DANIELA 11:19 - Lacid Common Language Bible

¹⁹ Hau: khokham gi nyang: seing: da moug: mo gyikhoug: zung joem khyoo: doem tau" loo" wa. Nghoid loug we' nyang: ri oung: pyam boem wigi hau zigi nya: da" lo" thang khyoo: bue" byug wa.

DANIELA 11:19 ပူးပေါင်းရင်းမြစ်များ

YOBA 20:8

Nyangnu" gi yhoebmo, yhang: ti" myen" mo yoeb myang yhang: ti" bei: lo" byug wigi khanham we' ashau" myang loo wa.

YOBA 34:24

Nyang: gi vhujhung: yiri yu pyam lho: gooyug yug ri thid kaid wa shid re" myid: joeb yu" khyoo: akoid ca".

COUNG" NGHEI 27:2

Akhyeung" bang: gi ngoo ri thougtheung lho: said pyam, wa ga: yoem: kaid lo boem nghoid loug we' nyangnu" gi thoem: tho: lho: wigi leung lo" boem wa.

COUNG" NGHEI 37:35

Zeig zoo: ung: zo: nyid da" akhyeing" ashoeb su: ri ngoo dalheung: se' yu" bye:. Nyang: gi Lebanon boem mo shamu gam yhang: ti" yugkhang" mo, atho' moo: nghoeb ci: abye:.

COUNG" NGHEI 37:36

Nghoid loug we' hau: thang: moo: ngoo lid lo' yu" uri nyang: hau: joyoo moo: anyid lo. Nyang: ri ngoo sho: yu" nghoid loug we' nyang: ri amyang loo.

ESAIA 24:20

Mougmyid gi yhid: yed su: yhang: ti" nyang: nyang: leung baid yen" wigi uglid yoem" khoug: mo zoem" khyam" yo' dayhang: ti" yhoin leung loo wa. Myid gung gi nya: yooboo wigi nhe" zhung: gyoo" loo" shau" wigi hau: zigi byo, yoin" lo" wigi khanham we' ayo" doem to' loo wa.

YEREMIA 46:6

Myab, bang: ri vi: khyoo: alheig kaid go". gyizoo: yigi ayo" phang: loid wa. Mougzhung: shoid Uphrad gyid yam moo nyangnu" khyid: vhu" thung" wigi leung boem ago".

EZEKIEL 26:21

Ngoo gi nang ri gyoug dain ja: khooshid: bui" nhang: lho: hau: zigi re" da" thang: thang nghoid wa. Byumyu" yigi nang ri sho: loo goo" wa. Nghoid loug we' nang ri hang" ashau" myang goo" wa. Yoem: moo" bo Aseing tid too" bye:.

DANIELA 11:7

Hau: thang: khamyhang" akyoo: ri hau: myiyi: zo: da" bidnoem dayug gi khokham bue" loo wa. Nyang: gi Suri khokham da" gyidab ri gyi yhe: zain: lho: nyangnu" da" gyidab joem khyoo: vang yhe: wigi nyangnu" ri oung: pyam wa.