DANIELA 11:16 - Lacid Common Language Bible

¹⁶ Suri moug: jhen" jhen" su: gi nyangnu" ri nyang: vho: khyo" koid loug we' doem phug khyoo: akoid goo" wa. Nyang: gi dangsoo" mougmyid moo yab jo, lho: hau: mougmyid ri nya: da" yoem: so' khoug: moo bain sho' to" loo wa.

DANIELA 11:16 ပူးပေါင်းရင်းမြစ်များ

ESAIA 8:8

Nyangnu" gi gyid khyoid yhang: ti" Yuda mung" khyoo: khyoid lid lo wigi kootho' ju" sho' no, wigi ja: khang" moo" ri nhe' pyam goo" wa» ga: tid. Mangsoo gi ngoonu" yo' dage" nyid. Pyo: ci: da" nya: dung joem gi mungdain: ri goem loem byid: loo wa.

YEREMIA 3:19

Aseing tid zigi «Israela we"- ngoo gi nang ri nga" zooshang: khyo" khab yu nau da:. Houg: lho: nang ri nyid pyoo: tung" da" mougmyid- moug: gyab goin" mo young" thang da" mougmyid ri byid: nau da:.. Ngoo gi nang wigi ngoo ri phoo we" ga: yoid wigi ngoo mo khanham we' aphug loo" wa ziri vho: da:.

DANIELA 11:3

Hau: thang: Sarhi' khokham dayug nyid thu loo wa. Nyang: gi gye" gyi: da" mungdain: moo" ri vhoeb lho: nyang: koid nau ziri koid wa.

DANIELA 11:36

«Suri khokham gi nyang: nau khyo" koid wa. Nyang: gi yu phara" tho' je gyi: sheung: ziyo' gyi: sheing: myhang: thang da:. Mangso tho' lang" je gyi: je reung: ga: phau: tid loo wa. Nyang: gi Mangso wigi nyang: ri yooboo dam byid: da" ayo, ju" sho' he: ziri yo" koid loo wa. Mangsoo gi nyang: myid soin' to" ziyo' dakhyoo" ti" toeb za: koid wa.

DANIELA 11:41

Nyang: gi dangsoo" to" da" moug: khyoo: lang" moug: jhen" jhen" vang yhe: lho: byu khyeing" khyeing" moin moin myoo: sho' ri yhe: said pyam wa. Nghoid loug we' Edom- Moba yo' Amon mo deung jo da" mungdain: joem gi loid byug goo" wa.

DANIELA 11:45

Nyang: gi panglai: yo' Noku Yhoem: Moo" jo da" bouggung agyoo moo nya: da" khokham zoem" moo" zeing joem ri koid too" wa. Nghoid loug we' nyang: gi nyang: ri pang" thoug byid: wa byu dayug we' houg: moo anyid loo: nyang: shid: loo" wa.

DANIELA 5:19

Nyang: gi gye" gyi: sheung: wigi nyang: ri byumyu" dangain"- byumyu" kung: dangain" yo' myeing" ja: khang" moo" bang: wigi coem' gyoug phoug" ziyo' gyoug nain" nyid ago". Nyang: gi byu dayug yug ri said pyam noug lang" said pyam da:. Nyang: gi byu dayug yug ri adei too" noug lang" adei nyhed: to" da:. Nyang: gi nyang: wigi ngi: shab byid: noug yug ri ngi: shab byid: wigi ngi: yoem" nhang: noug yug ri ngi: yoem" nhang: da:.

DANIELA 8:4

Hau: yang loo: gi nya: da" khyoug: joem wigi bidvang shoid- mougzhung: shoid- mougpyi: shoid khyoo: khyoug: tu: yeing ci: ziri ngoo lang" yu" nyid. He: gougnyhoug we' nyang: ri ayo" toem' pyam- nya: yoem: so' mo we' ayo" phang: loid nghoid ago". Nyang: gi nyang: vho: khyo" koid lho: nghoid boin: lo da:.

DANIELA 8:7

Nyang: gi hau: yang loo: ri khaid thung" nyid ziri ngoo zung" yu" nyid. Nyang: gi gye" nheig yo: lho: khyoug: eig loem ri thung" khyoug" pyam sho' nya: jhang thoug" byam yhe: da:. Yang loo: gi lhoem: toem' pyam wa yoem: aboo nghoid da:. Nyang: gi myidgung khyoo: leung loo" khare" wigi nang: nhe" pyam zi shau" da:. Houg: lho: nyang: ri yo" khyoid yu wa hang" anyid nghoid da:.

DANIELA 8:9

He: khyoug: myid loem akhoug: mo mougpyi: shoid- bidthu shoid yo' dangsoo" to" da" moug: shoid khyoo: yoem: so' cang ju" lo" da" khyoug: nu" daloem: yug thu lo da:.

YOSHU 1:5

Yoshu- nang kangso dei nyid ayo, dangain" moo: nang ri dayug we' yo" oung: pyam wa zi angoid. Ngoo Moshe yo' dage" nyid yhang: ti" nang yo' we' ngoo dage" nyid wa. Ngoo gi nang yo' khanham we' dage" nghoid wa. Ngoo nang ri khanham we' ashe: pyam wa.