, wa» ga: tid da:.

HOSEA 14:9

Phajhi" juyhi: bo mo, gi hid: moo lhid" to" ziri se' gyo: yu lho: nyangnu" nheigloem: khoug: moo xoem" yu goo" baja". Aseing da" khyoo: joem gi jo da:. Houg: lho: deingmain" bang: gi hau: joem ri cang lho: dei nyid ago". Nghoid loug we' yooboo yoo" bang: koem' gi hau: joem ri cishu: anhang: yoomo khyid: vhu" thung" wigi leung lo" ago".

ZEKHARIA 13:9

Deung nyid mo, rigi myi: yo' ngei zi ri kyeung yu yhang: ti" nyangnu" ri ngoo kyeung yu wa. Sheing: ri ca: yu" yhang: ti" nyangnu" ri ngoo ca: yu" wa. Hougsu" wigi nyangnu" ngoo ri mho' yoid uri ngoo nyangnu" ri tu" byid: wa nghoid. Nyangnu" ri ngoo gi nga" mung" byu yi nghoid ein: tid wa. Nyangnu" we' ngoo ri Aseing gi ngoonu" da" Mangsoo nghoid ga: yhen: yu lo boem wa»

MALAKHI 3:3

Nyang: gi ngei gyeung" ri kyeing su: kyeing yhang: ti" dang: phyed loo wa zi nghoid. Ngei yo' sheing: ri nghe' kyeung yu yhang: ti" Aseing lagyoo: gi khainjung yiri kyeung loo wa zi nghoid. Hougsu" koid lang" she' Aseing jhang khyoo: deingmain" da" xoin" ri ci: re" boem wa zi nghoid.

MARKU 4:11

Houg: lang" nyang: gi nyangnu" ri Mangso mungdain: yo' sen: da" no, thang khyoo: ri se', gyoo: wa da" akhang"- nanu" shau" yu boem bye: go"- nghoid loug we' hau: da" akhang" ri ashau" yu mo, gootu: byu yi koem gi qei: shoem dang: tu khyo" za: se gyo: yu boem.

LUKA 24:25

Houg: lang" Yesu tid zigi lapi: yi kho" kyo" to" da" dang: dangain" ri loem" jeing" wa shid' re" gye" thang: gyo" nyid shi" da" anya, yi we"-

YOHAN 18:37

Pilaid khokham" gi houg: su" nghoid rigi ‹‹Nang gi khokham" nghoid la".» ga: myid. Aseing Yesu gi Ngoo gi nang tid ziyo' dakhyoo" ti"- khokham" nghoid. Ngoo gi deung main" da" tarha" ri kho" kyoo" baja" ga: khu: re" lho: he: mougmyid moo gyoo" lo zi nghoid. Deungmain" da" tarha" yo" sen: mo, dangain" gi nga" da" dang: ri tam" gyo: ago" ga: tid kyo.

YOHAN 7:17

Hau: Mangsoo: vho: da" khyoo: moo cang loo" noug: su: gi Ngoo kho" kyo" da" tarha" gi Mangso da" tarha" nghoid la". Ngoo nya: vho: da" nga" tarha" nghoid la"» ga: zigi se' soin: myed yu" boem wa.

YOHAN 8:47

Mangso jhang" mo ju" ri" su: gi Mangso da" dang: ri tam" gyo: nyid nghoid loug nanu" gi Mangso jang" mo anghoid boem yoomo atam" gyo: zi nghoid ago".

1Korinthians 6:11

Nanu" mo dayham" gi houg: yhang: te" da" moo" zei: lai loo mo, za: nghoid abye: go- nghoid loug we' nanu" gi yha" da" Aseing Yesu Khristu da" myeing khyang" yo' we'- yha" Mangso Venyi yo' we'- ced" khyoid ced" young" ziri: shau" wigi- Mangsoo ri ab pyam bye: mo,- Mangso shid khoin" moo: deing: byeung" bye: bang:- bue" lo boem bye.

