DANIELA 10:1 - Lacid Common Language Bible

¹ Persi mung" moo Kuru khokham bue" zi soem" zain ein: zain moo Belteshaza ga: we' myeing da" Daniela ri mungdang: daloem toin" shid byid: da:. Hau: mungdang: gi jo nghoid loug we' se' gyoo: wa shid re" gye" yau: da:. Hau: ziri yoeb myang daloem: khyo" nyang: ri tid sho' kyo" da:.

DANIELA 10:1 ပူးပေါင်းရင်းမြစ်များ

APOEM AYANG: 41:32

Nang doem pug myang da" yoeb mo, we' Mangsoo gi soin' tu' to" wigi ju" loo wa da" ayo, moo nyang: zei loo wa da" khyoo: joem ri tid toin" shed nyid zi nghoid.

2 KHOKHAM MHOOMYID: 36:22

Lapi: Yeremia khyo" wigi Aseing nyang: tid da" dang: gi Persi khosen Kuru khosen bue" da" xang: shi" zain ri deung loo bye:. Nyang: gi Kuru da" nheigloem: ri nhoug" byid: wigi nya: mungdain: goin" moo vhoo: mo amyeing" dang: ri lhid" foin: lho: damungdain: goin" shoug" gyoo: sho' nyho: nghab nhang: bye:.

EZRA 3:7

Byumyu" yigi lugxi mo, yo' seig lo, moo" koid bang: ri ngei byid: lho: panglai: khyo" wigi Yopa voogung ju" sho' Lebanon boem mo shamu gam ri thug myhu" wa shid re" Sidon yo' Turu byumyu" yiri zoo: shug yo' zhainloin: xu: ri byid: ago". He: khyoo: dangain" gi Persi khosen Kuru da" akhang" khyo" koid bye: zi nghoid.

EZRA 4:3

Zerubabela Yoshua yo' akung: ako' vhujhung: yigi nyangnu" ri «Ngoonu" Aseing Mangso da" Noku Yhoem: Moo" koid wa shid re" nanu" bo pang" wa ziri ngoonu" avoo:. Persi khosen Kuru ngoonu" ri amyeing" byid: ziyo' dakhyoo" ti" he: ziri ngoonu" nyang: ngoonu" koid wa nghoid» ga: doem tid bye:.

EZRA 4:5

Nyangnu" gi Persi mung" vhoeb moo" voin mo, ri nyangnu" moo" ri thougtheung wa shid re" khougvhoid jhungshug ri we' byid: ago". Nyangnu" gi he: ziri Kuru vhoeb khang" pyaid mo Dari vhoeb khang" da" pyaid ju" sho' zei: zeing wigi koid loo bye:.

EZRA 6:14

Yuda vhujhung: yi we' lapi: Hagi yo' Zekharia yoem: byid: yoomo Noku Yhoem: Moo" moo" ri khyang: khyang: yo" koid abye: go". Nyangnu" gi Israela byumyu" yi Mangso da" amyeing" dang: khyo" we' Persi khosen- Kuru- Dari- Artaxaxe bang: da" amyeing" dang: khyo" we' wigi Noku Yhoem: Moo" ri bain koid boem abye: go" da:.

EZRA 6:3

Kuru nyang: vhoebkhang" da" xang: shi" zain ri nya: da" amyeing" dang: gi xoin" ngei" wa ziyo' myi: nghe' xoin" to' wa joyoo shid re" Yerusalem mo Noku Yhoem: Moo" ri koid wa zi nghoid. Noku Yhoem: Moo" ri myhang: khyoo: 90 pi:- Pyi: khyoo: 90 pi: koid wa zi nghoid.

ESAIA 44:28

Ngoo gi Kuru ri «Nang gi ngoo ri vhoeb loo wa su nghoid loo wa. Nang gi ngoo wigi nang ri koid nhang: nau da" ja: ri koid loo wa. nang gi Yerusalem ri doem tam: wa yo' Noku Yhoem: Moo" apoem: ayang: joem doem zhug wa amyeing" ri byid: loo wa» ga: tid da:.

DANIELA 1:17

Mangsoo gi hau: zooyam myid: yug ri lasi phajhi"- mougsoug" yo' myid phajhi" se' jhang: ziri byid: da:. Hau: tho' agoo" Daniela ri yoeb myang myang ziyo' yhoeb mo joem ri se' phid: kyoo" wa da" lasi phajhi" ri byid: da:.

DANIELA 1:21

Daniela gi Persi khosen Kuru wigi Babelon ri meing: zain: oung: pyam da ayo, ju" sho' khokham vang" moo za: nyid nyid da:.

DANIELA 1:7

Gyizoug: moo" gi nyangnu" ri Bethesha- Shadrag- Meshag yo' Abednego ga: myheing seig myheing byid: da:.

