DANIELA 10:6 - Lacid Common Language Bible

⁶ Nya: da" gung gi phau" dab sheing: yo' dayhang: ti" bang jo, da:. Nya: da" myonhoo: gi moug: lhab' myeig ziyo' dakhyoo" ti" bidbang bang jo, wigi nya: da" myojid" joem gi myi: yo' dakhyoo" ti" nge" nyid da:. Nya: da" lo sain: yo' khyid: joem gi boid jhoid to" da" gyid: mid" yo' dakhyoo" ti" bo" jo, da:. Houg: lho: nyang: dang: ji thui: gi shava byu phung: moo" nyho: nyid ziyo' dakhyoo" ti" nghoid da:.

DANIELA 10:6 ပူးပေါင်းရင်းမြစ်များ

THU' LO" MOUGSOUG" 28:20

Myid: khyoo" ein: da" jang" moo gi myed yue"- unug- nagathue joem nghoid wa zi nghoid. Hau: joem ri sheing: khu zoo: joem moo tab too" wa zi nghoid.

SHOLUMON JIKHOIN" 5:14

Nya: lo, gi gye" young" ziyo' phoug" dab da" lug lo, pain" pain" ci:. Nya: gung gi Nila yo' shoung: ci: wigi xang: zei jhoid young" yhang: ti" du nyid da:.

EZEKIEL 1:14

Dei noem joem nyangnu" nyang: we' thang: khyoo: shid khyoo: myijhen" yo' thu jhu" yen" da:.

EZEKIEL 1:16

Rheing" cab myid: loem: goin" gi du go" wigi cab khang" moo" gi phoug" dab lug yhang: ti" bang jo, da:. Rheing" cab- cab khang" moo" gi dacab akhoug: moo gootu: dacab jhoin: veing" tab to" da:.

EZEKIEL 1:24

Ngoo gi nyangnu" dang: lo" uri nyangnu" dung phab thui: ri shau" gyo: da:. Hau: thui: gi panglai: myeing thui: yhang: ti"- gyidab moo" zeing lu: fu: thui: yhang: ti"- myhang: thang Mangso thui: yhang: ti" nghoid da:. Nyangnu" dang: zi theing: lang" nyangnu" da" dung joem ri yoeb ci: da:.

EZEKIEL 1:7

Nyangnu" khyid: joem gi dain: wigi nyangnu" da" khyid: sain" gi nu: khyid: sain" yo' du da:. Nyangnu" gi boid yung" to" da" gyid: mid" yhang: ti" bang da:.

EZEKIEL 10:9

Ngoo gi du go" da" rheing" cab myid: cab gi dei noem du: khang" mo" da" anam moo jo, ziri we' shau" myang. Rheing" cab joem gi phoug" dab da" lug joem yhang: ti" bang wigi rheing" cab cab khang" moo" gi dacab akhoug: moo gootu: dacab pyi: veing" tab to" da:.

EZEKIEL 40:3

Nyang: gi ngoo ri je tab tab shu" yhe: wigi gyid: mid" yhang: ti" bang jo, da" byu dayug ri myang. Nyang: gi zin: yung" pain" laki tei" dakhaid yo' laki' dayang: daloem: ci lho: khoem" moo" yam moo yab jo, da:.

EZEKIEL 8:2

Ngoo nghang yu" kaid ri myi: su" dab nyid da" byu xangsu: gung du: yoeb myang daloem: ri myang. Nya: gung phyid" doem: mo vho: du gi myi: yo' du wigi phyid" doem: mo tho' du gi boid yung" to" da" gyid: mid" yhang: ti" bang jo, da:.

MATHE 17:2

Nyangnu" da" shid khoin" moo Yesu da" gungdu: gi goo" zang" led loo" khare". Myonhoo: gi bid yhangti" doug bang lho: void to" da" byimi we' doug bang lo.

MATHE 28:3

Nya: da" aved asam" gi lhab su" myeig nyid wigi nya: da" byimi gi gyu: su" bo" bang lho: nyang: thu' re".

LUKA 9:29

Nyang: akyu" mho' nyid uri nya: myo nhoo: gi thed' loo khare" wigi nya: byimi joem gi yeing: yeing: lo,- moin: moin: phyu loo" khare".

Pang Shug 10:1

Hau: thang: ri yoem: moo" bo da' moug: lagyoo: gootu: dayug gi moug: khung: mo gyoo" lo ziri ngoo myang- Nyang: ri jhoem" moug" thoeb, to" lho: nya: da" vhuloem lheing khab, moo- seing: yhang: lheung kham, to. Nya: da" myonhoo: gi bid yo' du lho: nya: da" khyid: gi myizeing joem ti" du nyid.

Pang Shug 19:12

Nya: da" myojid" gi myiyham: doem, yo' du nyid - nya: da" vhuloem tho' moo bidmug myoo" sho' khyab, zhoung" ci: - nyang: mo lid lho: hang" dayug we' ayo" se' da" myeing nya: jhang myoo" sho' lhid" tab to.

Pang Shug 2:18

Thuatira phung da" mauglagyo: jhang khyoo:- hid: su" ein: lhid" we'. He: mungdang: gi myojid" myiyham: doem ti" dab, nyid wigi nya: khyid: gi gyid: gyeing" yhang: ti" doug bang nyid da" Mangso nya: zo: jang" mo mungdang nghoid.

Pang Shug 21:20

Wim: loem: ein: da" zigi Jhoug: khyug loem: ein: zigi Paid' damya"- nyhed loem: ein: zigi lug muid" - shed' loem: ein: zigi Myhed' yoi- Goug: loem: ein: zigi Utaphaya:- daxi: ein: zigi Mahoya: nyoug- daxe: daloem: ein: zigi Vakintu:- daxe: eig loem: ein: zigi Thitun nila nghoid.s