DANIELA 10:12 - Lacid Common Language Bible

¹² Hau: thang: nyang: tid zigi «Daniela we"- agyug. Nang se' gyo: yu wa shid re" nheigloem: nyhoem: khyo' wa nang myid phyed da" xang: shi" bidnyid mo nyang: Mangsoo gi re" akyu" mho' dang: joem ri gyoo: byid: abye:. Re" akyu" mho' dang: ri phug tid wa shid re" re" jhang ngoo ju" ri" bye:.

DANIELA 10:12 ပူးပေါင်းရင်းမြစ်များ

COUNG" NGHEI 69:10

Zoo: noem jang" lho: nga" gung ri ngoo khyo, nyhoem: nyid uri Meing: byu yigi ngoo ri aphoug" akhyoid koid nyid ago".

ESAIA 35:4

Voem" da" myid abo da" bang: yugkhang" moo" ri «Yoem: kaid ge'. Agyug goo". Mangsoo gi nang ri khyoid yu wa ju" re" nyid wigi re" gyivoo yiri yooboo dam byid: wa ju" re" nyid da» ein: tid we'.

ESAIA 41:10

Agyug goo"- ngoo nang yo' dage" nghoid. Ngoo gi re" Mangsoo nghoid- nang ri agyug nhang: wa. Ngoo gi nang ri yoem: boo: nhang: wigi pang" thoug wa. ngoo gi nang ri goem loem byid: wigi khyoid yu wa.

ESAIA 41:14

Aseing gi Israela we"- nang gi nge wigi yoem: nheing: yhang: ti" nghoid da:. agyug- ngoo nang ri pang" thoug byid: wa. Nang ri khyoid yu su: gi Israela da" gyeung" shang: da" Mangsoo ngoo nghoid.

ESAIA 58:9

Nanu" akyu" mho' uri ngoo tam" gyoo: byid: wa. Nanu" ngoo ri yoid uri ngoo tu" byid: wa. «Zeig zo: khyoo:- aphoug" akhyoid da" avoid ja: khang" moo" yo' akhyeing" da" dang: khoin" khang" moo" ri nanu" thang loo" nhang: boem nghoid rigi

ESAIA 65:24

Nyangnu" akyu" abain mho' shi" rilang" nyangnu" da" akyu" mho' dang: ri ngoo tam" gyoo: mainkaid byid: wa bye:.

DANIELA 10:11

Moug: lagyoo: gi ngoo ri «Daniela we" Mangsoo gi nang ri jheddab da:. To' yab lho: ngoo tid wa ziri nyeing" za: tam" gyoo: we'. Ngoo ri re" jhang nhang: kaid zi nghoid» ga: tid da:. Nyang: hau: zi bain tid lang" ngoo gi gyoug nain zoo" re to' yab kaid bye:.

DANIELA 10:19

Nyang: gi «Nang ri Mangsoo jheddab da:. Houg: yoomo ce: wigi we' nang ri aseing" khoo" nhang:- akyug tain' nhang:» ga: tid da:. Nyang: hau: zi bain tid lang" Ngoo je" yoem bo lo thui: gyo: wigi «Aseing: we"- nang tid ca" ziri tid we' nang gi ngoo ri je nyid pyoo: thui: gyoo: nhang: abye:» ein: tid bye:.

XOIN" NGEI" 16:29

Vhoo: moo: tid to" da" thung" ri: joem gi ju" loo wa da" ayo, akhyeing: dangain" moo: cang yhe: nyid ca" da" khyoo: joem nghoid. Lhammoo" nyhed khyab daxi nyid" ein: nyid" ri Israela byumyu" yi yo' nyangnu" akhoug: moo: nyid da" tungbau byumyu" yigi zooshug jang" pyam ca" ziyo' ce" moo" we' age koid wa zi nghoid.

XOIN" NGEI" 16:31

Hau: bidnyid gi gye" gyeung" shang: yoomo nyangnu" yugkhang" moo" gi zoo: noem jang" lho: danyid" goin" moo" age zei: nghoid da:.

GYUNG: SOO" 29:7

Lhammoo" nyhed khyab daxi: nyid" nyid" ri noku wa shid re" zeing: foem: nyid ge'. Zoo: noem azoo: goo". Moo" we' azei: goo".

MATHE 28:10

Yesu gi Agyug goo" ga: nya: eig yug ri tid lo" lho: nga" mang: nhung" yi ri Galile mung" khyoo: ri" wa shid re" tid ge, kyoo" ge' nyangnu" gi hau: mung" moo ngoori shau" myang goo" wa ga: tid.

MATHE 28:5

Hau: moug: lagyoo: gi myiyi: eig yug ri «agyug goo"- pyang" zeing moo baid jen said pyam bye da" Yesu ri re" eig yug sho: nyid zi ngoo se.

MARKU 16:6

Houg: lang" nyang: gi yangnu" riAdain amoug" goo"- nanu" gi pyang zeing moo said pyam bye: da" Yesu ri sho: nyid ago" nyang: gi dei to'' lo" byud, bye: nyang: hid: moo anyid loo: nyang: ri lheung: to" joyoo: moo we' yhe: yu" ge".

LUKA 1:13

Nghoidloug we' Mouglagyoo: gi Zakhari we" agyug Mangsoo gi nang mho' da" Mangso thui: ri tam" gyoo: byid: bye. Re" myhi' zeing Elisabed gi yuggi zoo: agyid asoo: yo" khu: loo wam bye. Hau: zooshang: ri Yohan ein: myeing myheing byid: wa zi nghoid.

LUKA 1:30

Mouglagyoo: gi Mari we" agyug- nang gi Mangso da" shid' khoin" moo myonhoo: bug thu' sheing" jhu" bye.

LUKA 2:10

Mouglagyoo: gi agyug goo"- ngoo gi byu dangain" mo, shid' re" gye" gau yi ge da" lu dang: ri nanu" jang" moo voin ri" bye.

LUKA 24:38

Nghoid loug we' nyang: nyangnu" ri tid zigi ciwim gyoug nain" nyid go"- ce: noem wim nanu" da" nheing loem: khoug: moo loem" shoid lho: aloem" akhoo: koid: nyid go" lha".

ACTS 27:24

Polu we" agyug nang gi Khosen" pho, shid khoin" moo shau" yab, jo, wa zi nghoid - Mangsoo gi nang ri nheig khyeug gi koid nyid su: nghoid wigi nang yo' dage" gyid sang phoo zhoung: lo nyid mo, ri kang: so' loid byoin, loo" nhang: wa"- ga: tid da.

Pang Shug 1:17

Hau: yug ri myang lang" nya: da" khyid: yang: moo shid: su: yhang: ti" ngoo leung lo- nyang: gi nya: lo, yo lo, nga" tho' moo ki" byid: lho: Agyug- ngoo gi xang: shed" mo su: we' - lo" thang mo su: we' nghoid- ga: tid.