DANIELA 10:14

Ju" loo wa da" ayo, moo re" byumyu" yi ce: noem thung" shau" wa ziri nang ri se' gyo: nhang: wa shid re" ngoo ju" re" zi nghoid. He: zigi ju" lo wa da" ayo, yo' sen da" yoeb myang nghoid» ga: tid da:.

DANIELA 11:2

Houg: lho: akhid" nang ri ngoo tid kyoo" wa zigi jo zi nghoid da» ga: tid. Moug: lagyoo: gi «Persi moo khokham soem" yug doem xo' vhoeb loo wa. Houg: lho: khokham gootu: soem" yug goin" tho' je yoo" zoo: yoo" shug da" myid: yug ein: yug cang re" lho: vhoebkhang" loo wa. Nya: da" yoem: so' yo' jonu" yo" wigi gyi: myhang: ri" lang" nyang: gi Greek mungdain: ri yoem: shi' loo wa.

DANIELA 12:4

Nyang: gi ngoo ri «Daniela we" akhid" gi hau: mougsoug" pug ri myid" pyam lho: mougmyid thang yo, ju" sho' hau: ziri dazid thung" too" we'. Hau: agyoo: moo bue" nyid da" ziri se' gyoo: noug yoomo byu myoo: sho' bang: gi nyangnu" da" yoem: ri amyed afoo" ze" thang pyam ri" goo" wa» ga: tid da:.

DANIELA 12:9

Nyang: tid ziri «Daniela we"- nang akhid" loo" ca" bye:. Ciwim gari he: dang: khoin" joem ri lo" thang ayo, ju" ri" sho' zau" ci wigi shoung: too" ca" da:.

DANIELA 2:21

Nyang: gi ayo, akhyeing: yo' yo, boin: ri zei: ci: da:. Nyang: gi khokham yiri tu: to' lho: phyo' pyam da:. Phajhi" juyhi: yo' lasi phajhi" byid: su: nyang: nghoid da:.

DANIELA 4:8

Hau: thang: Daniela vang lo da:. (Nyang: myeing gi nga" da" yu phara" myeing khyo" cang wigi Belteshaza ga: we' myheing da). Gyeung" shang: da" yu phara" joem da" Venyi: gi nyang: moo bo wigi ngoo yhoebmo, myang khyoo: ri: nyang: ri tid kyoo" bye:.

DANIELA 5:12

Nyang: moo gooki' lid da" yoem: so' yo' phajhi" bo lho: yhoebmo, phuid: khyoo:- dang: myid: phuid: khyoo:- mau" pho" ja: ri sho' khyo" khyoo: yhang: te" da" phajhi" se' da:. Hougsu" yoomo khokham pho wigi Belteshaza ga: myheing to" da" su: Daniela ri khe: kaid we' He: dang: kang: dangain" ziri nyang: nang ri tid kyoo" baja".

DANIELA 5:17

Daniela gi «Re" jhungshug joem ri nanya: shid re" zoem" ci: too" we' anghoid lang" gootu: dayug yug ri byid: pyam we'. Houg: moo lhid" to" ziri aseing khokham shid re" ngoo nghab khyoo" byid: lho: hau: da" dang: kang: ri tid kyoo" wa» ga: tid da:.

DANIELA 6:28

Daniela gi Dari vhoebkhang" da" apyaid yo' Persi khosen Kuru vhoeb da" ayo, gyoo: gu: moo yoo" zoo: yoo" shug da:.

DANIELA 8:16

Ulai gyid lang tho' mo thui: dathui" hid su" ga: yoid thu re" ziri ngoo shau" gyo:- ‹Gabriela we"- hau: yug shau" myang da" dang: kang: ri tid sho' kyoo" la» ga: tid da:.

DANIELA 8:26

Myen" thang: yo' nab soin: mo ngei" xoin" yo' sen: wigi nang ri tid sho' khyoo" lid loo bye:. He: yoeb myang gi deing" deing za: bue" loo wa. Nghoid loug we' akhid" houg: ziri zau" too" shi" wa. Ciwim gari hau: zi abue" deing shi" ri ayo, gye" myang" ca" shi" wa nghoid da» ga: tid da:.

LUKA 1:20

Tam" gyoo: we' nang gi nga" dang: ri aloem" jeing" yoomo he: da" moo" bue" lo da" bidnyid ju" sho' dang: ayo" tid loo: za: nhoid jed loo" zi nghoid ga: tid.

Pang Shug 19:9

Hau: thang: moo mouglagyoo: ngooritid zigi " Hau yang nu" da" loxo' pui" khyoo: khe: too" shau" mo, gi ngilhoo, mo, nghoid ein: lhid" too" we' Hau: lho: hau: " moug: lagyoo: doem, xo' tid zigi " He: dang: gi Mangso da" deungmain" mungdang: nghoid. ga: wigi ngoori tid.