DANIELA 11:30 - Lacid Common Language Bible

³⁰ Roma byumyu" yigi gyid sangphoo khyo" vang re" lho: nyang: ri ngeug thug wigi nyang: gi gye" gyoug dain wa. Hau: thang: nyang: gi nheig joem: yo: wigi doem tau" lheing: lo lho: Mangso byumyu" yi da" laloem lakhoug: ri phyo' shoin' pyam loo wa. Nyang: gi hau: laloem lakhoug: ri she: pyam bye: bang: wigi phajhi" byid: ziri cang loo wa.

DANIELA 11:30 ပူးပေါင်းရင်းမြစ်များ

APOEM AYANG: 10:4

Yavan da" amyed ashen yigi Elisha byumyu"- Spain byumyu"- Kupru byumyu" yo' Rodesa byumyu" yi nghoid lho:

1 KHOKHAM MHOOMYID: 1:7

Yavan da" amyed ashen yigi Elisha- Spain- Kupru- Rodesa byumyu" yi nghoid ago".

NEHEMIA 6:12

Hau: ziri ngoo myid kaid yu" ri Mangsoo: gi Shemaia ri dang: aji nghoid loug we' Tobia yo' Sanbalad gi he: tid poin' dang: ngoo ri byid: wa shid re" nyang: ri khoug: void byid: lho: tid nhang: zi nghoid ein: ngoo myid boin:

ESAIA 23:1

He: zigi Turu yo' Sen: da" mungdain: nghoid. Nammugdara tunggung moo nyid boem da lhid ku" bang: nanu" we"- koug wigi kyi: ngoug ge'. Nanu" yhoem: moug: Turu gyid gukhuang" gi phyo' shoin' pyam shau" abye: go". Yhoem: joem yo' gukhuang" joem gi byo, yoin" jo, abye:. Nanu" gyid sangphoo phung: yi Kuru mo doem tau" lo nyid uri hau: lu dang: ri nanu" shoug" gyoo: goo" wa.

ESAIA 23:12

Sidon voomoo" we"- re" ngei pyo: zigi thang byug abye:. Re" mung" byu yigi zeig zo: zi shau" abye:. Nyangnu" Kuru khyoo: phang: loid yhi: nghoid loug we' goem loem zi nyangnu" ayoo" shi" goo" wa.

YEREMIA 2:10

Bidvang shoid Kupru gagyoo kang khyoo: yhe: loo" we'. Houg: lho: dayug yug ri bidthu shoid Kedara moug: khyoo: nhang: kaid ga. Hid yhang: te" zi shid pyang" khanham we' abue" yu" ziri nang shau" myang loo wa.

EZEKIEL 27:6

Nyangnu" gi lhid ku" nyhabcam" koid wa shid re" Bashan mo Shookhi" gam joem ri yu ago". Nyangnu" gi Kupru mo shithang: ri re" akhoem' koid boem ago" Houg: lho: hau: jang" moo xang: zei yo' agyoo: moo kaid to" da:.

DANIELA 11:28

Suri khokham gi Mangso da" byumyu" yiri phyo' shoin' pyam wa ga: myid phyed ci: lho: nyang: shoug" lhoid yu da" lanyhoeb dangain" yo' dage" yhoem: khyoo: doem tau" loo wa. Nyang: gi nyang: vho: khyo" koid kho' lho: nyang: nya: moug: khyo: doem tau" phang: loo" wa.

DANIELA 11:29

«Thang: phyang" nyang: gi Egutu mung" khyoo: moug: jhen" doem jhen" vang yhi: wa nghoid loug we' he: lheing: bue" lo zigi goolheing: yo' adu wa.

DANIELA 7:25

Nyang: gi gyi: sheung: myhang: thang da" Mangsoo ri thougtheung dang: tid lo wigi Mangso da" byumyu" yi adang moo doin: zeig zo: lo wa. Nyang: gi nyangnu" da" laloem lakhoug: tarha" joem yo' pui" joem ri thid wa shid re" soin' wigi Mangso da" byumyu" yigi nya: yoem: so' akhoug: moo soem" zain dakhyam" nyid loo wa.

GYUNG: SOO" 24:24

Moug: jhen" jhen" bang: gi Kupru mo gyid lhid yo' ju" lo boem wa. Nyangnu" gi Asuri yo' Eba ri oung: pyam loo goo" wa. Nghoid loug we' nyangnu" ri apyaid atoo: moo: doem: lo" byug goo" wa»

MATHE 24:10

Hau: uri byu myoo" sho' mo gi nyangnu" loem" jeung" khyoo: mo thoem: tho: leung lo" lho: dayoug vhuloem ri dayug ung" zoo: go" wigi anoug angei go" da" zi bue" loo wa nghoid.

Pang Shug 12:12

Houg: yoomo nang moug: khung: yo' houg: moo nyid bang: dangain" gi gau yi nyid loo: ge'. Nghoid loug myid jang: yo' nam mug dara koem gi gyoug dain' nyid loo: ge'. Khasu" wim gari main: yu gi nya: da" bidnyid dajhi' za: date: deing lo: ziri se' yoomo nheig khoo" yo: ziyo' nanu" jhang khyoo: ju" gyo" loo bye-,, ga: tid ziri ngoo shau" gyo:- ga: tid.