DANIELA 11:11 - Lacid Common Language Bible

¹¹ Egutu khokham gi nheig yo: ziyo' Suri khokham ri khaid zain wigi nya: da" gyidab moo" zeing ri myheig yu pyam wa.

DANIELA 11:11 ပူးပေါင်းရင်းမြစ်များ

1 KHOKHAM 20:13

Hau: ayo, gyoo: moo lapi: dayug gi khokham Ahab jang" khyoo: re" wigi «Aseing tid- he: gyiphung: moo" ri agyug noo". Ngoo gi akhid" nyid" houg bang: adang moo nang ri oung: nhang: wa. Houg: lang" ngoo Aseing nghoid ziri nang yo" si' baja" o"» ga: tid.

1 KHOKHAM 20:28

Lapi: phoo gi khokham Ahab jhang yhe: wigi «He: zigi Aseing tid zi nghoid. Suri byumyu" yi tid zigi ngoo gi jang: pa: mo anghoid looza: boem joem mo yu phara" nghoid yoomo ngoo gi Aseing nghoid khyoo: ri nang yo' re" byumyu" yi si goo" baja" ngoo gi hau: byu phung: zeing atho' moo: nang ri oung: nhang: wa zi nghoid» ga: tid.

COUNG" NGHEI 76:10

Byu yi da" nheig yo: khyoo: gi nang ri: coung" nghei joyoo je" bui" nhang: nyid. Gyipui" moo: ashid: looza- deung dei nyid bang: gi re" da" pui" joem moo shoug" bo vang loem" wa zi nghoid.

YEREMIA 27:6

Ngoo gi nga" da" dei zoo: Babelon khokham Nebukhadneza da" yoem: so' lo, khoug: moo hau: byumyu" dangain" ri koid too" byid: su: nghoid. Nyang: ri dei byid: wa siyoo gougnyhoug lam" joem rilang" phain" so: too" byid: bye:.

DANIELA 11:12

Nyang: gi nya: da" oung: doid yoomo we' gyizoo: myoo: sho' ri nyang: yo" said pyam yoomo we' nghoid boin: loo wa. Nghoid loug we' nyang: gi xo' lho: yo" oung: doid wa zi anghoid.

DANIELA 11:40

«Suri khokham da" lo" thang ayo, akhyeing: bain ju" lo nyid nyid ri Egutu khokham gi nyang: ri meing zain: wa. Houg: lho: Suri khokham gi gyi myang: rheing" joem myang: joem yo' gyid sangphoo myoo" sho' ci: lho: nya: da" yoem: so' dangain" yo' doem tau" khaid zain: loo wa. Nyang: gi gyid ji: zoo" su" mungdain: myoo" sho' da" khoug: khyoo: moug: jhen" jhen" vang yhe: loo" wa.

DANIELA 11:44

Hau: thang: bidthu shoid mo yo' moug zhung" shoid mo lo da" lu dang: gi nyang: ri gyoug dain nhang: loo wa. Houg: lho: nyang: gi nheig joem yo: ziyo' meing: khaid zain: wigi byu myoo" sho' ri said pyam wa.

DANIELA 11:5

Egutu khokham gi yoem: gyi: loo wa. Nghoid loug we' nya: da" zoug: jhung: yi mo dayug gi je" yoem: gyi: re" lho: je gyi: da" mungdain: moo" ri vhoeb loo wa.

DANIELA 2:38

Nyang: gi nang ri mougmyid dang moo nyid da" byu dangain" ri vhoeb wa khokham yo' gougnyhoug joem ngho' joem dangain" dang moo vhoeb da" khokham bui" nhang: da:. Nang gi sheing: vhuloem nghoid da:.

DANIELA 8:7

Nyang: gi hau: yang loo: ri khaid thung" nyid ziri ngoo zung" yu" nyid. Nyang: gi gye" nheig yo: lho: khyoug: eig loem ri thung" khyoug" pyam sho' nya: jhang thoug" byam yhe: da:. Yang loo: gi lhoem: toem' pyam wa yoem: aboo nghoid da:. Nyang: gi myidgung khyoo: leung loo" khare" wigi nang: nhe" pyam zi shau" da:. Houg: lho: nyang: ri yo" khyoid yu wa hang" anyid nghoid da:.