DANIELA 1:2 - Lacid Common Language Bible

² Aseing gi Khokham Yehoiakim ri myheig yu lho: Noku Yhoem: Moo" mo jonu" ziyoo dayham" ri shoem" yu wa akhang" nyang: ri byid: da:. Nyang: gi thung: byu dayham" ri Babelon mo nya: da" yu phara" joem noku yhoem: khyoo: shu" lo" lho: shoug" zheing" yu da" jonu" ziyoo joem ri noku yhoem: mo zi too" yab joem moo lo" to" to" da:.

DANIELA 1:2 ပူးပေါင်းရင်းမြစ်များ

APOEM AYANG: 10:10

Xang: shi" moo nyang: seing: da" nya: meing joem gi Babelon mo Babelon- Ereg yo' Akhado voo joem nghoid.

APOEM AYANG: 11:2

Nyangnu" gi bidthu shoid khyoo: nyid yhe: lo" boem ri Babelon jang: dam dakhyi' moo ju" lho: nyid nyid boem ago".

2 KHOKHAM 24:1

Yehoiakim khokham koid nyid uri Babelon khokham Nebukhadneza gi Yuda mung" khyoo: jhen" vang yhe: lho: soem" zain Yehoiakim ri nya: vhoeb da" akhoug: moo doin: zeig nyid nhang: da:. Hau: thang: nyang: gi gyi koid da:.

2 KHOKHAM MHOOMYID: 36:5

Yehoiakim gi Yuda khokham bue" lo uri apyaid eig xe: wim: zain nghoid wigi nyang: gi Yerusalem moo daxe: dazain vhoeb nyid da:. Nyang: gi nya: da" Aseing Mangsoo ri yooboo shoid da:.

2 KHOKHAM MHOOMYID: 36:7

Nebukhadneza gi Noku Yhoem: Moo" mo ju, nu" dayham" ri de" lo" wigi Babelon mo nya: khokham kho" moo hau: joem ri lo" kaid to" da:.

EZRA 1:7

Kuru khokham gi Nebukhadneza: khokham gi Yerusalem Noku Yhoem: Moo" mo yu wigi nya: yu phara" yhoem: joem moo to" to" da" oug" khu lang: bain joem ri nyangnu" ri doem byid: bye:.

ESAIA 11:11

Hau: bidnyid ju" loo lang" Aseing gi nya: yoem so' ri dalheing: doem ci wigi Asuri- Egutu- Pathro mung" joem Etiopi- Elam- Babelon- Hamad yo' gyid yam cang mo mungdain: joem panglai: gugyoo: kang joem moo nyid deing jo, boem da" nya: byumyu" yiri yhoem: khyoo: doem shu" tau" yu wa.

ESAIA 42:24

Israela ri lhoid zoo: lhoid shug bang: lo, khoug: khyoo: hang" ab byid: pyam la" hau zigi nanu" nyang: thougtheung yooboo koid nyid su: Aseing nyang: nghoid da:. Nyang: ngoonu" ri kangso' dei nyid nhang: khyo" ngoonu kangso' adei anghoid lang" nyang: wigi ngoonu" ri byid: to" da" jhau" shid khyoo: joem ri we' acang nghoid da:.

YEREMIA 25:1

Yoshia da" yuggi zoo: Yehoiakim- Yuda khokham koid zi myid: zain ein: zain moo Yuda byumyu" dangain" yo' sen: da" Aseing mo mungdang: ri ngoo shoug" kham yu. (He: zigi Nebukhadneza Babelon khokham koid zi xang: shi" zain ein: zain moo nghoid da:.)

YEREMIA 27:16

Hau: thang: ngoo gi Aseing tid to" da" dang: ri khainjung yi yo' byumyu" yiri tid kyoo" bye:. Hau: zigi «Noku Yhoem: Moo" moo phoug" dab jonu" joem gi amyang" ri Babelon mo doem ci: lo goo" wa ga: tid boem da" lapi: yi dang: ri atam" gyoo: goo"- nyangnu" nanu" ri mhau' nyid ago".

YEREMIA 28:3

Eig zain agyoo: moo ngoo gi khokham Nebukhadneza wigi Babelon khyoo: shoem" ci: lo" byug da" noku yhoem: jonu" joem dangain" ri he: joyoo khyoo: doem ci: loo wa.

