DANIELA 10:13 - Lacid Common Language Bible

¹³ Persi mo moug: lagyoo: khokham nu" gi ngoo ri eig xe: danyid" ngeug thug pyam da:. Hau: thang: moug lagyoo: moo" joem mo dayug nghoid da" Mikhaela gi ngoo ri re" pang" yu da:. Ciwim gari hau: Persi mung" moo ngoo dayug ri za: too" kho' ago".

DANIELA 10:13 ပူးပေါင်းရင်းမြစ်များ

EZRA 4:24

Noku Yhoem: Moo" koid moo" zoo" no: to" zigi Persi khosen Dari kho" zhung: thang: eig zain ju" sho' no: too" bye: ago".

DANIELA 12:1

Zin: yung" pain" byimi void ci: da" moug: lagyoo: tid zigi «Hau: ayo, moo re" byumyu" yiri lhoug zung" da" moug: lagyoo: moo" Mikhaela gi nyid thu loo wa. Hau: thang: hau: zigi yau: khi" ayo, nghoid wigi byumyu" yi xang: shi" nyid re" da" ayo, mo zi akhid" ju" sho' moo yau: thang nghoid wa. Hau: ayo, ju" lo ri Mangso da" mougsoug" pug moo myeing lhid" to" da" re" byumyu" yi dangain" gi khyoid yu zi shau" boem goo" wa.

Ephesu 6:12

Khasu" wim gari ngoonu" gi byu xang: su: yi yo' khaid zain: go" nyid zi anghoid- moug: khung: moug: laid' phyoo" moo nyid da" akhyeing" ashoeb da" yu gyiphung: moo" joem yo' we' he: coid no, thu: jo, da" apyaid' ri vhoeb khang" nyid da" coid doem: boo" doem: da" zoug: yi amyeing" akhang" ci: bang: yo" we' zain: go" nyid boem.

KOLOSE 2:10

Nanu" gi nyang: yo' shoin" deung: to" jang mo joeb byeung" da" kangso' riyo" yu boem bye- hau: nyang: vhoeb khang" da" venyi dangain" yo' amyeing" akhang" yoo" bang: dangain" mo, da" atho' moo je" gyi: lho: myhang: thang su: nghoid nyid.

1THESALONI 2:18

Ngoonu" gi nanu" jhang khyoo: gye" loo nau, boem- ngoo nya: gung nyang: nanu" jang" moo doem ju" ri" wa shid re" dalheing: za: anghoid yoem: gye" kaid' yu" bye- nghoid loug we' satan gi ngoonu" ri baid' toem nyid bye.

1PETERU 3:22

Hau: da" Aseing: gi moug: khung: khyoo: vang lo" lho: akhid" Mangso lo, yo shoid moo zhoung: jo, bye- moug: lagyoo: yi yo' moug: khung: mo aya: yoo" mo, yo' myonhoo: phung" yoeb, boo mo, tho' moo oung: doid' lo" wigi vhoeb khang" nyid bye.

YUDA 1:9

Mouglagyoo: moo" Mikhaela nyang: lang" hid: yhang: ti" akoid yu"- Moshe mang ri hang" yu eung: ga: yu zoug: moo" ri rue" da" dang: yo' yooboo foin: da" khyoo: avoem" koid' loo za: nang ri Mangso wigi gyikoid baja" ga: date: tid.

Pang Shug 12:7

Hau: thang: ri moug: khung: moomeing: zain: go" lo- Mikhaela yo' nya: moug: lagyoo: yi gi main, jung: ni, zeing ri zain: nyid. Main, jung: zeing we'-nya: shoid mo nya: lagyoo: yi yo' doem, tau" zain: lo.