2~KORINTHU 7:1

Jheddab da" bidnoem yi we"- he: da" dang: soo" khoin" yi dangain" gi nyhang" ri byid: to" zi nghoid. Hougsu" nghoid yoomo nyhang" gi gung shoo" yo' Venyi ri anhyoin: athung" byui" nhang: da" aco' ajhoid khyoo: dangain" mo nyang: tu: nya: gungdu: ced" yung" ced" lhoo, nhang: lho: wigi Mangsoo ri gyoug phau" myang: zoo re" gyeungshang: thang khyo" kangso' dei nyid shang.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

HEBRE 12:10

Xang: su: nya: pho, gi nyhang" ri dayo, daboin: za: nyangnu" gi, eung: ga: shau" myid boem ziyo' dakhyoo" ti"- jhau" mho' loo se' boem. Nghoid loug we' Mangsoo koem gi ngoonu" ge loo wa shid re" nyang: yhang: ti" young" gyeungshang: loo goo" baja" ga- ngoonu" ri jhau" mhoo, byid: nyid zi nghoid.

1PETERU 1:22

Nanu" gi deingmain" da" tarha" ri cang so" loo" yoomo nanu" da" nheigloem: ung: khoug: ri ced" yung ced" lho, wigi nanu" nyang: cang" we' nheigloem: ung: khoug: bain sho' yo' jheddab go" nyid ge'.

1PETERU 1:7

Hougsu" jham" ca, yu" da" gunglau" shau" khyoo: gi Mangsoo ri nanu" loem" jeung" khyoo: gyeung" ziri toin" shid khyoo: nghoid. byug thang loo" se' da" ngei sheing: ri lang" myi: yo' jham" ca, yu" zi shau" nyid Houg: yo' dakhyoo" ti"- sheing: tho' moo je phau" da" nanu" da" loem" jeung nheigloem: ri we' gyeungshang: lho: geung: teing wa shid re" myi: moo kyeung zi shau" nyid Hougsu" nghoid lang" nanu" gi Aseing Yesu doem gyoo" lo da" bidnyid moo myonhoo: bug thu' sheing" jhu" ziyo' coung" nghei zi shau" kham: yu boem wa zi nghoid.

1YOHAN 5:20

Mangso nya: zoo: gi ju" re" nyid wigi deingmain" da" Mangsoo ri yo" se' yu wa da" nheigloem:- nyang nyhang" ri byid: too" bye: ziri nyhang se' nyid. Ngoonu" gi nya: zoo: Yesu Khristu yo' dadeing: daloem: za: koid lho: wigi dei nyid boem yoomo deingmain" da" Mangsoo yo' we' dadeing: daloem: za: bue" lho: dei nyid boem. Nyang: gi Mangsoo gyeing" nyang: nghoid nyid ziyo' athang agoin kangso' we' nghoid nyid.

Pang Shug 16:11

Nyang: nya: da" gyi: thain: khe" no nyid moug: byeing yoomo moug: khung: mo Mangsoo ri nheung" nyid boem ago". Nghoid loug we' nyangnu" gi nyang: nya: da" akhyeing" ashoeb da" khyoo: joem mo nheigloem: athed' lo boem, shi" nghoid ago".

Pang Shug 19:14

Moug: khung: moug di mo gyizoo: yi gi jid: moo" byi phyu: ri void ci: boem, lho: myang: phyu: moo zhoung: wigi nya: thang: moo cang lo" ago".

Pang Shug 19:8

Phyu: bang da" ziyo' sen: da" jid: moo" pain" yo' nya: gung ri lhoo, yhung wa akhang" nyang: yoo" bye, ga: tid. (Jid: moo" pain" phyu: ga: zigiMangso byu yi da" ge, da" asam" aved, moozoo" nghoid)

Pang Shug 22:11

Adeung amain" su: gi adeung amain" khyo" cang nyid shi" baja"- agyeungshang: su: gi agyeungshang: khyo" nyid shi" baja" - gyeungshang: su: gi gyeungshang: nyid baja",, ga: ngoori tid.

Pang Shug 3:18

Houg: su" nghoid yoomo nang gi yo" loo de, loo wa shid re" sheing: gyeing" ri nga" jang" mo qei yu wa shid mo ngoo phajhi" byid - hau: tho' mo gootu: asho, ashid: da" shoo" cen: doem: moo goo wa shid re" yo' Nanyang: void wa shid re" phyu: gyeung" da" byimi ri nghoid loug we' nga" jang" mo qei yu we'.

1 SAMUELA 24:13

Shidphyang" da" dang: khyang" moo ‹Age da" moo" zoo" ri age da" byu yi dakoid› ga: tid da" dang: khoin" ri we' nang se' nyid zi nghoid. Hougsu" nghoid yoomo nang ri ngoo anoo nhang: wa zi nghoid.