YEREMIA 35:11

Nghoid loug we' khokham Nebukhadneza mungdain: khoug: khyoo: jhen" vang re" uri Babelon yo' Suri gyizoo: yi lo, mo loid wa shid re" Yerusalem khyoo: lo nyid wa ngoonu" myid phyed bye:. He: gang mo Yerusalem moo ngoonu" nyid nyid zi nghoid da» ga: phug tid ago".

YEREMIA 50:2

Hau: zigi «Byumyu" yiri lu dang: tid kyoo" we'. Hau: ziri tid fu" we'. Avoid alhoo: ri byid: wigi lu dang: joem ri tid fu" we'. Hau: ziri azau" too" goo". Babelon gi gyoeb gyo" byug abye:. Nya: da" yu phara" Madug gi gyoeb mhoin' byug bye:. Babelon yu phara" soolhoo: joem gi sho' phu" nyid. Nya: aco' ajhoid da" soolhoo: joem gi baid khyoeb mhoin' pyam zi shau" abye:.

YEREMIA 51:44

Ngoo gi Babelon yu phara" Bela ri yooboo dam byid: wa. Nya: da" khau" to" da" zi joem ri to" pyam nhang: wigi byumyu" yi we' nyang: ri ano' loo wa «Babelon vang joem gi byo, gyo" byug bye:.

DANIELA 5:13

Daniela gi khokham shidkhoin" khyoo: dalheing: dam shu" vang lo" zi shau" wigi khokham gi nyang: ri «Nang gi nga" phoo khokham ge' Yuda mung" mo shu" pyoung" she: lo da" Yuda byumyu" Daniela nghoid rhe".

DANIELA 5:18

Gyi: sheung: myhang: thang Mangsoo gi re" phoo Nebukhadneza ri khokham moo" bui" nhang: lho: nyang: ri ngi shab ziyo' khokham yoem: so' byid: to" abye:.

HABAKU 1:16

Nyangnu" ci: da" goin joem gi nyangnu" ri ja: khang" moo" mo ge thang ziri yo" yu nhang: yoomo nyangnu" gi nyangnu" da" goin joem rilang" goeb no' lho: xoin" ngei" byid: boem ago".

ZEKHARIA 5:11

«Babelon khyoo dang lo" lho: houg: moo nya: shid re" yhoem: moo" daloem: nyangnu" zhug boem wa nghoid. Hau: yhoem: moo" bain zhug lang" houg: moo noku wa shid re" gyoin ri to" too" wa zi nghoid» ga: tid.

TARHA" TID POIN" 32:30

Ciwim yoomo dayug gi dakhyeing" yug ri oung: pyam wigi eig yug wigi damoin yug ri oung: pyam la". Nyangnu" da" Aseing Mangsoo nyangnu" ri she: pyam bye:. Nyangnu" da" myhang: thang Mangsoo gi nyangnu" ri to" pyam to" abye:.

TARHA" AGYI 2:14

Houg: yoomo Aseing gi Israela byumyu" yiri nheig joem: yo: lho: gyivoo yiri khaid zain: nhang: wigi nyangnu" ri lhoid zoo: nhang: ago". Nyang: gi houg bang: lheing khoem mo gyivoo yiri nyangnu" ri oung: nhang: wigi Israela byumyu" yigi nyangnu" nya: gung ri ayo" goem loem loo: nghoid ago".

TARHA" AGYI 3:8

Houg: yoomo Aseing gi Israela byumyu" yiri nheig yo: wigi Mesopotamia khokham Kushan- Rishathim ri nyangnu" adang moo oung: pyam nhang: da:. Nyangnu" gi nyang: vhoebkhang" da" akhoug: moo shed zain nyid ago".

TARHA" AGYI 4:2

Houg: yoomo Aseing gi nyangnu" ri Hozora voomoo" moo vhoeb da" Khanan khokham Yabin wigi oung: pyam ziri shoug" nhang: da:. Nya: gyizoug: phoo gi Sisera nghoid. Nyang: gi tungbau: byu yi da" voogung Haroshed moo nyid da:.

1 SAMUELA 5:2

Nyangnu" da" yu phara" Dagon ri to" to" da" yhoem: khoug: khyoo: ci: vang lo" wigi nya: soolhoo: anam moo to" to" ago".